發新話題
打印

17號香港先由佳視播....

電離子攻擊 ?? 我記得係"核子飛彈" wor..... 仲有無人記得, 請補充

TOP

引用:
原帖由 幻之聖騎士 於 13-10-2006 11:42 發表 其實呢~~~ 原子能死光係佳視時係叫"電離子攻擊" 粉藍豹唔知去咗邊, 粉紅豹真人做咗AV女優...... 我都係鐘意黃金尼斯同17唔識講嘢果時,無咁細路戲~~
可否講講"粉藍豹,粉紅豹和黃金尼斯",失左憶!

TOP

我記得17號和18號聯手對付武士機械人,但两兄弟唔夠打,最後由18號把武士機械人捉住,再叫17號用原子能死光向自己和武士機械人發射,結果18號為了打敗武士機械人而壯烈犧牲了

TOP

記憶尤新

TOP

粉紅豹同粉藍豹係智慧手下黑老虎既兩個spy,兩個打扮一樣,bra top類白裇衫加小背心同熱褲,一個粉紅色,一個粉藍咁~~ 而黑老虎係戴黑超既光頭佬藏僧,黃金尼斯係最後果隻奸角機械人,打足last幾集。 三人下場: 1. 黑老虎想用自身既超能力打冚對抗智慧既電腦天使,結果未衝到埋去就比天使細胞分解咗~~ 2. 粉紅豹比粉藍豹逼佢開槍射死南三郎,但原來粉紅豹從未親手殺過人,係大驚之下,反而放走南三郎,跟住比粉藍豹開槍射死~~ 3. 粉藍豹駕駛黃金尼斯,結果....原子能死光~~~,bye bye~~

TOP

咁雙腳的飛彈武器是什麼名呢? 17号肚內是有一機械人仔,有冇大大有佢幅相呀?

TOP

Not 林嘉華唱

引用:
原帖由 gettertam 於 21-9-2006 10:47 PM 發表 大鐵人出動 俾你知道 佢係鐵做 力量大到無譜 俾你知道 佢係鐵做 用電子發動 即刻起步 電子科學儀器無數 電子飛人能量無限掃 打敗外太空怪物 應該感到自豪 隨時可以發動 隨時迎戰 隨時可以 ...
It is 趙國慶唱 You can list the audio 這首歌是特攝‘大鐵人十七’的主題曲。插曲是大鐵人立大功。兩首歌中的敵人都是來自外太空,和特攝內容不配合。 Pazu 兒歌網 有這特攝的資料和圖片。 以下特攝的資料來自第三十三期 (7/8/94) 兒童快報周刊,經我稍作整理 (打字打得好辛苦呀!) : ‘大鐵人17’在1977年3月18日的日本每日放送電視台播出,極受觀眾歡迎。香港方面,繼佳藝電視台 (已倒閉) 播放完畢後不久,無線電視台馬上再次播出,從而可以看到‘大鐵人17’的受歡迎程度。 ‘大鐵人17’的原作者是石森章太郎 (‘幪面超人’的原作者),這套作品特別之處,是強調大鐵人17與少年南三郎之間的友情,雖然故事期初期大鐵人17沒有說話的能力,但南三郎卻可憑著頭盔的電腦裝置和它溝通,這樣創新的構想是有別於同類型的特攝片集。除此之外,也著重描寫人與人之間的感情表現,如智慧黨和國際和平部隊紅圍巾之間的正邪鬥爭;表現的手法,著重軍隊的森嚴制度,效果極具真實感,所以‘大鐵人17’的成功,並不是僥倖的。 故事內容: 國際和平部隊科學研究所的佐原博士,為了保護地球的環境,製造出全世界最大的人工智慧電腦。可是電腦的程式超越了人類的想像界限,而產生反叛的意圖,再以本身的超級智慧,製造出大量巨型的機械人,繼而組織了智慧黨來消滅全人類。但首批製成的機械人因缺乏思想,令威力大減,所以智慧電腦在製造第十七個機械人時,決定輸入思維,加上最強大的力量,變成最完美的機械人 (即大鐵人17)。幸好,當十七號機械人完成後便不受控制,更不知所蹤,這使智慧電腦勃然大怒。 就在這天的東京,突然出現了一個巨型飛輪機械人,在市區內四處搗亂破壞。南三郎的雙親及姊妹因此不幸身亡,他更跌進一個地洞內,並發現了十七號機械人。當南三郎開動了它的電源後,它便送南三郎到安全的地方,並贈予一部能與它通話的頭盔。這樣,南三郎與十七號機械人便成為了好朋友。在東京大肆破壞的飛輪機械人,連國際和平部隊紅圍巾也束手無策。在徬徨絕望之際,胸口有‘17’標誌的機械人(即十七號機械人)出現,迅擊倒了飛輪機械人,成為人類的救星。所以人稱這正義巨大機械人為‘大鐵人17’,從此它就肩負對抗智慧電腦及智慧黨的使命了。 南三郎在大鐵人17未懂得人類語言之前,是靠頭盔傳達意思來溝通的。他在第四集時,才被佐原博士邀請加入國際和平部隊紅圍巾。 大鐵人17可以變成飛機,而從它的背部格納倉飛出來的無人駕駛微型噴射機,由它的眼部電腦控制,可噴出催眠氣體對附敵人。大鐵人17亦以其眼部的顯示板來表達它的感情。 第12集出場的微型鑽地車,由大鐵人17的眼部電腦指揮及南三郎發出命令行事,可以在地面及地底作支援用途。 第22集出場的大鐵人18號,是17號的弟弟,但它有著罪惡的系統,形成正邪不兩立的局面。後經大鐵人17的幫助下,成功拆除18號體內的罪惡系統,兩兄弟同心協力對抗邪惡。可惜在第二十六集,為了消滅強敵,不惜犧牲與之同歸於盡,場面令人難忘。 歌詞: http://www.zshare.net/download/17op-ra.html (白) 大鐵人出動 俾你知道 佢係鐵做 力量大到無譜 俾你知道 佢係鐵做 用電子發動 即刻起步 電子科學儀器無數 電子非人能量無限數 打敗外太空怪物 應該感到自豪 隨時可以發動 隨時迎戰 隨時可以飛到 八丈咁高 呢個係大鐵人 隨時隨地殺敵天下無 話你知 俾你知道 佢係鐵做 力量大到無譜 俾你知道 佢係鐵做 用電子發動 即刻起步 電子科學儀器無數 電子非人能量無限數 打敗外太空怪物 應該感到自豪 隨時可以發動 隨時迎戰 隨時可以飛到 八丈咁高 呢個係大鐵人 隨時隨地殺敵天下無 話你知 俾你知道 佢係鐵做 力量大到無譜 俾你知道 佢係鐵做 用電子發動 即刻起步 大鐵人立大功 (大鐵人十七 插曲) 唱:趙國慶 http://www.zshare.net/download/17ed-ra.html 歌詞: 在宇宙間 無數星星分佈 在太空 無數星星 曾為了自我利益 來突擊我地球 佔嶺空 (當然地球唔怕) 大鐵人立刻出動 (出動) 妖魔不用稱英雄 (稱英雄) 大鐵人制服敵手 立大功 係咁成日打 唔驚手痛 (重唱一次)

TOP

引用:
原帖由 carkei 於 18-9-2006 21:26 發表 佳視播時, ending 都有歌仔架, 在宇宙間,無限數星星..... ............................... 係咁成日打,唔驚手痛.
真的嗎? 我聽水木一郎的ED: one seven 噢, 噢 噢 one seven 噢 噢 噢 就多了. 中文OP都好記得. 但原來佳視連ED都有改中文! 憑觀察,香港電視台裡, 佳視對卡通算是很認真, 如冰河戰士等都是OP和ED都有中文版的.
我的老動漫音樂,電影blog:
http://moronenemy.blogspot.com

TOP

噢, 原來我hard disk 裡一早有存下這個中文ED, 自己都不知道.
我的老動漫音樂,電影blog:
http://moronenemy.blogspot.com

TOP

大家有印象嗎?

各位兄台真係勁...主題曲都記得...俾我真係唔記得啊~不過劇情呀、奸角機械人呀咁都應該記得吓... 除咗之前 ABOY 兄提及過嘅飛輪機械人之外,深刻啲嘅有壓路車機械人、細菌機械人、大厦機械人、武士機械人等等... 不過唔知各位記唔記得有集講智慧電腦做咗個鐵爪機械人,並將大鐵人17嘅弱點資料輸入咗俾佢,結果開頭大鐵人17俾佢打到...同埋若我無記錯,好似話大鐵人17嘅弱點係---膝頭哥~~~ 另外响大鐵人未識人類語言之前,南三郎可按大鐵人眼精顏色來明白意思:分別為藍白兩色充滿眼精格仔就係代表YES或肯定之類意思、紅黑兩色充滿眼精格仔就你代表NO或否定之類意思、而盛怒時則眼精全為紅色...跟住就出原子能死光喇~~~(咁咪即係只可答YES/NO Question?)

TOP

其實大鐵人的概念都幾勁,當年電腦係乜都仲有好多人未知 佢已經有 "人工智能 , 智能叛變"的 Idea, 又記得小小... 地球人製造了"智慧電腦" ....叛變了, 智慧造了"大鐵人".....又叛變了, 後來地球人再做了一台好似"智慧"的巨型電腦叫做 "巨型天使一號" , 未完成就比"智慧"毀滅了 , 最後 (好似) 係大鐵人撞向智慧, 同歸於盡

TOP

係,又係童年回憶

TOP

引用:
原帖由 carkei 於 30-11-2006 16:25 發表 其實大鐵人的概念都幾勁,當年電腦係乜都仲有好多人未知 佢已經有 "人工智能 , 智能叛變"的 Idea, 又記得小小... 地球人製造了"智慧電腦" ....叛變了, 智慧造了"大鐵人"... ...
補充: 係最後一集,智慧電腦說,佢不是叛變,佢話當日人類制造佢的目的是要人類和平,但佢認為要人類和平,就要人類唔好打仗,要唔打仗就要沒有人類,沒有人類就世界和平,人類是污染地球的主因,所以所有人類都要死,於是開始制造機械人去消滅人類.

TOP

我舊時有一個膠公仔係大鐵人17,成日比我分屍<img src=" src="./images/smilies/cry.gif" border=0 smilieid="4">

 

 

 

 

 

 

 

 

 

 

 

 

 

 

 

 

最難墮的胎, 就是你我各懷鬼胎.

[ 本帖最後由 任因玖 於 16-1-2008 18:00 編輯 ]

TOP

引用:
原帖由 carkei 於 30-11-2006 16:25 發表 其實大鐵人的概念都幾勁,當年電腦係乜都仲有好多人未知 佢已經有 "人工智能 , 智能叛變"的 Idea, 又記得小小... 地球人製造了"智慧電腦" ....叛變了, 智慧造了"大鐵人"... ...
睇第一集時都覺得好勁, 個幾十個波波物體就係超級電腦, 好巨型呀. 果時玩緊既電腦係成部打字機咁既 apple ii ...去鰝鬻羡assette遊戲玩喳.

TOP

引用:
原帖由 gettertam 於 21-9-2006 22:47 發表 大鐵人出動 俾你知道 佢係鐵做 力量大到無譜 俾你知道 佢係鐵做 用電子發動 即刻起步 電子科學儀器無數 電子飛人能量無限掃 打敗外太空怪物 應該感到自豪 隨時可以發動 隨時迎戰 隨時可 ...
趙國慶唱!!!

TOP

記得敵人中有一個係喇嘛,有個手勢我而家都識做!唔記得名。

TOP

我仲記得有一集有個子彈火車機械人, 一到令大鐵人陷於苦戰!

TOP

TOP

引用:
原帖由 Chan01chan 於 24-4-2007 02:58 發表 大鐵人18 in danger : http://www.youtube.com/watch?v=sT4tFkWpuAQ

嘩?大鐵人就咁都飛得起?咁变身來做咩,休養生息嗎?

TOP

發新話題