ddmmyy

引用:

原帖由 kcl 於 8-9-2009 02:44 發表   其實1967年暴動, 早在1966年中天星小輪加價斗零, 蘇守忠絕食抗議就開始醖釀, 至1967年夏天白熱化, 當年我在荔枝角道商舖工作, 時近黄昏, 眼見暴徒突然發難, 數十人手拿汽水樽擲向馬路行 ...

 

不不不....66年確有一單，可能事情鬧不大，加上工聯會六七暴動名氣大響，所以大家都唔記得66騷亂了，我有印象，只因細舅當日送女友返石硤尾家，途中忍唔住頸，客串一下，結果害女友擔驚受怕，幾日後便散檔.........正因如此，我到佢仙遊前，都無辦法問出過中詳情.......

 

另外，如果住黃大仙樂富一帶之餅友，該記得天馬苑、翠竹花園未建成前，廣播道至黃大仙一帶，都可遠遠見到獅子山山腰有塊三角型巨石卧著，有兩年，左右兩邊鬥擺闊，首先由右佬在雙十前後個幾星期，舖了支巨型青天白日旗在巨石右上方山腰上，遠到彩虹道啟德明渠一帶都見到。那年撐台灣的一方大勝。

 

第二年左仔唔執輸，在十一前幾日，照板煮碗拉了一支國旗舖上山，到過了國慶，收起交回雙十人又拉一次青天白日......唔知係香港政府出聲丫，還是兩岸好兄弟提醒國旗唔掂得地 .....總之第三年就乜野都發生過喇....

SAS2007

引用:

原帖由 ddmmyy 於 8-9-2009 09:14 發表   不不不....66年確有一單，可能事情鬧不大，加上工聯會六七暴動名氣大響，所以大家都唔記得66騷亂了，我有印象，只因細舅當日送女友返石硤尾家，途中忍唔住頸，客串一下，結果害女友擔驚受怕，幾日後便散檔 ...

ddmmyy兄會唔會係講緊56年雙十暴動呢單
http://zh.wikipedia.org/zh-hk/%E9%9B%99%E5%8D%81%E6%9A%B4%E5%8B%95

JLCC

引用:

原帖由 ddmmyy 於 2-9-2009 00:37 發表 記得有人在其他論壇post過一張帖，大意是陳婉嫻在97-98年間接受某左報專訪，提及參與六七暴動，佢話無悔，又話方式正確.......... 早幾年又有一張介紹楊光及曾德成的.........   見到那兩張post，証據確鑿 ...

 

最Q憎死左仔楊光,正一殺人犯

kcl

引用:

原帖由 tone 於 28-8-2009 22:41 發表       原贴: http://hk.myblog.yahoo.com/hungfuchee-wantaichee/article?mid=5969    

 

我認為商台移除林彬幅相, 係太過無情無義, 話晒佢都係因工殉職, 人地楊光都有大紫荊勳章, 點解商台唔打個金牌,賜個謚號比林彬, 真正係『飛鳥盡, 良弓藏, 狡兔死, 走狗烹』呢句話講得冇錯.

KD1743

引用:

原帖由 kcl 於 10-9-2009 12:56 AM 發表   我認為商台移除林彬幅相, 係太過無情無義, 話晒佢都係因工殉職, 人地楊光都有大紫荊勳章, 點解商台唔打個金牌,賜個謚號比林彬, 真正係『飛鳥盡, 良弓藏, 狡兔死, 走狗烹』呢句話講得冇錯.

冇計呀,土共要收番香港,而香港D狗官奸商根本就好似一班東德既stasi，幫俄羅斯人服務，唔係幫德國人服務

kcl

引用:

原帖由 KD1743 於 10-9-2009 16:53 發表 冇計呀,土共要收番香港,而香港D狗官奸商根本就好似一班東德既stasi，幫俄羅斯人服務，唔係幫德國人服務

 

咁即係商台遲早都要變成土共電台? 商台自從愚珍上場, 施展渾身解數, 由黃毛ㄚ頭搖身一變, 成為今日嘅副倒屎長, 又炒晒班老嘢, 請埋晒葛文鷄之流講嘢冇離正經嘅人做DJ, 我惗商台第日變成鷄台嘅可能性好大.

moneyismymoney

引用:

原帖由 kcl 於 11-9-2009 21:33 發表   咁即係商台遲早都要變成土共電台? 商台自從愚珍上場, 施展渾身解數, 由黃毛ㄚ頭搖身一變, 成為今日嘅副倒屎長, 又炒晒班老嘢, 請埋晒葛文鷄之流講嘢冇離正經嘅人做DJ, 我& ...

愚憎仲想摺咗十八樓 C 座添,班播音員幾經辛苦才可保留.

ddmmyy

各位餅餅，五六年確有一單撐台者亂，但六六年亦有一單，不過無咁多轟動吧，如我死鬼細舅父無老作，66年那次三兩日便無貨賣.........加上五六年時，我尚未投胎，所以決非大家所說56年事件

SAS2007

引用:

原帖由 ddmmyy 於 13-9-2009 00:06 發表 各位餅餅，五六年確有一單撐台者亂，但六六年亦有一單，不過無咁多轟動吧，如我死鬼細舅父無老作，66年那次三兩日便無貨賣.........加上五六年時，我尚未投胎，所以決非大家所說56年事件

ddmmyy兄你講果個可能就係天星小輪呢單......
http://zh.wikipedia.org/zh-tw/%E5%85%AD%E5%85%AD%E6%9A%B4%E5%8B%95

ddmmyy

引用:

原帖由 SAS2007 於 13-9-2009 12:14 發表 ddmmyy兄你講果個可能就係天星小輪呢單......http://zh.wikipedia.org/zh-tw/%E5%85%AD%E5%85%AD%E6%9A%B4%E5%8B%95

 

我都看過天星的料，可能確有關聯。但因我舅父被人飛甩事，發生於石硤尾，佢曾講當日有差佬成排咁追住人打。但順手睇到的料都無提到石硤尾？？？

計落佢無理由記錯.....事關我外婆為佢娶唔到那賢良淑德，睇得又可能好生得的絕版靚靚，一直嘮叨佢個仔..........，大家話又點會有錯呢？可是搵唔到料，就是搵唔到料。

我又無理由去搵n年前舊報紙去........

我懶嘛

kcl

引用:

原帖由 moneyismymoney 於 11-9-2009 22:55 發表 愚憎仲想摺咗十八樓 C 座添,班播音員幾經辛苦才可保留.

 

十八樓 C 座諷刺時弊, 以前經常提到老懵董, 你地又知唔知老懵董D秘密, 老懵董佢老豆董浩雲係國民黨人, 四九年大陸淪陷時逃到香港經營東方海外船務生意, 所有船隊均懸掛青天白日旗, 七十年代初斥資購入前依利沙伯二世郵輪並重新裝修成一艘設備豪華的海上大學, 命名為海上學府, 當時為全世界最大之海上學校, 泊于美孚與青衣之間海面, 點知惹來土共眼紅, 就喺一九七二年一月裝修完畢, 在船上大宴親朋威威之際, 被土共特務於船上放火, 港英救火時又搏命射水, 結果將佢射沉, 打橫瞓咗喺海面, 不但講聲對唔住都冇, 重限佢三年內要清理晒呢單龎大海上垃圾, 董浩雲好夢成空, 為此事終日屈屈不得志, 捱咗十年而亡, 臨死前吩咐D仔, 謂漢賊不兩立, 定要為佢報仇, 否則莫認佢係老豆, 奇在副壽板竟然係國產頂級柳州木, 唔係台灣阿里山杉木, 亦唔係美國加州紅木, 更奇係後來老懵董屈身侍敵, 認賊作父, 投身土共作香港特首, 不過佢行政失當, 攪WOR香港, 丟清土共D架, 打爛班公務員嘅鐵飯碗, 已報港英當日射沉船之仇, 繼而進身人大政協, 會唔會攪LUM埋土共? 大家不防拭目以待.

tone

無間道

 

 Kcl  兄講得好攪笑

不惑男

當年住在圖中敏如茶室毗鄰的一座大廈，該日唔駛返學，親眼見證呢一幕：搜查莊士敦道左派工會及斜對面之新中華國貨公司。

moneyismymoney

引用:

原帖由 不惑男 於 8-6-2011 16:12 發表 當年住在圖中敏如茶室毗鄰的一座大廈，該日唔駛返學，親眼見證呢一幕：搜查莊士敦道左派工會及斜對面之新中華國貨公司。

e + 就話勞資斗紛,為勞工爭權益,又話反英抗暴,但係佢 o地害死幾多人又 o吾提,搞亂香港人 o既經濟及民生又 o吾講,對 o吾住都無聲.

^
^
^