撒旦幫把本鄉猛（洪大龍）捉去想將之改造成蝗蟲形態的改造人，當時身體機能已改造完成，但就未洗腦，本鄉猛響腦手術前成功逃離。後來以幪面超人的名義與撒旦幫周旋，撒旦幫為對付呢條叛徒，於是捉了一文字隼人（洪飛虎）準備將佢改造成與幪面超人有同等威力的改造人去覆卓，點知無笈取先前的教訓，響未洗腦前就比一號救走，是為幪面超人二號；就係咁，撒旦幫造0左兩個人對付自己；由於一號要去對付撒旦幫外國分舵（其實係一號演員受傷，要休養），所以將日本交比二號！外形上一號全身係深綠色皮衣，手套及對Boot係墨綠色；而二號跟一號的分別只有件衫及條褲邊有條白間！
後來一號回歸，叫阿二號去對付南美撒旦幫支部，自己詐詐諦比撒旦幫捉番博佢幫自己造upgrade手術，點知真係比佢博到，但係撒旦幫班死蠢又唔記得先做腦手術，終於又比一號響洗腦前成功走甩，威力仲大幅度提升！外形上衫褲由皮褸變成track suit及多0左雙白間（尚欠一間就是Adidas
），手套及對Boot變了銀色。後來二號由南美返來，在南美期間佢日操夜操，終於成功唔使靠手術自行upgrade，外形上都係由皮褸變成Track Suit，單白間依然保留，手套及對Boot變成紅色！
[
本帖最後由 actionkamen 於 29-3-2008 02:53 編輯 ]
