發新話題
打印

黎諾懿千千聲儲黃金戰士

黎諾懿千千聲儲黃金戰士

 拿着黃金戰士,令諾懿回憶起中學時的趣事。
  • 拿着黃金戰士,令諾懿回憶起中學時的趣事。
大男孩黎諾懿幾乎所有機械人都喜歡,特別是黃金戰士,對於這個打火機般大的小金色物體,又可以變成機械人保衞地球的戰士,諾懿認為很得意,亦為他帶來很多美麗回憶:「中三嗰年,幾個同學去扭蛋,個個扭極都扭唔到隊長嗰款,其他款就一大堆,幾經辛苦終於有人扭到,返去上堂時全部忍唔住喺枱底傳嚟傳去係咁玩,結果畀阿Sir發現沒收咗!」

增工作推動力

讀書時要死慳死抵才買到心頭好,不過當有損壞時又不懂珍惜,沒有好好保存。到今日有能力,諾懿盡量滿足自己,花二千多元買下一套12隻復刻版,又在日本購買最貴一隻價值三千多元的黑金版黃金戰士,他說:「都係追求番以前嗰種感覺,我知有隻80年代嘅古董黃金戰士,要萬幾蚊,但我唔會買囉!」他表示即使要珍藏,也要理智地實行:「我唔食,家人都要食,玩係奢侈嘅,有能力至可以做,買平啲一樣開心,我依家每接一個Job就畀自己買一隻黃金戰士,趁後生好玩喇!亦都係作為工作嘅推動力。」

 

資料來自太陽日報

TOP

發新話題