套片睇完, 都知道講乜, 大略講吓內容
開場: 杜小龍叫機械獸羅萊拉(暴風女神)停手, 不要同萬能俠打, 因為一旦萬能俠贏小龍就無左羅萊拉, 羅萊拉臝小龍就無左大佬
小龍自白開場, 話永遠忘不了羅萊拉首次來黑金屋時那藍眼睛和可愛笑容,那就是他的初戀.
小龍同暗黑寺入朋友號倉庫, 想偷一D光子力武器, 對抗來襲的敵人, 以後就不用怕鐵面具了, 怎知被炸彈佬撞破好事.暗黑寺問炸彈佬老闆娘去左邊, 佢話她去左德國找人解剖卡米亞, 暗黑寺一聽到就大叫失戀, 重話好拆左佢個大胸美女卡米亞.
小龍頂佢唔順, 話暗黑寺發女人寒, 連殺人機械人都中意.誰知行出門口見到羅萊拉, 話遠道來找老闆娘,小龍生滋貓入眼,留住羅萊拉在黑金屋等, 重帶佢遊覽熱海.(景區最後有一間細細間的屋, 小龍尷尬拖走羅萊拉, 因為那間是熱海著名的性博物館)
小龍警告暗黑寺勿打羅萊拉主意, 否則殺左佢, 暗黑寺話佢對未發育的細路女無興趣.
小龍帶羅萊拉看萬能俠, 話佢知係阿爺做的, 介紹佢識劍龍. 羅萊拉話萬能俠好勁, 但係佢爸爸法蘭肯博士做的機械人更勁, 劍龍聽到大驚.
法蘭肯收到電話, 報告話見到萬能俠, 及成功識到小龍.
暗黑寺拉埋黑金屋成班佬飲悶酒, 被眾人串佢白痴, 中意機械人, 暗黑寺醉意下去沖涼，差D中左入女浴室, 小龍拿竹劍守住門口(原來羅萊拉在內.)趕走暗黑寺, 又來了劍龍, 小龍以為哥哥想搞羅萊拉, 但原來劍龍叫小龍過來, 講法蘭肯博士是同阿爺技術不相上下的邪派機械人權威,但死左好耐, 小龍以為係鬼,但想到修羅男爵都可以復活, 估佢可能有人救返佢。
深夜暗黑寺終於可以沖涼,劍龍發現小龍 留書同羅萊拉出走, 話去見羅萊拉的父親搞清楚件事。劍龍擔心會遇機械獸伏擊, 立即出動萬能俠去追,拉埋暗黑寺幫手.
劍龍 在途中遇上布萊肯伯爵, 被打落地面,再遇大批遙控機械殺手圍打,以暗黑寺帶來的大批武器狂頂, 幸好黑金屋救兵到, 不過暗黑寺被機械馬騮捉走。黑金屋大隻佬話俾劍龍知法蘭肯博士住在山中一間別墅, 二人趕去救人.
小龍隨羅萊拉到恐怖別墅門口 , 羅萊拉話爸爸個樣有D得人驚, 叫佢有心理準備小龍話爺爺以前一樣似隻鬼,。法蘭肯出來, 嚇到小龍死咁滯,法蘭肯話等左佢好耐, 叫佢入屋,小龍問法蘭肯咁大間屋只住佢兩父女？法蘭肯話係, 但現在屋 還有一個人等緊小龍, 就係佢媽媽，小龍大驚,
13集完
我估老闆娘其實係杜劍造博士的前妻, 即係劍龍同小龍阿媽,而杜劍造對佢唔住, 否則點解會怒得一見就想殺杜劍造？
