Machbaron 您好,
模型大大話話都玩咗三十年多啲, 細個當然冇講求上色同製作技巧, 亦都冇呢方面知識同能力, 但求有得玩就開心, 一路由小學, 中學, 大學都只係晌上色方面慢慢求變, 但係嗰陣時連夾口都仲未識補. 如果話正正經經製作模型都係呢六七年前嘅事. 其實資歷仲好淺, 好多技巧仍然未掌握到, 所以學神當之無愧.
原先只係製作四位士兵, 主要係練習手髹技巧, 特別係面相, 膚色, 到後來晌屋企角落搵到盒木屋模型出黎, 比例都係1/35, 於是乎就虐一下將士兵放落去, 但係就咁放又冇乜故事性, 於是又將家禽模型入面一隻雞放埋落去, 效果又好似幾得咁, 想表達係士兵肚餓追隻雞追到入屋, 追到牆角, 當然往後發展就自行推斷. 至於隻雞點解咁定, 呢個係因為廠方冇出到"騰雞"呢一款. 至於攻擊方向就係因為對方只係一隻雞, 您會見到隻雞係算係被包圍.
至於細節如衣服領、肩上的階級章都唔會加上去, 畢竟只係練習作.
呢度呢一個區都開咗有一段日子, 多得East兄提議, 小的都希望各方朋友都放上自己製作成品上黎, 水準高低好壞次要, 分享先係呢個區精神所在.
