引用:
原帖由 inabottle 於 7-5-2007 15:14 發表 
早期係無顯示screen...只會嘟嘟叫, 要你打上台覆call...
好快有顯示screen, 只能出數字...例如老婆叫你返屋企...通常出number, 部call機有張'天書'紙仔話你知d數字代表咩意思...
最後緊係可以 ...
見到妳個Post，我都想講下故仔
早期無顯示，只有聲Tone，一機通常有二至四種訊號，分別為
A Call — 最常用，響法是d..d..d..d..d，聽到請你覆台睇睇邊個搵你
B Call — 機主指定人士Call，通常係屋企，響法是dd....dd....dd....dd，機主一聽到就知邊個搵佢，唔使覆台！
C Call — 用法跟B Call相同，可以係公司，響法是ddd....ddd....ddd....ddd（把聲好似：輸多D....輸多D.....輸多D.....）
D Call — 用法跟B Call相同，可以係老婆或.....，響法是dddd....dddd....dddd....dddd（輸多DD....輸多DD.....輸多DD.....）
香港常見型號有Motorola，NEC 及 樂聲
後來出的數字機，最早期的顯示屏在機身，俗稱“側跳”，由於每次Check Call及查密碼都要揭起，唔放便之餘仲好易整爛個夾，所以後繼機的顯示屏就設在機頂，俗稱“頂跳”，同Tone機一樣有四種訊號，通常數字顯示及覆台Call設定為A聲；數字顯示Call追Call設定為C聲並只作一次（要睇所屬傳呼台的設定）；而顯示屏會有9字位數字顯示，頭兩位為姓氏，尾七位為電話號碼（都要睇所屬傳呼台的設定），那麼如何分辨男女呢？由於當時仍須撥地區字頭（港島：5，九龍：3，新界：0），如果Caller是女性的話，顯示會在地區字頭加一，即港島：6，九龍：4，新界：1，男士則會正常顯示；舉例01是姓陳
如見到01 5678900即是說有位陳先生Call你，電話為香港678900
如見到01 6678900就是說有位陳小姐Call你，電話為香港678900
香港常見型號有NEC，樂聲（只為樂聲集團所用）及星光的翰林機（據說乃南韓製造），至於Motorola，由於機價太貴，一般傳呼台都不會引入，直至和記在八七年大規範收購傳呼台後至引入Motorola Bravo，那時叫八達機
[
本帖最後由 actionkamen 於 22-3-2008 22:09 編輯 ]
