金牌餅迷
冇錯, 果個時代, 唔止父母, 連學校嘅先生都興用雞毛掃既年代, 唔同依家, 雞毛掃只係要黎掃下架車....
查看詳細資料
TOP
只要有3個小朋友帶支雞毛掃出黎, 就可以拐 伏魔三劍俠了....呵.....
原帖由 celia 於 4-5-2008 01:05 發表 咁我都講返一個,到大個都仲清清楚楚記得大部份既改編歌詞 點解咁記得?因為細個一聽到呢隻歌已經覺得D歌詞改得好好笑,所以到大個依然深刻 呢首係''生命麵包''既廣告歌 改編歌詞係咁 ...
聽過, 原唱係 "生命面包嘉頓制造" , 我仲記得的
原帖由 actionkamen 於 4-5-2008 12:43 發表 我想起個改篇茂昌茂昌無字號，茂昌眼鏡真恐佈，茂昌驗眼用尿布，茂昌眼鏡人人都話老土原庄茂昌茂昌老字號，茂昌眼鏡真可靠，茂昌驗眼用電腦，茂昌眼鏡人人都話佢仔
反而呢首我就未聽過, 只聽過原唱, 呵, 又知道多一首好歌仔啦..
原帖由 celia 於 4-5-2008 22:39 發表 係呀冇錯呀 咁您仲記唔記得之後果D呢?
記得d啦.....
有雙倍維他命, 營養成份特別高....跟住唔係好記得
原帖由 actionkamen 於 4-5-2008 23:10 發表 係余仁生金牌白鳳丸古裝版廣告改篇版都幾衰㗎！
你越係咁講, 其他人就越想知, 包括埋我在內, 呢d係咪叫好奇心呢?
原帖由 聰洛多薩比 於 5-5-2008 10:09 發表 我阿媽係少林奇兵黎丫嘛... 佢一出手就整個降龍伏虎陣你嘆下...
咁你有冇練番d 金鐘罩, 鐵布衫, 橫練十三太保呢d 護體氣功呀??
原帖由 聰洛多薩比 於 5-5-2008 23:51 發表 我好明顯係與世無爭架啦... 都係企向度比佢打架喇...
咁係正確既做法, 因為越走會越打, 企係度, 最多打幾下就停手, 如果走, 會食多好多野..
原帖由 聰洛多薩比 於 5-5-2008 23:56 發表 兒歌就唔係點記得... 不過近年既就記得有一個廣告...係咁既... 三隻白白豬...各自去搵屋... 豬哥哥無厘頭問路邊... 豬妹妹通街逛... 好彩有隻白白豬... 醒醒目目禁電腦... 港九到處樣樣款... 全部都睇到 ...
呢首就聽過, 但冇左以前果種頑皮性格, 所以唔係好記得住, 你打左出黎就最好, 慢慢唱, 慢慢記
原帖由 actionkamen 於 5-5-2008 22:47 發表 唔好啦，你Copy古有皇太后，跟住去Google Search到！
揾到, 又真係改得幾衰, 唔怪之得你唔肯打佢出黎, 我揾到都唔想貼佢出黎.....
原帖由 聰洛多薩比 於 7-5-2008 19:34 發表 反而而家仲多呀... 請參考... 香港始終有你: http://evchk.wikia.com/wiki/%E7%A6%8F%E4%BD%B3 有好多版本流行緊呢...
我想知, 有首 "福佳始終有係" 其實 "福佳" 兩個字係唔係即係 有人唔小心跌到係街 咁既意思
你只需回我 "係" 定 "唔係" 即可, 我自有體會.....
原帖由 聰洛多薩比 於 10-5-2008 14:48 發表 其實都好明顯啦... 諧音黎啫...
明白明白....真配服作歌詞嘅人, 又作得幾鬼馬...不過佢都吐不快啫, 我估都有幾多人認同..
今日突然諗起有一首帝女花既改編歌, 歌詞大約係咁...
落街冇錢買面包, 去街又怕比老婆閙.....
以後嘅歌詞就要靠大家幫幫忙了...
原帖由 celia 於 19-5-2008 17:35 發表 haha.....呢首都算係熱門歌黎 我都淨係知道頭兩句 但果時係咁唱的:落街冇錢買面包, 借錢又怕比老婆閙
我記錯唔出奇, 因為我唔係聽到好多次, 淨係記得咁上下嘅呢兩句....d人真係好野, 咩都作得出..
原帖由 celia 於 20-5-2008 11:28 發表 可能版本唔同,問過下人,好似話細路唱果時都只係得果兩句
原來只得2句, 以為成首可以唱添
原帖由 actionkamen 於 20-5-2008 23:37 發表 接落去係帝女花滿面暗瘡
呵呵 原來仲有的....呢句未聽過呀..
原帖由 actionkamen 於 21-5-2008 00:24 發表 無啦！係得咁多
聽完你個句, 感覺上應該係未完的, 不過都好, 起碼我依家識得唱3句...呵呵..
網上揾到的歌詞, 但係同我認識既有d唔同....
落街冇钱买面包 落街冇钱买面包 靠赊我又怕被人闹 肚饥似饿猫 受了饥寒我开声喊 皆因肚中饥饿 我里便似0系战鼓敲 最衰平日结交埋一班损友任性来胡闹 阿爹劝极我完全唔受教 皆因懒 赶出校 我0既头毛电到似花棚 整得周身衰格扮到唔似男人貌 钱一多 周身咬 总之0系猛使 若冇几个阵 返家中即刻抄 搵衫当 拈毡卖 更纠党惹事去打交 更专好专车大炮 平素学到品质捞0甘搅 我信用已失 又怕我难容在世 必要自少应当管教 奉劝人人万大要关防 免使子女学我0甘胡闹
原帖由 celia 於 22-5-2008 22:37 發表 乜有咁長既歌詞架.....
D歌詞係鄭君唱架...應該係原來既歌詞, 而我地講緊嘅係改編歌詞....
原帖由 actionkamen 於 22-5-2008 23:33 發表 依家有四句落街無錢買麵飽，借錢呢由驚老婆鬧！帝女花滿面暗瘡，駙馬呢原來係色狼！
呵呵, d歌詞越黎越有味道啦....
