獨自上山沿途拍照
Janet最後出現日期為開學前夕的9月1日，她早上如常約會朋友，一班人睇戲後
在銅鑼灣怡和街麵檔吃午餐，之後她建議一同上山頂，惟同學有事婉拒，事後
她獨自上山，想不到從此失蹤。據她與同學的手機WhatsApp紀錄，驚見Janet失
蹤前的言談竟充滿自殺意味。Janet到山頂後與幾名同學進行群組WhatsApp對話。
對話顯示，當日下午2時26分，Janet稱曾正在上山途中，未幾一名同學向她表示﹕
「佢哋要買平嘅化妝品，你聽日帶路。」但Janet竟回應﹕「……我今日死wor」
但同學似乎以為她講笑。
下午約3時31分，Janet開始於WhatsApp上載山頂公園相片，同時寫上﹕「超~漂亮
的山頂公園」，同學問：「要在那裡自絕嗎？」又說：「去自殺又會咁有興致影
相嘅。」
其間，同學不但沒有阻止Janet尋死，反而有感而發寫道﹕「其實如果唔系（係）因
為我未完成某D（啲）事我都會自殺」。至下午4時41分，Janet與同學的最後WhatsApp
留言﹕「突然間風大霧大」。傍晚6時05分，Janet再傳了一張山頂相片給兄長，成為她
最後的WhatsApp相片，之後便人間蒸發。晚上9時12分仍不見Janet在WhatsApp回應，
其中一名同學在WhatsApp問：「係咪真係……咗？」但兩人最終都沒有報警。
兄fb籲友協助尋妹
直至翌日凌晨，家人見Janet遲遲未歸，擔心她出事報警，警方連續兩日搜山，
但都沒有結果，警方在Janet失蹤翌日曾經發放相片尋人。Dicken指胞妹乖巧聽
話，與母親無所不談，一般在圖書館溫習至晚上9時左右返家：「屋企人都唔
知佢為乜嘢咁灰？」他連續多日在facebook呼籲朋友協助尋妹，朋友亦在網上
尋人，有人指Janet「好似近排識咗啲街外朋友，好快玩得好熟」。
據悉，有指事主痛恨粉紅色，恰巧學校的室內牆壁最近塗成粉紅色，同學於
WhatsApp曾提及：「為咗學校變成粉紅色就去自殺，你（Janet）真係無聊。」
聖嘉勒女書院發言人表示，本月二日開學，老師點名發現Janet沒有上學，通知
家長才得悉她失蹤，校方指事主成績中等，操行良好。
此外，香港樹仁大學輔導暨研究中心輔導心理學家余鎮洋稱，若身邊朋輩同樣
有自殺念頭，事主或會覺得有人「支持」而相信自殺屬正確解決方法，即使同
學間純粹開玩笑，亦有機會加劇事主負面情緒。
