發新話題
打印

酒店鬼話

酒店鬼話

在網絡上, 看到很多關於酒店的鬼故.

大家分享下.

 

傳聞中猛店有 (updated on 30 May 2008)

泰國曼谷 :

Bangkok Palace
Grand Diamond
Royal Hotel
Siam City Hotel
Siam Bay Shore
D''Ma PaXXXX Hotel

Jomtien Palm Beach Hotel

日本:

池袋太子(全日本最猛,位於池袋墳場區,酒店設計為墓碑形,用以震壓,多數外國團都係入池袋太子,因為本地人都知道事情)
富士山山中湖 (老虎蟹都唔住富士山,明知猛架喇)
新星酒店
東京 - Century Southern Tower

#新宿太子不等於池袋太子,而且新宿太子安全多了...

Sheraton - 布吉
Sheraton - 多倫多

台北 - 麒麟
*去台灣酒店要先拉開櫃通睇睇上面或櫃通下有冇貼黃色符,有就一定要轉房...


蘇州 - 東吳賓館

馬來西亞雲頂GENTING HOTEL 雲頂酒店 (車站上邊果間)

上海 - 新錦江酒店

澳門財神酒店

台北Hilton頂樓尾房
新加坡LE-MERDIAN
耶加達shangri-la 8/F尾房
London Airport''s Le-Merdian
曼谷 Ramada Garden
馬尼拉shangri-la
檳城shangri-la



南韓 : 大明渡假村

香港 : 利景
銅鑼灣富豪酒店(向某走火通道 有 "無主孤魂" 既牌)
半島酒店


世界猛鬼酒店一覽

* Canada – Toronto 加拿大多倫多: Sheraton

* China - Shanghai 上海: 新錦江酒店

* China - Shenzhen 中國深圳: 富臨酒店

* China – Suzhou 中國蘇州: 東吳賓館

* Indonesia - Jakarta 印尼耶加達: Shangri-La (8/F尾房)

* Japan 日本: 池袋太子(14樓以下最多,以上不是沒有,只是較少)

* Japan - Fujiyama 日本富士山: 新星酒店

* Japan - Tokyo 日本東京: Century Southern Tower

* Macau 澳門: 財神酒店

* Malaysia - Genting 馬來西亞雲頂: Genting Hotel 雲頂酒店(因為雲頂位於山頂區,所以陰氣較重) (老虎蟹都留响賭場坐到天光為止!)


* Malaysia - Penang 馬來西亞檳城: Shangri-La

* Philippines - Manila 菲律賓馬尼拉: Shangri-La

* Singapore 新加坡: Le-Merdian

* South Korea 南韓: 大明渡假村

* Taiwan - Taipei 台北 : 麒麟, 君悅Grand Hyatt, 凱撒Hilton (頂樓尾房)

* Thailand - Bangkok 泰國曼谷: Bangkok Palace
                                           - Grand Diamond
                                           - Royal Hotel
                                           - Siam City Hotel
                                           - D'Ma Pavillon Hotel
                                           - Siam Bay Shore
                                           - Ramada Garden
                                           - Novetel

* Thailand - Phuket 泰國布吉: Sheraton

[ 本帖最後由 cmlwts 於 30-5-2008 15:17 編輯 ]

TOP

香港 - 利景

話說一晚, 有個日本熟客check-in後如常上房, 不久, 有個馬姐敲門話要幫客人打掃房間, 日本熟客諗住自己係熟客所以酒店半夜亦派人幫佢打掃, 於是就比呢位馬姐入房打掃, 一路打掃都無特別嘢, 直到佢走去抺窗....
日本客忽然見到馬姐申左半個身出玻璃窗外抺......請不要誤會, 玻璃窗沒有開亦不能開!

赫得日本客走落大堂, 要求退房! 此為真人真事

TOP

引用:
原帖由 999 於 27-5-2008 13:45 發表 麒麟是"老"字号,勝在价格公道,去西門町又近. 台北 Grand Hyatt 氣派非凡,但有否留意lobby兩旁掛有二幅巨大掛畫,細看下原來是二幅大符咒,傳該地在日治時是一片墓地!!

 

(Post from other Forum)

- 住麒麟真係好恐佈架,後尾領隊夜晚講關於酒店既鬼故..佢打開窗比我地睇..原來全幢酒店都有紅色三角符陣壓住架..真係好恐佈,好得人驚..10/F仲曾經有遊客跳過樓死左呀,自

  始10/F果度成日有巨響..好得人驚呀,我果團有個女仔連續2晚到聽到巨響.佢當時住9/F..你話驚唔驚

- 台北麒麟的三角形標誌, 並不是日本酒店每個window都有既"非常口"(emergency exit) 台北麒麟window的紅色三角形標誌, 真是有來振壓用的, 只有出事果間房的成幢酒店的那個座向的房間先有, 其他房是無果個三角形的。

 

- 台北間麒麟真係有野架! 我男友幾年前同朋友去台北玩,佢地幾個男仔一間房。有一晚,我男友訓到半夜聽到門鐘響,佢好自然咁走去個防盗眼度望下啦! 見到有一個女仔企左喺度,但佢因為冇戴眼鏡,所以睇唔到個樣,淨係見到佢著住條格仔裙,咁我男友冇理佢咪繼續上床訓啦! 當佢上左床之後個門鐘又再響,佢今次就起身開門,見到頭見個女仔企左喺隔離房的門前面,但我男友肯定係自己房門的鐘響,咁覺得有古怪,所以即刻閂門,後來訓訓下房入面的收音機突然之間響,佢個朋友熄左佢啦!點知熄完又再響,再熄又響,結果佢同佢d朋友都好驚,成晚唔敢訓,一齊傾偈等天光。

 

- 大約兩年前我同男友再去台北玩,當地導遊講左一件係佢的親身經歷俾我地知,話說台灣人好興戴一隻叫"皮優"的四不像,呢隻皮優可以助人旺財和辟邪,有一次個導遊帶團時自己都求左一隻皮優,之後佢就返左去麒麟呢間酒店休息,訓覺前佢將隻皮優掛喺床前,點知怪前發生,佢感覺到張床係咁搖,搖左一陣之後就停左,於是佢走入廁所睇下有冇唔妥啦,點知佢見到廁所地下有濕左的腳印,同埋見到浴缸有一"執"頭髮,d頭髮係長既,但個導遊係男人,所以根本冇可能係佢既,加上佢check-in時已經檢查過間冇任何問題,如果係清潔工人做得唔乾淨,佢入房檢查時已經會叫人再執過,所以你都咪話唔驚!!!

 

- 台北麒麟--幾年前同男友去﹐入到房又係覺得好唔舒服﹐見男友無嘜野咪唔出聲囉﹐夜晚玩完返黎開缸水準備沖涼啦﹐轉個身見到塊鏡 (好多水氣的) 有個影﹐動作係自己黎o既﹐但個樣唔多似係﹐我嚇一嚇﹐以為水氣所以睇唔清﹐睇多一眼明顯見到鏡入面有人好惡咁"厲"住自己﹐即刻走出房﹐扮晒無野咁捉住男人玩啤牌﹐然後涼都唔沖就訓。到半夜﹐又醒(我唔醒訓的﹐火燭都唔識醒果種人) 清楚聽到廁所有開門關門聲﹐望到唔敢望呀~~~~~係咁念經念到訓著囉

[ 本帖最後由 cmlwts 於 27-5-2008 14:21 編輯 ]

TOP

TOP

TOP

引用:
原帖由 Josah 於 27-5-2008 18:31 發表   cmlwts 兄: 你的鬼故事我很喜歡睇,  可以再多些嗎?  謝謝!          

 

Why Not ?

I have a lot of ghost story and i will post it later.

TOP

引用:
原帖由 拾實什習窄炸集 於 28-5-2008 09:51 發表 then you must be a kind of the ghost ?

 

Yes !

I am old ghost.

 

TOP

日本d溫泉酒店, 真係猛.

我都中了一次.

TOP

(轉貼)

馬來西亞雲頂

 

- GENTING HOTEL 雲頂酒店 (車站上邊果間)。 用張門鎖卡插入去,轉左綠燈都開唔到。 但係反而按門鈴及拍門之後, 個鎖 "撻" 一聲開左。 但間房入面又冇野喎,我同我老公又唔知點解當時好似傻下傻下咁,又唔換房,仲讚間房幾好添。 落到大堂先發覺唔記得帶風褸,上房拎既時候又再一次,拍門+按玲+插卡先開到。 (之後幾次,直到check out 都係咁先開到門。)

 

但係,奇事就發生響我老公身上。 我老公本身唔鐘意賭錢。 就算去到 Las Vegas 都係玩下幾舖 USD5 既 blackjack就走人。 就響雲頂果一晚食完晚飯,我老公同我去行酒店個賭場,行行下我唔見左佢。 初初我以為佢去左廁所,點知等左好耐都唔見佢。 佢我唯有一個人響賭場入面搵佢啦! 點知 ~ ~ ~

佢居然坐左響一張 每舖 馬幣100既 blackjack 檯度賭緊,面前仲有一堆籌碼,我估果度有成3千幾蚊。 佢後邊有一個好古怪既老男人企響度望住我老公。我指個老男人古怪,係佢個樣好怪。 你望到佢個樣時候係好唔舒服,心驚心慌果種。 佢兩隻手指尾既指甲,係長到打左2個圈咖 ! 我一行埋老公身邊,個老男人就立即行開,而我老公就由我行埋去開始舖舖輸。 但最終都有贏左成千蚊馬幣。 第二日,我地個導遊響車度講笑咁問 : 你地有冇撞到古怪事呀 ! 我地先醒起個鎖好古怪 (個恐懼感而家先有) 。 我地成團其實都係住同一層隔離左右,但冇 一間房好似我地咁。

但成團 38 人 就只得我老公一個人贏錢。

 

- 領隊話雲頂咁多間酒店..7/F全部都係養鬼仔架..係真人真事
D LIFT全部都冇7/F架..要行樓梯先去到架
仲有D雲頂鬼故事..好得人驚架..

 

- 我上禮拜咩去完馬來西亞既..咁領隊講d鬼故我地聽..佢話曾帶一團咁當晚住雲頂..咁有一對情侶..個bf就想去睹場見識下啦.咁女友就唔like啦.話就算唔賭都唔比bf入賭場..咁導遊就話一場黎度見識下啦..最多行個圈咩走lu..後尾個女朋友就發脾氣自己沖返上酒店房沖涼冇理佢bf啦..後尾佢入到房直覺感應到果d野存在啦..後尾佢都唔驚..因為佢係基督徒唔怕既..後尾佢沖沖下涼突然有個男人跪左係佢面前望住佢問佢你應唔應得我呀..後尾個女仔嚇都衫都冇著嬲條毛巾沖左落大堂..後尾佢男朋友&導遊見佢咁問佢咩事啦..點知佢咩都唔肯講..一直用好憎恨既眼神掘住導遊..而佢成晚都唔敢返上房,幾日既行程呢個女仔都冇講過一句話.後尾都最後一日.個女仔終於講左當日既事出黎.導遊就同佢bf講..不如係馬來西亞去拜一拜好d..係度發生既事..係度拜左先走.心安理得d..後尾個女仔唔肯..因為佢又唔拜神既..咁導遊就好心同佢bf講你返到hk用基督都既方式拜一拜啦..心安理得d ma.而呢個女仔一直都掘住導遊..後尾返到hk..事隔半年左右..導遊得悉原來呢個女仔返左hk半年到唔知咩事死左啦..好得人驚呀

- 講起雲頂,我也記得多年前跟團入住時的情況...
那一次我也是與媽媽旅行,一入到lobby,第一個感覺就是很暗,上房後,我與媽也同時有一種驚的感覺,於是我們二人立刻離開房間,打萛到casino或是coffee shop消磨時間,好過留在房間,點知一下到lobby,即見到幾個團友也下了來,一問之下,原來大家入房後也感覺到驚..
我們周圍行,盡量消磨時間,有人提議通宵不回房,直至深夜一時許,因我媽媽太倦,惟有回房休息..
我將所有燈及電視等開著,連沖涼也不關門,直至半夜約三時多,我媽因太倦所以睡著了,但我怎樣也睡不著,我突然看見一個男人坐在我媽的牀邊看電視,嚇得我...硬著頭皮再看一眼,但已經不見了...
我仍清楚記得這件事,但至今也沒有告訴我媽,以免她受驚...

 

- 今次講呢個係到係發生係雲頂, 都係我岩岩去完馬來西亞既導遊講比我地聽架..今次係發生係佢同埋司機身上..咁果晚佢地又係帶團上雲頂啦.咁司機同導遊一間房啦.咁佢地入到房侍仔又將佢地d行李擺入房啦.咁佢地之後出左去啦..咁佢地夜晚返房發現所有行李入面既野全部掉亂晒..導遊d 行李放晒落司機個行李gift到..而司機d 行李又放晒落導遊個gift到..好奇怪..佢地都覺得好不可思義loh..又試過有一次到係雲頂既..導遊又係打開左d 行李之後又出左去啦..要帶人食飯ma..咁出左去啦..後尾食完晚飯返上放啦..佢d 衫呀褲掉到成間房到係.有d 仲掉晒落馬桶..好得人驚呀

- 其實我都住雲頂,這晚我睡到半夜,有人在洗手間拷野,我曾經起身看過幾次,但沒有發現,洗手間只有我的穩形眼鏡樽才可以發出這種聲音,並且在我返回床之後才會再嚮,真的令我每次去看都很氣憤.因為睡不到!

 

- 又係馬來西亞雲頂
當時我地一行六人住三間相連鴭,我同家姐住中間黧,我爸媽住左邊,姑姐同表弟住右邊.我地之前都聽過雲頂猛,所以都唔敢關燈.唻鴗T點幾,突然有人不停拍門按門鐘.我同家姐都扎醒,於是就一齊行去門口睇 係邊個.點知一行到門口就冇晒聲,望防盜眼又見唔到有人,開門睇發覺走廊人影都冇隻.當時我地安慰自己話可能有人賭到三更半夜搵錯房,跟住我地就啋.第二朝我爸媽按門鐘叫我地食早餐,我地都未去得切開門,我姑姐(鶾j離房)就已經應鱆.佢話聽到門鐘聲以為係按緊佢間房囃,我地就發現原來我地個門鐘係大聲到隔離房都聽到.但我爸媽姑姐表弟個個都話聽唔到夜晚有人勁按鐘.我同家姐到鶢镼識驚,好彩食完早餐已經走得.

TOP

想無事,

 

出去住酒店會有好多避忌,

(1).尾房一定唔住,

(2). Corner  房一定唔住;

(3).間房無鏡, 唔住.

(4). 間房好似好耐無人住過 (好多塵, 等等), 唔住.

(5). 房入面無聖經, 唔住!

(6). 如果本聖經打開左, 亦唔好入住, 因為應該有d嘢!

(7). 當然, 就算以上都無發生或出現, 但你自己一入房就唔係幾好feel的話, 真係最好唔好住!

(8). 有倒汗水或不知名水積, 唔住!

TOP

引用:
原帖由 聰洛多薩比 於 29-5-2008 11:48 發表 不過有時真係人打開佢架喎... 因為係打開佢黎鎮住房入面既野... 個d野開得到聖經架咩??? 開個刻都比聖經打到無雷公咁遠囉...

 

不能太神化聖經, 基本上係一本書而已.

 

主要係信徒的信心.

TOP

話說大約十當年前一個農曆新年大年初二......位於灣仔某大5星級新xx海景酒店(現已改名), 請來舞獅為表演助慶並為新一年祈福, 本應喜氣洋洋
當時某部門主管說了一句無心快語 : 等我嚟, 等我嚟......等我帶住條"獅"(屍)行啦! 雖然大家聽到都覺得好大吉利是, 但知道只係佢一時口快快, 好快又忘記左佢呢句說話, 繼續睇舞獅表演!
後來我放完兩日假之後返公司(年初五), 見到大家都面有難色, 氣氛好陰沉, 一問之下, 先知道原來講左果句說話嘅果位部門主管响初三, 因心臟病過左身!!!!
大家一場同事, 真係好唔開心亦都覺得好驚, 唔知關唔關果句說話事!
過左幾日, 再聽到一件怪事,有一位會計部同事, 因放左大假剛剛返工先知道呢件事, 不過佢叫其他人唔可以攞呢d嘢講笑, 因為佢初四返公司攞嘢仲明明見到佢, 大家重有互相拜年! 後來, 當佢知道係事實之後, 就驚到傻左!!!

又一真人真事, 唔知道係咪真係咁邪, 或者只係咁啱得咁橋, 不過以後真係要小心說話

TOP

馬來西亞雲頂高原的鬼話
1.
雲頂高原離開吉隆坡市約 50 公里,海拔 1,600 多米的山上建有幾間大型酒店和一個機動遊樂場。香港人對雲頂高原也不會陌生,相信不少人曾經在它的賭場流連忘返。

馬來西亞雲頂高原的酒店之靈異事件,曾記載在一本敘述亞洲猛鬼酒店的靈異系列叢書中。書中有這一番記載,也許是事實,或許只是道聽途說。

在酒店和賭場開張前幾月,十來個孕婦從越南被帶來雲頂,並分別住進酒店的不同房間裡。孕婦個個大腹便便,似乎即將臨盆。房間窗口都用上厚重的窗簾遮蓋,不讓陽光投射進來,而孕婦足不出戶,一切衣食都由一越南男子代理。

過了預產期後,那些孕婦們一個個離開了酒店。只見她們個個身材苗條,像是未曾懷孕一樣,也沒有任何嬰孩跟隨。據一職員透露,在預產期間,也沒聽到任何嬰孩哭聲,或見到孕婦嬰孩進出房間。

那些孕婦住過的房間,都在窗口掛上了一串風鈴,並在房中置放零食玩具。據書中透露,其實那些孕婦的腹中胎兒已經巫術施咒,成了小鬼並養在風鈴中。這些小鬼被訓練蠱惑房客,引起賭欲,到賭場一擲千金。如此這般,賭場可說是客似雲來。有一男子到雲頂來談生意,住進一間掛著風鈴的房間。一到夜晚,耳邊竟響起一細微的聲音:「反正閒著,不如到賭場博殺一番,發一筆橫財…」他心想也對,就到賭場去了。

運氣真好,玩了幾手竟贏了幾千元。正想收手,耳邊又響起與之前的聲音:「運氣真好,繼續玩下去,說不定就不用替人打工了﹗」俗話說:「十賭九輸」﹐接下來幾手﹐男子輸盡身上任何一分錢。正想打退堂鼓,那邪惡的聲音又在腦海響起:「不是還有公款?就用它來翻本,就不相信運氣會黑下去﹗」就這樣越陷越深,賭得昏天黑地。

當他回過神來,已把公款輸得一乾二淨。男子在懊悔及氣憤之下,竟在酒店跳樓自盡。

故事還未結束。

自男子自殺後,酒店住客屢次投訴深夜有小孩哭鬧聲,擾人清夢,但總找不到那罪魁禍首。而且掛在房裡的風鈴,常無緣無故砸落在地上,累酒店得多次更換風鈴。

後來有員工和住客報告管理層,曾深夜見到一衣著破爛不堪,面目猙獰的男子,在走廊上拿著樹枝追著鞭打全身赤裸,哭叫的小孩。有人想追上阻止,一拐彎就不見蹤影。有眼尖的人認得那男人就是不久前跳樓身亡的賭客!

想必是那男子死於非命後,冤魂滯留在酒店,發現這些害死他的小鬼。於是夜夜砸爛風鈴,把小鬼趕出風鈴外,追打他們一洩心頭之恨。就此原因,管理層下令拿下全部風鈴,以免再人心惶惶。

但可要小心!!當你入住雲頂高原的酒店時,也許還有些房間的風鈴忘了拿下來。

2.雲頂某間酒店(真人真事,信不信由你)  

去年的華人六月尾,我和朋友共六個人一起上雲頂。我們租了一間酒店,堶惘@有三房一廳。只因為那酒店兩晚才RM180++比起別的酒店便易。在第一個晚上,我們大概淩晨三點左右才回去酒店。因為我們都不累,所以就全部人在最尾端的房婼秅恁C

正當我們談得很投入的時後,外面的TV突然開了。畫面磨糊不清,其中一個朋友很大膽的出去把TV關掉。他說是他開的,根本沒有人相信。因為客廳堮琤豪S有人,加上又沒又REMOTE CONTROL的,那有可能會自動開著呢!

當我們又再談天時,TV又再次的打開了。我們很怕,但是為了必勉我們亂想,我們便一起出去把TV的PLUG擦掉。過後我們又再次回房間了。正當我們有說有笑時,突然!門鈴響了。。。我們跑去開門,但是沒有人在丫。就這樣重複了幾次。

我門談好了,要怕一起怕。。。我門在門縫堿搘X去,門鈴響了。。。 但卻沒有看到有腳啊!我們怕得直在發鬥,於使我們把所有的沙發和櫥都頂在們後面,便快跑回房媞恅惜F。

也許怕得累了吧,就這樣我們一個接一個的睡著了。直到第二天早上,我大概八點起床了。昨晚的事也沒有想起就走去客廳坐,當我走到門那堮氶C。。門是打開了,東西亂七八糟。。。我腦袋立刻回想起昨天晚上的事。我立刻跑回房堨s他門起床。梳洗後,我們立刻退房了。還有。。。那天淩晨回房間的時後,電梯停在13樓,

門打開了。。。外面黑黑的,冷冷的,門一直都關不上。。。我最大膽的朋友罵了一大堆的〞三字經〞後, 門就關上了。

TOP

跟團可能被安排入住猛鬼酒店

Jomtien Palm Beach Hotel
大火前名The Royal Jomtien,後改名Jomtien Palm Beach Hotel 是芭堤雅最著名的"猛鬼"飯店。1997年7日11日發生大火,燒死不少南韓與西方觀光客(共91人死於大火中),重整裝修營業後, 各種精彩的故事不斷。

TOP

轉貼(來自親戚一個星期前的經歷).
他們參加一個曼谷+Pattaya的旅行團(5日4夜).在曼谷住一間酒店。有一批團友在14樓住. 其中2個女仔住一間房.那天晚上,其中1個女仔聽到洗手間有聲音傳出,便走到洗手間一看.她見到廁紙全部在天花版(wet and stick on the ceiling). 再望向鏡子,看見有人為她搽唇膏.她大叫,跑去叫醒同房的女仔,叫了很久才起身.跟住跑到隔離房.Next morning, 她們想回目己房拾行李,可是怎也開不到門.她們說了一句,我哋執反啲行李就走.門鎖突然鬆了!!!!太可怕

TOP

星島日報報道

泳兒張敬軒江若琳 昨日出席新城舉行的校園活動記者會,泳兒早前於大馬雲頂舉行個唱,講述於酒店發生怪異事,她戴了護身符隨行,但深夜仍聽到廁所沖水聲及廳間傳來怪聲,可惜同房的母親已熟睡,泳兒害怕得不敢動彈,坦言雲頂令她留下陰影。

TOP

(post from other forum)

在菲律賓第四天晚上
我們一伙人到了當地的藝術中心
看人妖表演

在回程的時候
小張向我們一眾人說了一個酒店鬧鬼的故事

話說有一晚
他的一位同是當導遊工作的朋友(下稱小李)
帶了一團香港人到A酒店留宿

誰知到了晚上12時
小李房門響起忽然「澎」「澎」的巨大敲門聲
於是小李就開門看過究竟
誰料門一開
只見住在隔壁單人房
一位今天早上還是嘻嘻哈哈
身形肥伴女的團友
竟身穿浴袍
滿頭大汗
上氣不接下氣道:「小李,我要換房!」

小李看著已被嚇得花容失色的她
唯有先請她入房坐下
為她倒了一杯水
然後問:「何解呢?」

於是女團友就將事情的始未一一道來
話說女團友當晚回酒店
什麼也不做
一馬當先
就到浴室洗澡
一洗就洗了近一個小時

而當她出浴
正想穿衣服的時候
她很自然地望了望浴室洗手盤前的那面鏡
(註:按一般情況
通常我們以熱水洗澡後
浴室的鏡面都會有一層白濛濛的水氣
有些小孩子很喜歡在上面寫字)
竟被她發現滿是水氣的浴室境
出現了幾隻像是由小孩子剛剛寫下的字
內容是:你好肥,我係度已經等左你好耐啦

女團友看了
很驚
心想
洗澡時浴室的門也給自已鎖了
理應是沒有人可進來的
難道是這間酒店有?..

說到這裡,小張就向我們講:「聽小李說到這裡,我已經很想笑。但我忍住,並問他那位女團友的房號。一問之下,那間房,果然是被我之前所帶的一團香港人住過。那團離開之日,就是小李那位女團友到來的第一天。」

「那你為什麼聽到小李後,會很想笑?」一位團友問

小張聽了,笑嘻嘻地道:「其實浴室那些字是因我而起的!我之前所帶的香港團,有很多年青人,於是我就教他們一個出遊時整蠱別人的方法,那就是用肥皂水,在浴室的鏡上寫字,那樣就可在浴後,得出那位肥婆所見的效果了。誰知有人真的試了,仲要中到正,看來效果亦很佳呢!」

TOP

引用:
原帖由 聰洛多薩比 於 23-7-2008 02:12 發表 講起買股票... 我都入左幾手1398... 加埋之前既3988同857... 我都有成廿幾萬向手...   講起鬼故... 我就諗起百元商店... 網上有好多都係仿作... 但係都係只有原作者既先最好最有鋪排... 遲下 ...


How about 2866 ?
Buy it or not ?

TOP

發新話題