嘩！高興終於知道有人識得萬能怪獸啦，我以為自己老人痴呆，幻想睇過呢部卡通。
每次萬能怪獸遇上難題，或係有人所求，佢會先食隻生鷄蛋，
隨即生隻怪獸蛋(會孵出怪獸，怪獸集集不同) 出來解决相應既難題。不過九成九唔會成功，難題更加大鑊！
有一集講有個人像畫家向萬能怪獸求助，話自己同人畫人像，畫極都畫得唔像真，問佢有冇辧法。
萬能怪獸話冇問題，包在佢身上，即時食隻蛋，生隻怪獸出嚟幫個畫家手。
人像畫家好多謝萬能怪獸，要現場同佢畫副全身像。
點知畫家啲畫功冇進步，一樣咁哀，畫到萬能怪獸大細眼、長短腳、高低膊.......
畫家即時向幫手怪獸求助，隻怪獸一聲不響衝去揼萬能怪獸，揼到佢大細眼、長短腳、高低膊.......同幅畫一樣！
