打印

雪山飛狐呂良偉版

Blade

中級餅迷

Rank: 3 Rank: 3

1^# 大中小發表於 24-1-2008 13:48 顯示全部帖子

呢套小說係同<書劍恩仇錄>cross over 既, 當中有唔少<紅花會>當家出場.

再出幾個角色, 睇下有無人記得邊D演員做??

胡一刀 & 胡斐呂良偉

苗人鳳四哥

(1) 袁紫衣 (2006版本朱茵所扮演既角色)

(2) 程靈素 (2006版本阿嬌所扮演既角色)

(3) 平四 (胡斐的忠心僕人)

(4) 田歸農 ("天龍門" 楂fit人)

(5) 鳳天南 (強搶民女的土豪劣紳)

(6) 湯沛 (甘霖渭七省唔知咩掌門人, 道貌岸然, 武功高強, 而家仲係無線)

(7) 福康安 (福大帥)

(8) 陳家洛 ("紅花會" 總陀主)

(9) 石萬嗔 (程靈素師叔, 擅長用毒藥害人, 而家仲係無線, 多數做奸角)

(10) 南蘭 (苗人鳳夫人, 惜紅杏出牆)

(11) 苗若蘭 (苗人鳳女兒, 而家間唔中做下主持咁啦)

(12) 趙半山 ("紅花會" 三當家, 而家仲係無線)

TOP

Blade

中級餅迷

Rank: 3 Rank: 3

2^# 大中小發表於 24-1-2008 17:16 顯示全部帖子

劇中幾位花旦合照

from:

kingtoiyam.com

TOP

Blade

中級餅迷

Rank: 3 Rank: 3

3^# 大中小發表於 25-1-2008 16:28 顯示全部帖子

引用:

原帖由紫龍於 24-1-2008 14:08 發表程靈素係景黛音，苗若蘭係周秀蘭，龍天笙係平四，曾江係田歸農呂方細契唱主題曲，

好o野!

平四叔可算係龍天生既代表作, 佢演得非常好. 因為佢唔識功夫, 又有殘障, 同時又比好多壞蛋追殺. 佢令我一路睇,一路好擔心佢既安危.

曾江呢個田歸農奸得黎好人性化, 有血有肉.

景黛音擺脫刁蠻公主形象, 飾演程靈素, 有好多內心戲表現.

但係......

周秀蘭不是苗若蘭, 留意下佢係著紫色衫架.

苗若蘭並沒有在相片中出現. 果位女演員係經典兒童節目主持, o岩o岩調離<430穿梭機>轉去拍劇集.

from:

kingtoiyam.com

[ 本帖最後由 Blade 於 25-1-2008 17:12 編輯 ]

TOP

Blade

中級餅迷

Rank: 3 Rank: 3

4^# 大中小發表於 25-1-2008 16:38 顯示全部帖子

引用:

原帖由 巴拉達 於 25-1-2008 13:22 發表非常多謝你呀!!! 趙雅芝 ---- 飾演的袁紫衣真系一個古代美人不如你也post一些劇集上來傾傾

趙雅芝不是袁紫衣, 話明係"紫衣", 梗係著紫色衫果位啦.

趙雅芝飾演馬春花, 只係出左幾集, 佔全劇戲份不多. 佢條感情線係同福康安(大帥)有關. 但係佢演出果部份係全劇最令人傷感既. 非其他小花所能及.

女主角分別是袁紫衣, 程靈素, 但係無線阿姐面前都要企後排. 不過在眾小花當中, 仍然是趙係最省鏡既.

TOP

Blade

中級餅迷

Rank: 3 Rank: 3

5^# 大中小發表於 25-1-2008 16:46 顯示全部帖子

引用:

原帖由 巴拉達 於 25-1-2008 13:10 發表 Blade兄真系好勁你對劇集的資料都十分深認知. 以後真系要同你傾多d 終於可以找個對電視劇認知多多的綱友只傾傾啦

嘿嘿~~

只要係拍得好, 印象特別深刻. 我認為<雪山飛狐>可算是無線拍得最好的金庸劇

加上小的當年求學不是求分數, 唔洗憂柴又憂米, 工作就是全職睇電視, 自然記憶猶深啦.

TOP

Blade

中級餅迷

Rank: 3 Rank: 3

6^# 大中小發表於 26-1-2008 12:13 顯示全部帖子

引用:

原帖由 celia 於 24-1-2008 15:13 發表我都有睇過呀,不過大部份都唔記得.... 只係記得第一集唔知掙D咩打黎打去做劇集之前仲介紹過雪崩既大場面

好似係為左爭奪"闖王寶藏", 胡一刀係住o係雪山上, 唔知受咩人所托看守住呢個寶藏, 由於佢武功高強, 邊個黎到都搶唔到D寶物. 田歸農聽聞呢個消息之後, 準備拉大隊上雪山尋寶, 但又害怕胡一刀既厲害, 於是唔記得出咩計仔 TUM 埋"打遍天下無敵手"既苗人鳳一齊去. 但苗人鳳應該唔知道關於寶藏既事. 佢係純粹來比武的. 跟住就帶出了苗,胡二人打足三日三夜的比武.

我仲記得當年拍攝呢套劇, K-100介紹過佢地係去左唔知邊個離島既山上, 大量噴假雪(maybe 發泡膠)營造雪山景象. 因當年唔興上大陸取景. 無線武俠劇仍是本地拍攝. 大熱天時著晒雪山裝束仲要打, 都咪話唔攞命.

TOP

Blade

中級餅迷

Rank: 3 Rank: 3

7^# 大中小發表於 26-1-2008 13:08 顯示全部帖子

引用:

原帖由 巴拉達 於 25-1-2008 23:54 發表多謝你的指點.... 我都不是太記得...... 不過我最深刻都是胡一刀同苗人鳳比武 . 因為不是一次過 , 而是打了比較長時間 , 而且還下著大風雪時比武

趙雅芝果段係講福安康統領(黃允才) 在機緣巧合下結識了民女馬春花, 二人私奔且生了一雙兒子. 馬起初不知福安康為朝庭大帥, 二人一直生活育兒. 福安康本來也真心喜愛馬春花, 於是把她及一雙兒子接回宮中. 一起過安樂日子.

惜好景不常, 福安康的母親, 福夫人(佩雲演) 知道此事後, 因馬春花出身寒微, 且非滿族血統, 心生一計, 欲賜毒酒加害之. 福安康知道此事後, 亦頓感心痛, 但自知不能阻止母親下毒手, 深感無奈, 亦試圖案力挽狂瀾, 找皇上求情.

其後馬春花及兒子被救出, 逃離大帥府. 自此一直臥病在床, 幸得胡斐及程靈素所照料. 馬春花知自己時日無多, 但倒臥病塌中仍思念福安康, 盼望見最後一面. 胡斐感到她十分可憐, 但他又不可能把福安康抓來見她. 忽然想起數日前在山上見過一個與福安康長得一模一樣的人. 那人正是"紅花會"總舵主陳家洛. 於是硬著頭皮懇求陳總舵主幫忙, 冒充是福安康前來慰問, 馬春花見到這個頂包福安康之後, 心願了結, 亦悄悄地死去.

1. 福安康與馬春花 2. 馬春花被迎接到大帥府生活 3. 福母欲加害馬春花, 福感震驚

4. 胡斐初遇紅花會眾當家 5. 胡斐請求陳家洛頂包 6. 陳家洛冒充福安康前來慰問

馬春花心願得償,終悄然而去.

Pictures extracted from

http://www.wongwanchoi.net/series/fox.htm

[ 本帖最後由 Blade 於 26-1-2008 18:19 編輯 ]

TOP

Blade

中級餅迷

Rank: 3 Rank: 3

8^# 大中小發表於 26-1-2008 13:37 顯示全部帖子

引用:

原帖由紫龍於 25-1-2008 18:49 發表曾華倩

BINGO!!

苗若蘭

TOP

Blade

中級餅迷

Rank: 3 Rank: 3

9^# 大中小發表於 26-1-2008 13:59 顯示全部帖子

引用:

原帖由火馬於 25-1-2008 20:27 發表阿4哥演金面佛好入戲！唔通同佢個人經歷有關！？佢老婆（殷珍）又係被人（劉家昌）搶左！

agree X 2.

無線後來果個版本(陳錦鴻主演)就差得遠嘞.

四哥演苗人鳳係最正. 允揚明演得硬朗有餘, 但苗人鳳應有內心戲表現, 允生由頭到尾都係一副臉孔.

曾江演田歸農夠賤, 演技出神入化, 張兆輝演田歸農表情木納, 人性化不足.

新版本令人大失所望

TOP

Blade

中級餅迷

Rank: 3 Rank: 3

10^# 大中小發表於 28-1-2008 17:45 顯示全部帖子

可能小的真是忽略了張兆輝飾演的田歸農. 因為那時(1998)播出時, 我都係睇D唔睇D.

而且新的一套武打場面比前作誇張了很多, 已流於過分漫畫式動作, 例如胡斐(陳錦鴻) 可以凌空揮刀旋轉720度轉, 一刀劈出, 遠處登時爆出飛砂走石等等. 都比較誇張.

我還是較喜歡 80s 的那一齣比較平實的拍攝手法.

[ 本帖最後由 Blade 於 28-1-2008 17:55 編輯 ]

TOP

Blade

中級餅迷

Rank: 3 Rank: 3

11^# 大中小發表於 28-1-2008 18:03 顯示全部帖子

袁紫衣程靈素

南蘭(苗人鳳夫人) 馬春花(福安康情人) 胡一刀夫人(唔記得個名)

[ 本帖最後由 Blade 於 28-1-2008 18:04 編輯 ]

TOP

Blade

中級餅迷

Rank: 3 Rank: 3

12^# 大中小發表於 30-1-2008 20:41 顯示全部帖子

開估:

胡一刀 & 胡斐呂良偉

苗人鳳四哥

(1) 袁紫衣周秀蘭 (2006版本朱茵所扮演既角色)

(2) 程靈素景黛音 (2006版本阿嬌所扮演既角色)

(3) 平四龍天生 (胡斐的忠心僕人)

(4) 田歸農曾江 ("天龍門" 楂fit人)

(5) 鳳天南楊澤霖 (強搶民女的土豪劣紳)

(6) 湯沛李海生 (詠春高手) (甘霖渭七省掌門人, 道貌岸然, 武功高強, 而家仲係無線)

(7) 福康安黃允材 (福大帥)

(8) 陳家洛黃允材 ("紅花會" 總陀主)

(9) 石萬嗔駱應鈞 (程靈素師叔, 擅長用毒藥害人, 而家仲係無線, 多數做奸角)

(10) 南蘭陳秀珠 (苗人鳳夫人, 惜紅杏出牆)

(11) 苗若蘭曾華倩 (苗人鳳女兒, 而家間唔中做下主持咁啦)

(12) 趙半山秦煌 ("紅花會" 三當家, 而家仲係無線)

TOP

Blade

中級餅迷

Rank: 3 Rank: 3

13^# 大中小發表於 31-1-2008 18:11 顯示全部帖子

引用:

原帖由 bulldog 於 31-1-2008 11:37 發表呂良偉版雪山飛狐選角好，劇情九成忠于原著，後來拍的完全及不上。我記得當年原本劉華演胡斐，因被雪藏由原本演苗人鳳的呂良偉頂上。劉華如果扮胡一刀，相信同投名狀個造型差不多。

Yeah. agree X 2

我認為呢套係無線歷年來拍的最好的金庸劇, 因為大部份忠於原著. 尤其是之前<天龍八部>都經過大幅修改. <雪山飛狐>在武打場面方面不再大SELL特技, 轉而反墣歸真, 以比較平實方式拍攝, 較少用上特技效果. 苗,胡決鬥, 商家堡 "鐵廳烈火", 結局篇眾人爭奪雪山寶藏等場面都教人看得入神.

尤其是紅花會總舵主陳家洛冒充福安康前去慰問垂死的馬春花. 場面非常感人.

我看 "錦鴻版(1998)" 時一直期待呢個動人場面再現, 飾演陳家洛&福安康既係魏駿傑, 馬春花由滕麗名飾演. 很無奈, 最終都係感覺新不如舊.

[ 本帖最後由 Blade 於 31-1-2008 18:13 編輯 ]

TOP

Blade

中級餅迷

Rank: 3 Rank: 3

14^# 大中小發表於 5-2-2008 00:13 顯示全部帖子

引用:

原帖由 巴拉達 於 1-2-2008 15:51 發表 Blade 兄我本人對"平四叔"lee個角色我深刻 , 因為真系好忠心 , 大小事都以"胡家"著想 , 而且又系殘廢人士一名 , 但可以養到"胡斐"一表人才呂良偉版 -- 就系龍天生錦鴻版(1998) -- 就系廖啟智你覺得邊個 ...

當然係龍天生啦, 見到佢就已經唸起平四叔嘞.

智叔演過好多好既角色, 但佢呢個平四叔唔係咁令人難忘.

之前提漏左一個小角色, 就係嚴基. 係劇中一個大衰人. 雖然係小角色, 但亦係全劇既關鍵人物. 有份落毒害死胡一刀.呂良偉版由 BENZ雄擔演.

TOP

Blade

中級餅迷

Rank: 3 Rank: 3

15^# 大中小發表於 14-2-2008 16:55 顯示全部帖子

引用:

原帖由 聰洛多薩比 於 5-2-2008 08:46 發表首歌十分之懷念... 多謝各位brother提供咁多資料... 講起... 新個套無線既雪山飛狐... 苗若蘭好似係由佘詩曼做呀???

Yeah. 阿蛇演苗若蘭.(錦鴻版)

同之前既曾華倩相比. 都算打個平手啦.

畢竟呢個角色係要到差唔多結局篇先至長大成人, 舊版曾華倩只得最後幾集有得出鏡. 阿蛇果個版本我無留意. 但佢係比無線力捧當中, 唔知係咪會加重佢戲份呢??

TOP

Blade

中級餅迷

Rank: 3 Rank: 3

16^# 大中小發表於 14-2-2008 21:59 顯示全部帖子

引用:

原帖由 classic05 於 14-2-2008 18:18 發表當年錦鴻版的是電視臺播的﹐每天都會瞄一瞄﹐除了前面胡一刀那部份﹐其他都改編得亂七八糟﹐沒有了原著的袁紫衣﹐程靈素和馬春花﹐尤其是程靈素﹐以什麼“一一”來代替﹐難看死了。而阿佘演得更是生 ...

唔係下化?? 袁紫衣無左?? 呢個係<雪山飛狐>第一女主角, 有無人知邊個飾演?? 指教下!

剛在 YOUTUBE 睇左錦鴻版首主題曲, 搵來搵去都搵唔到邊個係袁紫衣, 淨係見阿蛇演既苗若蘭出左好多個 shot. 儼如變左做女一.

程靈素應該係劉曉彤飾演.下化? 唉! 咪玩啦!!

馬春花由滕麗名演

演南蘭既似乎係曹眾.

唯獨見唔到袁紫衣既蹤影

TOP

Blade

中級餅迷

Rank: 3 Rank: 3

17^# 大中小發表於 15-2-2008 19:57 顯示全部帖子

原來如此,

無錯, 趙雅芝雖然唔係主角, 但佢既演出係全劇最感人. 遠勝同劇其他小花, 更遑論<錦鴻版>果D小小花.

講起精彩部分, 不能不提決戰商家堡一環節. 原著小說命題為 "鐵廳烈火". 由羅蘭姐飾演既商老太為呢場戲揭開序幕. 佢飾演一個懷恨在心的老寡婦為替亡夫報仇, 設下陷阱火燒家宅, 欲與眾江湖人士同歸於盡的大計. 呢場戲非常重要, 讓胡斐在火燒鐵廳的危難中顯露機智, 拯救一眾武林人士. 同時是胡斐初會紅花會三當家趙半山(秦煌飾). 兩人惺惺相惜, 趙更以口訣教授胡斐擊敗其他高手. 為日後胡斐與陳總舵主會面鋪路.

羅蘭姐飾演的商劍鳴夫人陰險奸詐, 背負著喪夫之痛變得惡毒瘋癲. 呢個係佢係<神鵰俠侶>(劉華版)演裘千尺既延續, 難怪日後扮演龍婆更是得心應手.

關禮傑演商寶振. 商老太兒子. 角色所限, 無甚發揮.

商劍鳴則由石堅叔飾演. 不過佢只係第一集出過一幕就被殺死. 80s 中石堅叔已較少演出, 無獨有偶, 好似<倚天屠龍記>(梁朝偉版)又係安排石堅叔係開首有一場戲, 扮演鑄劍師傅, 又係得一幕戲就死左.

[ 本帖最後由 Blade 於 15-2-2008 19:59 編輯 ]