發新話題
打印

錯了,珍寶3在香港是有播過的

引用:
原帖由 assemby 於 17-6-2008 08:08 發表 第一,由小孩子駕駛機械人,我好深印象。(神勝平,個名到現在都記得。)第二,絕招Zambo Moon Attrack,到現在我都記得。冇做過又怎會記得?第三,時段是在下午,可能是孩子出街玩的時候。(正確年份和時間當然不記得啦。 ...

 

我都覺得assemby兄可能記錯,咁既名片無乜理由會唔知,第一,有a-club有漫週,一路到2001年5月25日a-club最後一期都無講過有電視做過,第二,如果係麗的年代做過既話,係a-club既"幻之名作"中就唔會講,"幻之名作"係專門介紹未曾在港上過既動畫,第三、如果做過,理應有一個好"娘"既中文片名,例如圓月神俠、無敵月光機械人咁,而且香港做既機械人動畫,對小朋友既譯名一定唔會用神勝平,多數會用小平、平仔,更大可能係小龍...至於必殺技,就更無可能直叫Zambo Moon Attrack,係日本買版權返嚟既唔會咁譯,外國版權(好似百獸王叫金剛戰神)果d,就更加唔會,本土化之後大有可能叫"圓月神光"、"神月死光"云云,所以好大可能assemby兄比超級機械人大戰洗咗腦,以為香港做過。

 

所以,係2001年前做過既機會唔大,但2001年後呢?我又唔太敢講,畢竟果時經已唔係追電視睇卡通既年紀(睇都係睇dvd啦),但咁近期既嘢,又無理由無乜人知......

TOP

引用:
原帖由 assemby 於 17-6-2008 23:39 發表 因為我小時的確有看過,我慶幸我有看過!中文名和絕招的確是有譯名的。而那時的配音真的叫勝平。我為何知道他是神勝平!?因為故事講到地球的人誤會了神家族的人,既然是姓神的,當然叫神勝平。至於絕招,好似是有中文 ...

 

我相信有無做過係好少既事,如果assemby 兄話有睇過就有睇過囉,我只係將facts擺出嚟,我並唔係因我自己無睇過就話無做過,而係用唔同既理任同論點去講解,要講合唔合邏輯,或者點都比assemby 兄話佢睇過就等於做過多少少理據,當然assemby 兄無責任要向任何人交代,大家既然都係相尋回童年,自然希望其準確性高d,情況就好似60隻怪圍攻吉田一樣,大多數人未睇過而有人堅持有,自然想考證其可信性,如果只係話"好似"、"或者"做過等等,可能大家又覺得無乜問題,但實牙實齒咁話做過,同其他人既童年記憶有相衝時,自然就有人想攪清楚,搞清楚係要用理據,而唔係話"總之我有睇過"就可以令人認同,當然又係一句,assemby 兄唔要人認同我明白,我只係好奇點解咁既大作只有assemby 兄一個人睇過,其他人都無睇過啫。

 

重有一則更正,無人講過百獸王香港無做過,只係麗的年代無做,係亞視年代係有做既,而最初係叫voltron(好似係咁串),即係譯名金剛戰神,係外國版權,後來重做先叫返正名"百獸王"。又係借a-club一用,"幻之名作"同樣介紹過百獸王,因為當時香港未做,後嚟做金剛戰神時先叫係香港登陸。

[ 本帖最後由 幻之聖騎士 於 18-6-2008 09:53 編輯 ]

TOP

引用:
原帖由 assemby 於 18-6-2008 20:13 發表 我只是不想被人冤枉,以為我作故事才辯解吧!如果早知的話,一早錄下來,就能作證據了!

 

從頭到尾都無人話過assemby兄係作嘢,只係懷疑有無記錯或者有無做過,話雖少數人唔代表錯,但太過少數而令人有疑問亦無可厚非,記得有做過,睇過既人咪繼續話有做過,睇過囉,記得無做過,無睇過既人咪繼續話無做過,無睇過囉,其實有做又點,無做又點,皆往矣,記得晒以前既嘢唔代表講大話,可以記得更久遠而無差錯者大有人在,年代久遠唔代表一定唔記得,年代近亦非等於會記得一清二楚,大家只係想攪清楚到底年少果時,身邊發生過乜事啫,唔好將有人話無做,或懷疑你有無記錯,就等同睇成冤枉你,咁樣有唔同意見既人,就真係被冤枉啦。

 

 

TOP

引用:
原帖由 assemby 於 6-7-2008 11:33 發表 應該是在83年之後的。難道我睇的是幻象嗎?是我自己欺騙自己嗎?我騙你地又有什麼好處?資料還資料,捉賊同樣是需要人證的,是不是?單憑物證也不足以定罪一個人的。本來我都不爭辯了,為何又要投票呢? 還有,我不會把睇 ...

 

其實Assemby兄唔需太勞氣,我之前講過有無做過都無所謂,皆往已,我唔覺得Assemby兄係老作去嘩眾取寵,只係大多數人都認為你可能係記錯,如果珍寶3係83年之後做既話,從數據上嚟講真係做過既機會會較細,因為83年開始,係香港係真實機械人動畫抬頭既時候,超時空要塞、世紀、機甲創世記全都係果個時候開始做,相對巨大機械人,同期做過既都只係有電腦戰士、光速電神同新鐵人28,而且都係亞視做,但相對Assemby兄話係係亞視做過,亦唔可以抹殺其可能性,如果話係無線做,咁機會就一定係微乎其微啦。

 

可以咁既睇啦,正如鐵金剛主題曲當時都好多人各執其詞(包括我在內),但從其他網上既蛛絲馬跡,都勉強可以見到有人提過,但今次珍寶3,係其他網站有相同見解既人係零,故大家更覺得做過既機會更低,或者係唔係可以好似鐵金剛咁,睇吓有無邊個既親朋係亞視度做,可能搵到資料呢?

TOP

陳年舊事又再重提,真係有理講不清,無做過既係99.9%,做過既係0.1%,重有一個論點可以睇睇,當年好興將D姊妹作齊齊做,無敵超人如果有做,咁無敵鋼人都應該走唔甩,但好肯定泰坦3都應該係無做過......

TOP

我反而鍾意第4次喎,但講故事好玩,自覺ALPHA三部曲係最高峰。

TOP

我都係要用心講多幾次

 

珍寶3從無係香港播過~~

 

珍寶3從無係香港播過~~

 

珍寶3從無係香港播過~~

TOP

發新話題