Kendama

引用:

原帖由 moneyismymoney 於 24-1-2011 01:16 發表 好可能好多人都比個門面嚇走了.

相信好多外地人行過都唔會知道果度係餐廳；有留意到的，也可能會誤認果度係會所制、高消費場所 ...

Kendama

引用:

原帖由 East 於 24-1-2011 09:59 發表   地方好正喎!!

引用:

原帖由 啜啜仔〃 於 24-1-2011 11:19 發表 好靚吖！

引用:

原帖由 超人兄弟 於 24-1-2011 21:33 發表 地方靚...o岩哂攝影大師阿K 攞景!

地方好有懷舊氣息、樓底高，用餐地方闊落，感覺自在 ...

 

最吸引 k 的是牆上舊照片的人事物，讓 k 駐足細賞懷緬良久 ...

 

對舊物有興趣的餅友不會失望，好多傢俬、擺設、同展品均屬超老餅古董級 ... 遲 d 會把展品的照片 post 上來 ...

 

對食冇乜興趣的餅友路過都可以入去睇睇，當係去蚊型博物館 ...

Kendama

引用:

原帖由 虎榮 於 25-1-2011 00:21 發表   駛唔駛預訂, 定系walk in 就得? 

陸胞 5 點幾就食飯，6:00pm - 7:30pm 係高峰時間，訂位穩陣 d ...

 

k 大多 8:00pm 後才搵食，很多地方都在打烊中，不接客 ...

 

該處 10:00pm 下班，7:30pm 後 walk-in ，會有好多靚位俾你揀 ...

Kendama

引用:

原帖由 虎榮 於 25-1-2011 00:19 發表   咁都要有你久不久贈慶, 先可以雙得益彰o既! 你不如作返首新詩送俾Uncle K啦! 襯下個良晨美景麻!

引用:

原帖由 超人兄弟 於 25-1-2011 08:25 發表 好~... 攝影大仙 K K K 揸住傻瓜機佢曉飛無論新烤餅定舊老餅定要入o黎此帖睇靚相...睇靚相...o拉喂~~~

CYHD 出口成文，欽敬，欽敬！

 

傻瓜飛得去邊 ar ... 此貼只是記載些耳聞目睹的鎖碎事以娛人自娛，不是攪 "攝影" 的啦 ...

Kendama

引用:

原帖由 啜啜仔〃 於 25-1-2011 13:58 發表 我都係第一次入嚟,之前俾個標題誤導,原來 d 相咁正

本貼內容冇百分百都起碼有九成對題，仔兄怎個被標題誤導了呢又？

foureyesfatboy

引用:

原帖由 Kendama 於 25-1-2011 22景:59 發表 本貼內容冇百分百都起碼有九成對題，仔兄怎個被標題誤導了呢又？

可能佢真係以為你帶住個傻瓜(真人)同你一起闖蕩江湖的經歷

不過真係有個問題....傻瓜伴你行...誰是 "傻瓜"  是不是一路睇住你個帖同你一起行個班餅友

超人兄弟

引用:

原帖由 foureyesfatboy 於 26-1-2011 05:12 發表 可能佢真係以為你帶住個傻瓜(真人)同你一起闖蕩江湖的經歷 不過真係有個問題....傻瓜伴你行...誰是 "傻瓜"  是不是一路睇住你個帖同你一起行個班餅友

 hey~...我o地又唔係植物...點會係傻瓜呢~ ...係都係傻仔傻佬傻女o拉~...(呢個答案勁傻~...o合~~o合~~~ )

 

foureyesfatboy

引用:

原帖由 超人兄弟 於 26-1-2011 09:52 發表  hey~...我o地又唔係植物...點會係傻瓜呢~ ...係都係傻仔傻佬傻女o拉~...(呢個答案勁傻~...o合~~o合~~~ )  

"又唔係植物".....更加唔明....點解 d 人講 "做瓜你" "打瓜你"   人又唔係植物.

超人兄弟

引用:

原帖由 foureyesfatboy 於 26-1-2011 10:06 發表 "又唔係植物".....更加唔明....點解 d 人講 "做瓜你" "打瓜你"   人又唔係植物.

係呀~...重有 ' 瓜柴 '  tim...真係唔明!

999

引用:

原帖由 Kendama 於 25-1-2011 22:24 發表 999兄本身就是美食明燈，不要吝嗇給我們指引 ...   該處就是在天主堂對面馬路，你去過的火車餐廳 ...   過幾日會把餐卡部份的相片貼上來 ...

哈哈!999並非美食明燈(黃頁),只是報案熱線,K兄你搞錯了!

999記性差又大懵,原來吃過"上海老站"!

因為事發在7、8年前,對上海人生地不熟,當晚遲大到還要讓老細等(又忘記了店名,只知有一卡火車!?也不敢再打電話問老細)......."打的"過去,非常急趕但又塞車,"師博"就要我在天主堂對面自己行過去,然後週圍問人"火車餐廳"在那?

,印象中店內晚間氣氛幽雅,燈光主投在桌面,其餘環境略暗但不致昏沉,但對比出很和諧的氣氛,地板是木材,走過除了KWOK KWOK聲外偶有IT IT聲,連聽覺都有古老FU!我們的桌子在進門的右邊,有窗.......因遲到被罰!(好像被罰吃光那碟葱油拌麵!)

 

Kendama

引用:

原帖由 foureyesfatboy 於 26-1-2011 05:12 發表 可能佢真係以為你帶住個傻瓜(真人)同你一起闖蕩江湖的經歷 不過真係有個問題....傻瓜伴你行...誰是 "傻瓜"  是不是一路睇住你個帖同你一起行個班餅友

咁係咪改 "餅友伴我行" 會貼設 d 呢又？講真，上左老餅後，多多少少都有 d 咁既感覺 ... 誰是 "傻瓜"  已不再重要 ...

Kendama

引用:

原帖由 foureyesfatboy 於 26-1-2011 10:06 發表 "又唔係植物".....更加唔明....點解 d 人講 "做瓜你" "打瓜你"   人又唔係植物.

引用:

原帖由 超人兄弟 於 26-1-2011 10:18 發表 係呀~...重有 ' 瓜柴 '  tim...真係唔明!

兩位 d 瓜瓜葛葛零舍多 ...

Kendama

引用:

原帖由 999 於 26-1-2011 16:31 發表 哈哈!999並非美食明燈(黃頁),只是報案熱線,K兄你搞錯了! 999記性差又大懵,原來吃過"上海老站"! 因為事發在7、8年前,對上海人生地不熟,當晚遲大到還要讓老細等(又忘記了店名,只知有一卡火車!?也不敢再打電話問 ...

 

咁 "了 lung" 都俾你搵到，擺明就係黃頁啦 ... 不如改冧把做 1083 啦 ...

 

雖然在鬧市中，好多本地人可能都未聽過 "上海老站" 或 "火車餐廳" ；除非係熱門景點，d "師博" 淨係認路名，唔會記大廈或舖頭名! 畢竟，地方太大，大大小小的馬路和建築物超多！

 

連燈光，木地板 d 聲音都記得咁清𥇦，咪話記性超強，觀察力更是超級棒啦！ 街上的美眉，恐怕要俾 999兄睇蝕晒 ...

 

遲 d 貼 d 相，睇下你搵唔搵得番坐過個位 ...

 

蔥油拌麵是 k 飛弗之一；老站個葱油拌麵全靠果幾隻超大蝦米吊味，味道好過好多地方，但有更正的 ...

啜啜仔〃

引用:

原帖由 Kendama 於 25-1-2011 22:59 發表 本貼內容冇百分百都起碼有九成對題，仔兄怎個被標題誤導了呢又？

因為我以為係 d 攝影初哥揸住部好渣 ge 儍瓜機,

乜都影一餐

點知入到嚟一睇........嘩唔得掂.........正到痺

啜啜仔〃

引用:

原帖由 超人兄弟 於 26-1-2011 10:18 發表 係呀~...重有 ' 瓜柴 '  tim...真係唔明!

仲有瓜老襯 tim ar

999

引用:

原帖由 Kendama 於 26-1-2011 21:06 發表   咁 "了 lung" 都俾你搵到，擺明就係黃頁啦 ... 不如改冧把做 1083 啦 ...   雖然在鬧市中，好多本地人可能都未聽過 "上海老站" 或 "火車餐廳" ；除非係熱門景點，d "師博" 淨係認路名，唔 ...

K兄,你指了心了肺嗎?

果時聽人講上海D師博見你是外地人就會兜路,每次'打的'都有d懷疑.所以要揀品牌,粉藍色的最好(是大眾嗎?)原來每個品牌都有不同背景.....,士農工(???)最差.

確實上海太大,就算唔知目的地在那,有時d師博一定開車先,然後再打電話問人.

我就係唔記得間店叫咩名,但觀感非常好,很有印象.曾有朋友問上海有乜特色食館,硬係記唔起個名,真多謝K兄提醒!

街上的美眉又點怕俾 999睇蝕呢?公平ga,我都要嘥眼力ga! 熱的蔥油拌麵的確好有風味!簡單的食材組合成好滋味!凍的又是另一個故事! 有更正的?你指麵嗎?

快d po相啦!^^

超人兄弟

引用:

原帖由 Kendama 於 26-1-2011 20:37 發表 咁係咪改 "餅友伴我行" 會貼設 d 呢又？講真，上左老餅後，多多少少都有 d 咁既感覺 ... 誰是 "傻瓜"  已不再重要 ...

o下~...多多少少咋~ 我o地伴o左你唔小時間 gala...我o地將來都伴你行 ga wor~!

超人兄弟

引用:

原帖由 啜啜仔〃 於 26-1-2011 21:42 發表 仲有瓜老襯 tim ar

仲有瓜梗 & 瓜硬!

啜啜仔〃

引用:

原帖由 超人兄弟 於 26-1-2011 22:46 發表 仲有瓜梗 & 瓜硬!

仲有瓜咗,瓜得
都唔知點解瓜＝死

moneyismymoney

引用:

原帖由 啜啜仔〃 於 26-1-2011 21:40 發表 因為我以為係 d 攝影初哥揸住部好渣 ge 儍瓜機,乜都影一餐點知入到嚟一睇........嘩唔得掂.........正到痺

我以為你話 K 兄身邊會有一個 . . . . . . ,K 兄會叫佢儍瓜 o既某某. . .

*
*
*
*