發新話題
打印

千年女王中文版主題曲及片尾曲

《千年女王》 OP - SeSeHorie  (Set 1080p for the best quality)

 

http://www.youtube.com/watch?v=qRZkEvwllpE&hd=1

 

 

 

 

Vs

 

露雲娜版 op & ed (1080p)

 

 

 

____________________________________________________________________________________

TOP

引用:
原帖由 NoName 於 21-2-2012 07:35 發表   露雲娜版較好聽。

 

我同你意見剛好相反, SeSe 嘅聲樂水準高過露雲娜好多, 我逐句逐句比較過: 

 

第一句 「可否叫咀巴休息一會」, SeSe 嘅尾音收得好靚, 「會」字收喺鼻處, 有共鳴有震音, 露雲娜做唔到, 感覺平板;

 

第二句「聽一聽 太空的優美夢幻曲 的片段」 SeSe 喺第二個「聽」字、「曲」字、「段」字都有用震音, 而且三個震音嘅震法都唔同, 有抑揚頓挫, 露雲娜乜都冇;

 

「清風吹過星光閃過她的面」同第一句一樣, SeSe 嘅尾音收喺鼻處, 有共鳴有震音, 露雲娜又做唔到;

 

「光陰的箭好比小鳥 伴著她 飛向前」, SeSe 版「她」、「前」都用咗震音, 而露雲娜只係「她」字有震音,「前」字冇, 呢個係一大敗筆, 因為「前」字係成段歌詞嘅尾, 唔用震音令美感大打折扣;

 

「失去的昨天 她不願懷念」, SeSe 版「天」、「念」都有震音, 露雲娜版只係「天」字有震音;

 

「許多新發展 留待明日發現」兩個版都冇問題;

 

「星空中 轉眼間已過百萬天」SeSe 版「天」字開頭有個用得好巧妙嘅裝飾音, 而「天」字嘅震音係震字尾唔震字頭, 又一種變化, 但係露雲娜就乜都冇;

 

「她飛過萬萬里 只不過一小段」 , SeSe 唱「段」字用咗快震兼尾音收喺鼻處, 露雲娜又係做唔到;

 

「在宇宙探秘 更搜索天邊 像永沒完」SeSe 版「秘」字、「完」字都有震音, 露雲娜版冇;

 

「要尋回 那失去的雪的花邊」SeSe 版「邊」字有震音, 露雲娜版冇;

 

「要尋回 失去的星光 或雷電」SeSe 版「回」、「電」都有震音,「回」字用快震, 而「電」 字就震字尾唔震字頭, 露雲娜又係乜都冇。

 

SeSe 係贏露雲娜好多好多班!!!



____________________________________________________________________________________

TOP

引用:
原帖由 WK1959 於 21-2-2012 22:33 發表 萬分同意,原汁原味,倍有親切感,呢個翻唱不是味道.

 

引用:
原帖由 NoName 於 21-2-2012 22:45 發表

謝謝.

SeSeHorie的鼻音很重,有點像鼻塞。露雲娜唱得較自然,較放鬆。

前兩位提及的,可能是關乎錄音多些。露雲娜版可能是從電視錄影或錄音帶錄下來的,而SeSeHorie是最近的製作,直接錄入電腦的,露雲娜版就自然很多細節是不會聽到的。(情況就像用digital camera直接拍相片去比較用scanner去scan的相片。)

露雲娜雖是鬼妹仔不懂看中文,但她咬字很準,這是她的天份。當年的監製亦一定要求字音十分準確的。

 

萬分不同意, 真正原汁原味係男聲日文版, 但係味道連露雲娜都比唔上:

 

http://www.youtube.com/watch?v=Y7_2bDvha-U&hd=1

 

歌唱係一門學問, 聲樂技巧有套標準, 原唱唔係大晒,《月亮代表我的心》都唔係鄧麗君原唱, 鄧版亦絕對唔係原汁原味, 但係一致公認最好, 露雲娜好唔過 SeSe 係因為技巧唔夠。

 

再回 NoName, SeSe 唔係鼻塞, 佢用嘅係鼻腔共鳴, 係非常重要嘅聲樂技巧, Elvis, 蔡琴, Nat King Cole...... 呢班一級歌手經常都會用, 從兩位嘅留言, 可見你地從未接受過歌唱技巧訓練, 平時亦好少聽三十至六十年代嘅中西舊歌, 所以聽唔慣高質素嘅演繹。

 

 

____________________________________________________________________________________

TOP

引用:
原帖由 大頭仔 於 21-2-2012 19:01 發表  

我絕對覺得sesehorie唱得好好x 100.

但係梗要同露雲娜版 (1982) ... 30年前的一個版本去比較. 對兩位都不公平.

路雲娜唱此歌時不過20. c妹姐姐仔, 廣東話不太靈光. 呢首在老餅界奉為天籟之曲的"千年女王".

在路雲娜口中, 可能只係水過鴨背的口水歌而矣. 而大家從來未有講過路雲娜歌藝出眾. 此曲在老餅迴響三十年.

原因不會係憑著路雲娜的歌藝吧!

SeSehorie我想一定係係青春常駐. 美麗動人. 歌藝超群, 既為老餅族, 我估歌齡一定有翻咁上吓.語言天份咁高,

廣東歌不會成問題, 而老餅要去要去向老餅的金曲致敬, 自然萬分用心. 唱到最好.

在兩種不同心態的表演心態下. 咁樣比併, 似乎不太公道.

 

回大頭兄, 露雲娜早在 1968 年已經以童星姿態登台, 唱千年女皇嗰時已經有十幾年歌齡, 其實佢唱得唔差, 感情好投入, 只係 SeSe 嘅感情同佢一樣咁投入, 但係技巧高好多班咁解!!!

____________________________________________________________________________________

TOP

引用:
原帖由 moneyismymoney 於 22-2-2012 01:03 發表 十分同意,聽露雲娜版倍有親切感,有好多靚人靚聲,但係我都聽 o吾入耳.

 

 一句聽唔入耳就扼殺咗一位優秀歌手嘅努力與無私奉獻, 實在有欠厚道與包容, SeSe 呢個係用心兼有誠意嘅演唱, 好歌一定要不斷有人翻唱, 而且要注入新生命至可以薪火相傳, 有咁優質嘅翻唱, 應該大力支持鼓勵至啱!!!

____________________________________________________________________________________

TOP

引用:
原帖由 WK1959 於 22-2-2012 07:45 發表 你講得啱,要有親切感,先至可以代入,e+好多主題曲都令我冇代入感覺,太差勁了.

 

親切感係主觀感受, 通常係先入為主, 同差勁與否冇直接關係, 最差勁嘅主題曲對好多 90 後嚟講係極之有親切感, 最好嘅音樂例如馬勒交響曲, 覺得有親切感嘅人應該唔會太多, 當然, 透過訓練, 懂得分辨高低清濁之後, 就會有親切感, 又或者先前對差勁音樂嘅親切感隨著品味提昇而逐漸消失。

____________________________________________________________________________________

TOP

引用:
原帖由 dteeand 於 22-2-2012 17:03 發表 那時天后級梅艷芳都唱過千年女王,但都不能掩蓋露雲娜版的魅力

 

梅艷芳唱得太滄桑, 唔配合弥生嘅美少女造型。

____________________________________________________________________________________

TOP

引用:
原帖由 WK1959 於 23-2-2012 07:44 發表 上面無人話ss君唱得唔好,只是表示喜歡原唱,鐘意多d,本論壇諸君都知道L君一定起火,咁又何苦呢?反過來看看鏡子,你罵我,我駁係,何必呢.......何必呢.......所謂新人,後浪,有好歌唱得好,就有人接受佢,硬逼人認同,別人喜 ...

 

你呢 D 咪叫擘大眼講大話囉:

 

引用:
原帖由 WK1959 於 21-2-2012 22:33 發表 萬分同意,原汁原味,倍有親切感,呢個翻唱不是味道.

 

引用:
原帖由 NoName 於 21-2-2012 22:45 發表

謝謝.

SeSeHorie的鼻音很重,有點像鼻塞。露雲娜唱得較自然,較放鬆。

 

我本來淨係貼咗兩個版本上嚟, 乜都冇講過, 只係某 D 對歌唱技巧一竅不通嘅喺處胡說八道, 如果人地真係不是味道或者唱到鼻塞咁聲, 就唔會連日本都有佢 Fans 啦!!!

 

 

____________________________________________________________________________________

TOP

引用:
原帖由 大頭仔 於 23-2-2012 01:20 發表  

小弟佩服 Louis兄對多方面藝術的認識及探索心思, 大頭仔係平凡人, 用一般聽衆心態去睇電視, 聽流行曲. 不懂去品評優劣或點出高低, 但, 總是會分得出"清曲"與"濁流"之別.

我們一班老餅點解咁堅持原唱係好, 原汁原味. 倒不是認為SeSeHorie或其他網友在各媒體發表作品全為劣品. 只係不勝原作情懷. 我用情懐一詞, 那就是某時某地的個人或群體感覺. 幼年聽爸媽的安眠曲, 孩童時教唱兒歌, 自已成長了, 或許到聽他們唱粵曲, 再難聽都好, 都會畢生難忘. 一旦爸媽離去, 那些迴響感動, 不會因時日久了而變更, 也不會用其他的來去比較高低吧.

原唱味道同表現優劣,未必係正比, 有後來者技高一籌, 那又何妨, 藝術表演總要有進步才是好.  

 

SeSe 呢幾年大量翻唱經典動漫歌曲, 正係出於對動漫嘅深切情懐, 有睇過佢 youtube 視頻嘅版友, 即使係用一般聽衆心態去睇電視, 聽流行曲, 都應該聽得出, 睇得出, SeSe 每一個錄音, 每一個 video 都係製作嚴謹嘅誠意之作, 即使唔係次次都唱到一百分, 佢呢份熱誠係正常人嘅都應該感受到, 想唔到佢推廣動漫歌曲嘅一番苦心與努力, 換嚟嘅竟然係「聽唔入耳」、「不是味道」甚至「鼻塞」呢類不負責任嘅人身攻擊, 最痛心嘅係呢種咁冇品嘅侮辱性言論竟然會出現喺以推廣懷舊動漫為使命嘅老餅論壇!!!

 

撫心自問, 呢處有邊位對動漫歌曲嘅貢獻可以比得上 SeSeHorie ???

 

還好公道自在人心,  SeSe 嘅努力得到海內外嘅動漫歌曲愛好者肯定與支持!!!

 

大頭兄講得好啱:「有後來者技高一籌, 那又何妨, 藝術表演總要有進步才是好」, 不論動漫、 懷舊或者古典歌曲, 都必須不斷有後來者重新演繹至可以不斷流傳落去, 否則就會被遺忘甚至失傳, 能夠比前人技高一籌嘅, 更應該得到肯定與嘉許!!!

____________________________________________________________________________________

TOP

引用:
原帖由 ULTRA2020 於 23-2-2012 16:52 發表 聽過 SeSe 版本的千年女王, 我肯定和絕對會支持同嘉許讚賞加拍拍掌 ~

梅艷芳都好好聽, 但當你要問我最終的會喜歡露雲娜、梅艷芳、SeSe 或再任何曾經翻唱過的版本的話...

我都是會說 : 是當年由露雲娜唱的中文版 ~

 

 

Ultra 兄咁講就冇問題, 任何人都可以對某版本情有獨鍾, 但係就唔應該對其他版本或者其他演唱者作老毫無理據嘅抨擊同侮辱。

____________________________________________________________________________________

TOP

引用:
原帖由 WK1959 於 23-2-2012 22:22 發表 有缺点,不代表唱得唔好,ss君冇缺点嗎?又勞氣為乜呢?講大話?冇講大話丫,講事實,露雲娜都有缺点,我接受,因為对我有親切感,ss君唱得天衣無缝,对我來講亳冇親切感,你踩露雲娜果d你 ...

 

你呢 D 叫強詞奪理, 理性分析同踩係完全兩回事, 我冇對露雲娜用過任何類似「聽唔入耳」、「不是味道」、「鼻塞」等侮辱性字眼, 只純粹基於聲樂準則將兩個版本比較水準高下, 同歌唱比賽評分無異, 你對露雲娜版有親切感唔代表可以惡意羞辱其他版本。

____________________________________________________________________________________

TOP

引用:
原帖由 WK1959 於 23-2-2012 22:57 發表 你分析,我都識,我都係分析,大家都識,睇戲聽歌一樣,有冇戲味,呢d都係各人嘅感受反應,好平常,係老餅論壇何必大動肝火呢? 

 

有理據先至稱得上分析,「不是味道」四個字只可以稱為抨擊、侮辱 or 踩。

____________________________________________________________________________________

TOP

引用:
原帖由 WK1959 於 24-2-2012 01:12 發表 我經過分析比較,細心聆聽,發現並覺得ss君唱呢首歌,係呢首歌,「不是味道」.正如你用各種理據去抨擊、侮辱 or踩露雲娜一樣.

 

有理據就唔叫抨擊、侮辱 or 踩, 請提出具體理據分析 SeSe 版如何不是味道

____________________________________________________________________________________

TOP

 

SeSe 並冇用太多 reverb, 就聽番開頭「可否叫咀巴休息一會, 聽一聽 太空的優美夢幻曲 的片段」, 個個字都好清晣好乾淨, SeSe 用嘅係天然鼻腔共鳴同震音, 呢種係正統聲樂技巧, 唔係玩嘢, 莫講話三十年前, 三百年前都已經存在, 只係唔係每位歌手都有咁嘅功力可以運用得咁順暢咁自然 (呢門功夫,「哥哥」張國榮係其中一位運用得最本事嘅本地歌手), 露雲娜好, 王菲好, 梅姐好, 佢地唱呢 D 歌係基於商業利益, 而 SeSe 係純粹基於對歌唱嘅興趣同動漫歌曲嘅熱誠, 不求任何金錢回報, 但係對歌曲演繹卻比眾職業歌手更加認真投入, 淨係呢點已經值得我地尊敬。  

____________________________________________________________________________________

TOP

引用:
原帖由 杜劍龍 於 27-2-2012 11:08 發表 話時話, 幾時old cake可以邀請到sese姐獻唱呀???? 

 

唔知有冇邊位餅友識作曲或者有 friend 識作曲? 如果有可以為老餅論壇作首主題曲, 作好之後嘗試邀請 SeSe 獻唱。

____________________________________________________________________________________

TOP

發新話題