999

引用:

原帖由 ar_woo 於 5-8-2014 23:34 發表 前幾天去美國寶打波子機，即時想起999兄和此帖！來左幾部新機: transformers, star trek, batman & AC/DC，希望很快和兄長再見面，一齊去打鑊金

真係慚愧,連紅磡人都不知有新機到.....

一於吹雞,去打鑊金!

花開堪折直須折,好似我哋講話去得如、神燈食飯,講到人哋執笠都未去,實在可惜!! 仲記得你話尖咀果間京菜老店都要去試!

 

 

999

引用:

原帖由 Kendama 於 5-8-2014 23:55 發表 一講曹操，曹操就到！幾時走先？即 call bro ar_woo 約時間啦 ... Sorry ... 攪錯咗，以為個帖係 bro 999 出 tim ...

曹操都有知心友,攪錯就攪錯,一於集齊人食佢幾檔!

K兄知唔知紅磡有檔賣醬料的,隱身小巷弄,已有60幾年歷史,罕有,附帶賣豬腳薑,要一試啊!

Kendama

引用:

原帖由 moneyismymoney 於 6-8-2014 01:34 發表 嗰間中國國貨行過幾次,冇乜 o野好買,之後摺 o左.

男人老狗冇乜野要買，主要都係睇下野，涼下冷氣；老店已經摺左好耐啦 ...

Kendama

引用:

原帖由 999 於 6-8-2014 18:34 發表 水塘山頂有個公園,記得有個層幾樓咁高嘅滑梯,那邊有一條天梯(好長嘅樓梯)落彿光街消防局. 那時天氣好,可看到灣仔、中環碼頭,康樂大廈就是地標, 可以看見整個維港海平面,太平山脊線真很有美感,建物及 ...

近彿光街既山頭公園係東何文田配水庫遊樂場，內有公園和球場，80s' 也時不時會去踢波

差不每天都去的是沿忠孝街山上的京士柏上配水庫遊樂場，在那看書、跑步和看維港的夕陽 ...

鹿湖咖啡廳冇去過也沒印象

和衷街附近的鶴園街倒有去過

80s' 去上曾 Sir 教的小玩意製作

最有印象是自製 3D 相 ...

Kendama

引用:

原帖由 999 於 6-8-2014 19:01 發表 曹操都有知心友,攪錯就攪錯,一於集齊人食佢幾檔! K兄知唔知紅磡有檔賣醬料的,隱身小巷弄,已有60幾年歷史,罕有,附帶賣豬腳薑,要一試啊!

豬腳薑 arm 呀，這隱身小巷弄的醬料檔還在嗎？具體位置在哪？

每度食少少，一晚起碼續四五攤啦，翻泥至講啦 ...

Kendama

第二和三攤 - 新不如舊

本想試試亞呂的越南咖喱，但一碗麵落肚已有八成飽
走著走著，見附近有間粉麵餐廳有 XO 醬炒蘿白糕供應，叫人食心頓起
蘿白糕煎得夠熱，畧嫌 XO 醬放得太少及外層不脆
精華卻在那 XO 醬用的蝦米粒，讓普普通通的蘿白糕香口起來，整體算是 ok
昨午跟舊同事在覺士道某會所午饍，也點了XO 醬炒蘿白糕
想不到味道竟連紅磡這家也不如，價錢卻差不多翻倍 ...

走著走著，在文華茶記旁有間串燒店
店內滿員，門口還有不少人在等位
見一位不用等馬上有位，就進去點了串雞翼和紅腸
可能是人多的關係，雞翼和紅腸像是烤熟了就上枱，沒有反覆的搽蜜糖再烤
味道算是吃過的串燒中最差
要吃有水準的串燒雞翼，要去馬頭圍道愛登堡餐廳對面馬路邊琴行附近的一間小店 ...



某會所的XO 醬炒蘿白糕：

999

其實999細個時好喜歡到紅磡碼頭望住個海,見到好多魚在海中游來游去,之後又見到有人用盡方法將佢地整上岸,chok、釣、籠、撈、網,秋天前後有烏頭廻游,有人用三叉鉤chok,連魚餌都慳返!

 

紅磡火車站通車之後,天星開返紅磡至中環航線,碼頭建好前,與油麻地小輪(灣仔)曾共用一個碼頭一段時間,有時泊岸時會出現塞船奇景!

 

正趕建碼頭,上左是黄埔船塢,右上小輪朝北角前進,左中的T塔非常眼熟

 

碼頭落成後,連接火車站的天橋通路到碼頭為止,並非現在黃埔街,碼頭人氣更旺

左邊仍未見到紅磚的理工學院

999

引用:

原帖由 Kendama 於 6-8-2014 23:09 發表 第二和三攤 - 新不如舊本想試試亞呂的越南咖喱，但一碗麵落肚已有八成飽走著走著，見附近有間粉麵餐廳有 XO 醬炒蘿白糕供應，叫人食心頓起蘿白糕煎得夠熱，畧嫌 XO 醬放得太少及外層不脆精華卻在那 XO 醬用的蝦 ...

串燒店未試過,剛開店時冇乜人客,可能近住巴士站先做得住,晚上不時有廿歲以下的童党飯聚囂鬧

 

炒蘿蔔糕是在黄埔街?

Kendama

引用:

原帖由 999 於 7-8-2014 17:41 發表 其實999細個時好喜歡到紅磡碼頭望住個海,見到好多魚在海中游來游去,之後又見到有人用盡方法將佢地整上岸,chok、釣、籠、撈、網,秋天前後有烏頭廻游,有人用三叉鉤chok,連魚餌都慳返!   紅磡火車站通車之 ...

以前都好鍾意望海，多數去海運大厦望
行過都會駐足睇人釣魚
紅磡碼頭日頭同傍晚都好旺
入夜後水靜鵝飛 ...

珍貴的圖片 ...

Kendama

引用:

原帖由 999 於 7-8-2014 17:46 發表 串燒店未試過,剛開店時冇乜人客,可能近住巴士站先做得住,晚上不時有廿歲以下的童党飯聚囂鬧   炒蘿蔔糕是在黄埔街?

串燒店可以不試，其他地方有好的
炒蘿蔔糕當小食就 ok，在必嘉街近福至街，門口寫有清湯腩麵供應 (睇樣唔似係專門的清湯腩) ...

Kendama

第四攤 - 食甜品揾阿媽

串燒店出門右轉幾個鋪位，文華茶記旁，開咗間阿媽荳花
荳花有不同配搭選擇
試了個薑汁荳花
薑汁原來是自己加的薑糖水，成支放在枱上任加
有薑味，不太甜，荳花不是一 "筆" 散晒果種，整體普普通通
食過有荳腐香的台灣或大陸荳花
阿媽荳花 (香港整體的也是) 就輸咗個馬身位
有樣野唔明，既然支薑汁是放枱上任用，來碗 plain 荳花不就是 ok 了嗎！！？



至此，紅磡的懷舊之旅就劃上了句號
雖去的都是以前沒去過的食店，兼且味道普普通通
懷舊的喜悅已蓋過一切
何况，川粵擔擔麵是個有驚喜的發現 ...

moneyismymoney

引用:

原帖由 999 於 7-8-2014 17:41 發表 其實999細個時好喜歡到紅磡碼頭望住個海,見到好多魚在海中游來游去,之後又見到有人用盡方法將佢地整上岸,chok、釣、籠、撈、網,秋天前後有烏頭廻游,有人用三叉鉤chok,連魚餌都慳返!   紅磡火車站通車之 ...

曾經在紅磡返夜校,所以從北角乘渡海小輪到紅磡,不知有多小次了.

999

引用:

原帖由 Kendama 於 7-8-2014 23:01 發表 以前都好鍾意望海，多數去海運大厦望行過都會駐足睇人釣魚紅磡碼頭日頭同傍晚都好旺入夜後水靜鵝飛 ...珍貴的圖片 ...

尖咀五支旗桿旁亦是小時候看海好地方,尤其面對黃昏日落,點點燐光,接住夜幕低垂、華燈初上、五光十色,

面前浪花泊岸,自然景緻、背後過客營役,社會眾生,自己就像站在兩個世界交匯臨界點上!

現在在同一位置看看,這個世界,真的還是就此模樣?

 

還是"變幻"才是永恆不變的道理?

999

引用:

原帖由 moneyismymoney 於 8-8-2014 00:57 發表 曾經在紅磡返夜校,所以從北角乘渡海小輪到紅磡,不知有多小次了.

很多油麻地小輪,泊岸時都會來個大回旋的!記得嗎?

Kendama

引用:

原帖由 999 於 8-8-2014 13:29 發表 尖咀五支旗桿旁亦是小時候看海好地方,尤其面對黃昏日落,點點燐光,接住夜幕低垂、華燈初上、五光十色, 面前浪花泊岸,自然景緻、背後過客營役,社會眾生,自己就像站在兩個世界交匯臨界點上! 現在在同一位置看看,這個 ...

六七十年代，轉變的步伐緩慢
濶別幾年，環境還是此模様 ...

此後的劇變到了今天
除基建還在演變外
維港兩岸的面貌大概也只能是此模様 ...

最大而又恆久的變幻竟是人心
獅子山下的情懷反臉成了駡街潑婦的怨恨 ...

moneyismymoney

引用:

原帖由 999 於 8-8-2014 18:09 發表 很多油麻地小輪,泊岸時都會來個大回旋的!記得嗎?

回想乘渡海小輪其實係一種享受.

actionkamen

引用:

原帖由 moneyismymoney 於 9-8-2014 23:40 發表 回想乘渡海小輪其實係一種享受.

紅磡未填海前坐渡輪仲正

999

引用:

原帖由 Kendama 於 9-8-2014 17:46 發表 六七十年代，轉變的步伐緩慢濶別幾年，環境還是此模様 ...此後的劇變到了今天除基建還在演變外維港兩岸的面貌大概也只能是此模様 ...最大而又恆久的變幻竟是人心獅子山下的情懷反臉成了駡街 ...

以前的人大家可共患難,現在社會進步了,但很多人換了位階,連頭腦都換埋,  還有很多........

999

引用:

原帖由 moneyismymoney 於 9-8-2014 23:40 發表 回想乘渡海小輪其實係一種享受.

引用:

原帖由 actionkamen 於 11-8-2014 19:59 發表 紅磡未填海前坐渡輪仲正

北角線可以一邊睇机場、船塢view,另一邊睇維港景,好悠哉!

 

第一代紅磡三個碼頭空拍,左往中環,中到灣仔,右至北角

 

 

70's初

 

 

7/80'S紅磡灣地圖

 

這照片會否勾起70's常經過紅磡碼頭的老餅回憶?

 

999

引用:

原帖由 Kendama 於 7-8-2014 23:30 發表 第四攤 - 食甜品揾阿媽串燒店出門右轉幾個鋪位，文華茶記旁，開咗間阿媽荳花荳花有不同配搭選擇試了個薑汁荳花薑汁原來是自己加的薑糖水，成支放在枱上任加有薑味，不太甜，荳花不是一 "筆" 散晒果 ...

台灣豆漿店所賣的豆漿,很多都是用大塑膠袋交送到店再分裝賣的,但廠商都是豆磨研壓隔榨而成,香港現在很多是開粉的,勁甜,又冇乜豆香味.

6/70's在机利士路及蕪湖街口有一間豆腐店,專賣豆製品,但價錢比街市小販略貴,可能鋪租關係.