打印

水木&堀江 2009香港演唱會

虎榮

餅壇元老

Rank: 8 Rank: 8

1^# 大中小發表於 8-2-2009 00:45 顯示全部帖子

個演唱會勁好睇! 正!

剛剛同朋友聽完演唱會回來! 好精彩! 好開心!

第1個好消息就系黎緊5月或6月應該有第2場演唱會, 誰人到港演出就要到時留意官方網站

第2件開心野就系我和朋友都抽中左水木同堀江口既親筆簽名紀念品, 我會用個相架鑲住佢起屋企晨昏供奉! 其實入場每個座位都有份問卷, 如果上面印有佢兩位大名就可以獲得紀念品,, 我隔離位果個人仔因為遲左入黎, 佢原本有名果份問卷就俾佢後面個換左, 眼白白無左份紀念品

第3件開心野就系件紀念jacket幾好樣!買衫重加送poster!

雖然個場d音效麻麻, 但系睇到主辦單位都有花心思搞好個演唱會, d燈光不錯!整體買飛情況其實都ok, 我見個場都滿左8-9成, 只系右邊場最貴同第2貴價錢d位有小部份唔滿, 有線重由頭拍到尾, 即場訪問左個反應勁high口既fans! 觀眾其實唔系淨系得oldcakes, 好多阿爸阿媽帶埋小朋友黎, 年青一輩不在小數, 連澳洲黎口既fans都有!

整晚氣氛熱烈! 好多人好似我咁由頭企到尾同high到尾! 狂呼喊叫緊系唔少得, 個個跟住唱同俾反應, 我個friend話我地d反應好似佢地OL屆買飛去外國睇阿Rain演唱會咁狂熱!

不論快歌同慢歌, 水木同堀江都交足功課, 唱足兩粒半鐘! 估唔到真三一萬能俠咁受大家歡迎, 竟然在投票環節中高據榜首! 最最開心系今晚佢地唱d歌全部我地都耳熟能詳, 比之前大家見到份lists有多無少, 非常有親切感!

TOP

虎榮

餅壇元老

Rank: 8 Rank: 8

2^# 大中小發表於 8-2-2009 02:00 顯示全部帖子

引用:

原帖由 actionkamen 於 8-2-2009 01:13 發表你就好啦，第一及二column（7至26）最多人抽到，好似無咩第三及四column（27至46）份。我坐第三column呀！不過全晚真係好High！是嗎？已比之前進步了呀？我第一次去咋我們好多Member都有到，阿誠，我見到 ...

我座系第四column, 原本系買後一行d位, 即系無紀念品果行, 點知tom lee 話賣淨前一行5個位, 所以改變主意! 我果行連續6個位都有紀念品, 真系錯有錯著! 最慘系我隔離果個, 無左分紀念品都唔知!

今次音響其實都可以收貨, 不過作為佢地die hard fans梗系希望盡善盡美lar!

TOP

虎榮

餅壇元老

Rank: 8 Rank: 8

3^# 大中小發表於 8-2-2009 04:17 顯示全部帖子

唔好意思, 因為唔識打日本, 所以淨系可以提供片名, 次序真系high到唔記得左 :

重有

陰陽電磁俠(合唱),

金剛飛天鑽(水木),

巴別二世(水木),

鐵甲萬能俠(水木),

V型電磁俠(水木),

超力電磁俠(太空保壘)(堀江),

小甜甜主題曲及插曲(堀江),

花仙子露露(堀江),

小路寶(合唱),

乞嚏怪瓶(合唱),

七小福(堀江),

太空保圍者(團?), 即系有隻機械獅子-萬獸之王果套(堀江),

宇宙海賊(主題曲同插曲-個名好似系 - 孤獨之旅立)(水木),

無限軌道SSX(水木)

真三一萬能俠(水木)

八口一!...(堀江)唔好意思, 只打到個開頭,打唔倒其他日文,套片個女主角有隻牧羊狗口既

TOP

虎榮

餅壇元老

Rank: 8 Rank: 8

4^# 大中小發表於 10-2-2009 01:39 顯示全部帖子

引用:

原帖由 ar_woo 於 9-2-2009 15:12 發表 ar_woo 記得當年有睇過沙漠神童, 當時聽首歌時会有D驚, 因為無論首歌嘅唱法, 畫面, 人物, 都有種好神秘莫測同好惡C 嘅感覺所以此歌印象深刻

我都有睇過巴別二世/沙漠神童, 果陣時屋企部電視重系黑白機要擰台果隻! 好彩早幾年買得返, 依家3個版本都有齊, 最鐘意仍然系第一個tv版本!當然重有水木首歌啦!

講返演唱會, 我寫字樓個秘書小姐幫我揾到下面條link(佢系美都子姐姐最新fans!), 好似有當晚d相同review

http://www.animesongs.net/blog/read.php/769.htm

(各位唔好意思, 原來之前條link我打錯左少少, 依家更正返!)

[ 本帖最後由虎榮於 10-2-2009 13:52 編輯 ]

TOP

虎榮

餅壇元老

Rank: 8 Rank: 8

5^# 大中小發表於 11-2-2009 15:39 顯示全部帖子

多得老餅電腦教育區, 終於學識post相!

以下系我在演唱會當晚抽到o既水木同堀江簽名!同大家分享!今次演唱會認真無憾!

TOP

虎榮

餅壇元老

Rank: 8 Rank: 8

6^# 大中小發表於 19-2-2009 00:22 顯示全部帖子

引用:

原帖由 Sammy 於 18-2-2009 21:34 發表 >>>宮內タカユキ若宮兄能來港演出, 我的人生便完滿了, 雖然機會實在非常非常小.....ps. 雖然完全沒可能, 但JAM Project和aniki, micchi的演唱會問卷調查裡, 我都填了子門真人.....(拖 ...

問卷上我第一個填上去的名字都是宮內, 其餘重有佐佐木同影山!

可惜我諗除左影山, 宫內同左左木會到香港d機會好微!

TOP

虎榮

餅壇元老

Rank: 8 Rank: 8

7^# 大中小發表於 24-2-2009 00:38 顯示全部帖子

傳聞2009 JAM Project World Tour 因為條件談不攏, 已經取消香港站, 一班年青歌迷恐怕會有些失望, 事實上五月在台灣舉行的 JAM Project 好似已開始賣飛!

另外路邊社消息, 今次演唱會主辦單位只能勉強歸本! , 希望籌辦中的一至兩場演唱會能夠成功, 令明年那個傳說中的演唱會能夠成事, 不竟一切都要靠天時, 地利, 人和, 衷心希望夢幻成真!

TOP

虎榮

餅壇元老

Rank: 8 Rank: 8

8^# 大中小發表於 26-2-2009 03:09 顯示全部帖子

引用:

原帖由 ar_woo 於 25-2-2009 12:47 發表其實可否搞個中村雅俊演唱會應該有市場

我諗香港淨系得我地呢班有咁上下年資ｏ既餅友先會對中村雅俊有比較深的認識！新一代的年輕人們恐怕．．．．．．

時實上音樂會搞手無可能一直做賠本生意，路邊社消息話黎緊的演唱會可能口味會年輕化一點，又或者是歌迷可以橫跨一定年代的歌手，在現今環境下，必須有了市場及利潤支持，才可繼續將演唱會辦下去．

所以今次有買票看水木及堀江演唱會的餅友應該是無憾的，以他們的天王身價，除非有大贊助商，否則他們未來數年再携手到港演出的機會可能很低！當然我們很多人亦希望佐佐木，堀江及水木能到港同台演出，但是以他們的身價，恐怕我們這班fans要絕望啦！而且聽聞水木同佐佐木在日本是一山不能藏二虎的，如果不是NHK等大台牙力夠，他們基本上是不會同台演出的！水木今年已６１歲，佐佐木更大一些，如果佐佐木數年內也不考慮來港，恐怕機會更加渺茫！如果佢肯黎為我地呢班fans畫一個完美句號，我一定會毫不猶疑將副身家俾曬佢個演唱會！

TOP

虎榮

餅壇元老

Rank: 8 Rank: 8

9^# 大中小發表於 28-2-2009 03:45 顯示全部帖子

引用:

原帖由 singingsoul 於 27-2-2009 22:10 發表這合照都好多年前了, 合作超人機米達OP/ED時拍的.其實好普通一回事, 舉例, 羅文與鄭少秋同台, 也不會特別興奮落力. 但又不代表話好唔妥對方.

多謝歌唱魂兄的照片！他們後生時都好睇得吓，不愧為天王級人馬！

有關'一山不能藏二虎'之傳聞，其實我想保充這個可能是制度製造出來的現像，並不一定代表兩人實際上有什麼不和．所以我非常同意歌唱魂兄有關同台演出不特別興奮落力，但又不代表話好唔妥對方的觀點！事實上以佐佐木及水木今時今日的江湖地位及身價，除了他們自己搞起的音樂會，可能以大台較容易及有實力邀請他們一起演出，形成他們只會在大台節目同台演出的印像，加上他們各自的經理人亦一定會為他們爭取最佳的待遇及曝光率，久而久之或會形成一個成為開幕嘉賓後，另一邊箱的經理人亦會要求唱壓軸，慢慢給fans們誤會是'一山不能藏二虎'罷了！正是當事人不願爭，經理人卻會寸土不讓！這次演唱會據聞本來有嘉賓，但因為水木經理人反對而取消！數年前我也有份參與某節目的製作，參與演出者的經理人就曾因為謝幕排位的問題而搞到大家失和，場面非常之不愉快，反而他們代表的演出者本身是沒所謂的，這也許是人在江湖的無奈吧！

TOP

虎榮

餅壇元老

Rank: 8 Rank: 8

10^# 大中小發表於 28-2-2009 04:04 顯示全部帖子

引用:

原帖由 超人兄弟 於 27-2-2009 14:03 發表可能大王在此! 08年之 B S 永遠の音樂 concert ニ位好像也有同台演出!

大王是這個音樂會的常駐歌手，水木亦是常客，我手上有０７年的ｄｖｄ，他們與堀江同台演出，重大合唱叮噹主題曲！

引用:

如果大王佐佐木來 H K concert...我都係諗都o吾使諗成副身家攞去買飛及紀念品o拉

我地唔駛咁快絕望住！希望在明年！話唔定佢會改變心意到港一遊！我睡覺前會好認真咁許返個願！

TOP

虎榮

餅壇元老

Rank: 8 Rank: 8

11^# 大中小發表於 1-3-2009 23:06 顯示全部帖子

多謝各位師兄ｏ既update 消息！

堀江起台上o既表現真系一流，完全看不出是抱恙在身！不愧為天后級人馬！

TOP