中級餅迷
印象中<溫故知新>會有D所謂實驗題, 通常由一位大哥哥負責. 而多年以來亦出現過多位大哥哥,
如果我無認錯人, 好早期的一位大哥哥係 高志森.
查看詳細資料
TOP
小餅迷
我贏過冠軍，個獎牌仲在呀
餅壇元老
原帖由 yusumnn2000 於 2-6-2009 01:49 發表 我贏過冠軍，個獎牌仲在呀
原帖由 yusumnn2000 於 3-6-2009 05:25 發表 82年，當年是全校英雄 當年恆生仲開幾十圍請晒d冠亞季同其他學校在恆生總行唔知幾多樓飲tim呀，但當時就有阿寶的感覺，任你幾犀利，打落幾多敵人，(當年是小隊長的我，十條題目最少搶答了一半，剩下的先 ...
咁你系唔系油麻地天主教或者是聖公會出身？ 我嚴重懷疑你系我當年ｄ仇家咁ｌｏｒ！
第三係聖安當，咁你自己諗啦，當晚食飯，第二果間係唔同人講野ga，同聖安當反而好fd bor
自大d講，當時打到人地落花流水，俾人眼紅都好正常ge，但係又有乜用，讀書又唔係叻，小時了了就係我呢d人喇
原帖由 yusumnn2000 於 3-6-2009 14:09 發表 第三係聖安當，咁你自己諗啦，當晚食飯，第二果間係唔同人講野ga，同聖安當反而好fd bor 自大d講，當時打到人地落花流水，俾人眼紅都好正常ge，但係又有乜用，讀書又唔係叻，小時了了就係我呢d人喇
我間小學都唔弱架！都經常攞冠軍或者入三甲，最大宿敵就系油麻地天主教小學．
第二間唔同人講野，或者系學校先生管得嚴，所以唔敢亂傾計啫！聖公會好多時系咁！
咦? 有的出入? 我個年決賽入面系兩間聖公會決戰油麻地天主教小學，無聖安當ｂｏｒ？可能系大家對８２年理解有少少唔同！？以學年計算，你參加果年82年是81/82年定 82/83年呢？我諗是82/83年，對不對呢？
睇番個獎牌係81/82
下回打d戰術分析你睇
今晚(6/4)唔得閒，大家知咩事
原帖由 yusumnn2000 於 4-6-2009 01:32 發表 睇番個獎牌係81/82 下回打d戰術分析你睇 今晚(6/4)唔得閒，大家知咩事
哈！大家未見過面，今晚大家撞到都唔認得添！
如果系８１／８２，咁你一定系讀油麻地天主教小學！
關於學校點解成日贏？其實係校長勵精圖治。
備戰溫故知新，在小四開學不久已開始。先由每班班主任挑選自己班有potential
的學生，有d班派成半人tim，到上學期差唔多完，會來一次選拔賽，得出十人在下
學期開始訓練。(我記得選拔賽時我睇錯分數，仲以為五百分係低過三百分，明明搶
晒d問題ga la點解仲輸 ga？！ 於是發顛爆seed 七百幾贏四百全場獨取最高分)
就係呢一戰令成績一般的我都可入選 點解仲記得，媽咪因為咁送左咁多年來唯
一關成績事的禮物俾我，而我好勝要贏的本質開始覺醒
於是惡夢開始............
由小四開始至小六，戰始了漫長的戰爭生涯............
to be continued......
原帖由 CKCK 於 3-2-2007 15:26 發表 那時恆生銀行印了一本非常精美的書仔送給學校，列出了很多問題，相信是節目內用過的，有冇印象？
本書仲有，遲d貼上來
原帖由 yusumnn2000 於 6-6-2009 03:35 發表 關於學校點解成日贏？其實係校長勵精圖治。 備戰溫故知新，在小四開學不久已開始。先由每班班主任挑選自己班有potential 的學生，有d班派成半人tim，到上學期差唔多完，會來一次選拔賽，得出十人在 ...
me too! 可能間間都一樣．
我地都系小四開始集訓，開頭在成績最好果一班揾24個人，中間每半年就舉行一次模擬選拔賽，抄足温故知新的形式，然後淘汰１４人，淨下的１０人，９個為正選，１個做後備．集訓其間，日日放學留校操練，星期六都無例下．
有次同隊友講笑，話比賽會放慢手腳，點知俾個科主任聽到，搞到要罰寫悔過書！
原帖由 yusumnn2000 於 6-6-2009 03:42 發表 本書仲有，遲d貼上來
你就好啦，可以留返本書，我地除左獎品，所有書仔一律要還返俾學校架！
哈原來其他對手都係咁樣.................
咁不如講下老師的部署：
第一回會係唔洗搶答，但要識野，所以安排全級永世孝一二三果三個上陣
原帖由 yusumnn2000 於 9-6-2009 04:29 發表 哈原來其他對手都係咁樣................. 咁不如講下老師的部署： 第一回會係唔洗搶答，但要識野，所以安排全級永世孝一二三果三個上陣
呢個好似系第二回合． 我印像中有四個回合，次序好似系咁樣：
另外由於第三及第四回合皆為搶答題，而搶答控制器得一個，我地呢兩組隊長都系反應神經最快果兩個．
原來世界真系好細，我地參賽果界ｏ既主持，竟然系我舊老細朋友的太太！
我都係睇片回合的，我呢，唔識字ge，但係最快果個lor，所以做隊長，老師叫期他人向
我學習，我的隊員係成績超好同記性好的，
搶左回來，我唔識都有佢地包底。
四次比賽，第一次搶左九條，跟住7，5，5咁啦，其本上拋離好遠ga la
但學校真係好保險，因為最後一組的小隊長係第二最快的仲係長期考全級前幾名，又係總
隊長，我地叫佢三軍總司令
記得小五同小六同佢一班，全級第一(六年都係)果個走埋來同我講 ：' 呢兩年你地個兩個同班，
我地唔洗玩啦! '(校內每年都有班際常識問答比賽，可能用來揀卒的，我六年參加左五年，
贏晒，讀書就未得過獎，我諗我在老師眼中係天生的打手…
講真，如果我地無好勝心，又點會揾我地參加比賽吖！
自從我地參加左温故知新，學校就俾我地代表學校參加所有對外大大小小的問答比賽，當做熱身．有時遇到ｄ弱隊，就會大開殺戒，ｄ人於是乎好多時投訴我地玩串個ｐａｒｔｙ！
但太細贏得太多，於是大個之後就缺乏爭勝心，其實只不過只係贏左小小一個電視節目jei。
不過當只得十歲就站在禮堂台上享受了全校千幾人超過十分鐘的掌聲，真係會目空一切的……
我諗年輕人總會有咁ｏ既階段，識得反省都証明我地無白讀書吖 ！
咁你重有無同以前ｄ隊友保持聯絡？ 我搬左去第二區轉左中學後就失晒聯絡！
原帖由 虎榮 於 12-6-2009 01:24 發表 講真，如果我地無好勝心，又點會揾我地參加比賽吖！ 自從我地參加左温故知新，學校就俾我地代表學校參加所有對外大大小小的問答比賽，當做熱身．有時遇到ｄ弱隊，就會大開殺戒，ｄ人於是 ...
