聽完今晚Jam Project演唱會之後, 覺得他們都好落力演出, 交足工課, 比上年水木那場, 舞台設計只有最基本的佈置, 唱卡拉ok, 但Classic部份比上年長好多, 最有心思就係唱新版粵語叮噹(可能主辦單位關係, 所以選這首歌), 演唱會一開始已經講會唱一首廣東話歌, 但一時之間我都想不到會是那一首廣東話歌, 因為太多選擇, 而且又想不到那首會係啱佢地, 當他們唱出來之後, 全場都為之一驚, 完全估唔到會唱得咁好, 而且有九成字眼都好對音, 冇唱錯, 首歌分三部份唱頭尾用廣東話唱, 中間用日語唱, 完全想不到連自己個名都未能用廣東話好正咁說出來, 但classic唱叮噹會咁好, 全場即時叫encore, 但好可惜最終都係冇encore
, 每人都係得一首獨唱的自己本身的歌, 比較可惜, 絶大部份係合唱Jam Project的Super Robot大戰的歌. 希望好似影山所講, 可以以後和其他日本動畫歌手一齊來港演出, 或和本港歌手聯手表演(雖然我覺得有難度), 但有時見到在中國大陸獻唱的日本動畫歌手比香港還多時, 心想香港真係容納不到他們? 還是香港人的想法真係咁狹窄? 不過我本身都覺得香港人係表面open, 裡面好保守, 由其是可能會給人說幼稚時, 都唔會說出來.
