呢套野我都有睇, 當年每逄播映時間, 我全家人都會痴實部電視! 但系因為電檢尺度問題, 香港版本cut左好多! 
你買返個日文版或英文版就會發現呢樣野!
ATV當年好似連續播左兩季! 好好睇! 
其實後來日本好似重有多1-2兩季, 可惜香港之後無播!
第一季同第二季雖然主角及部份演員相同, 但時代背景不同, 希望我d記憶同有限日文無記錯同解錯野 :
第一季的故事背景為幕府初期德川家光前後一段時間, 千葉真一所飾演的服部半蔵, 是德川家康家臣服部千戶後人, 雖屬忍者, 並非伊賀或甲賀一派, 而且同甲賀忍者有連翻激戰, 佢戲中最後死去的愛人亦是甲賀叛徒! 戲中平時為澡堂老板, 有任務就會喬裝為僧人出外, 呢個打扮其實在大江戶時代好普遍. 最後基本上絕大部份成員都能夠全身而退! 主題曲同片尾曲為渡邊荗樹所作, 勁正 前者緊張欲裂, 如果你有印象, 一定記呢個開場節奏(da da dada dadada...da da dada dadada...)後者則充滿暮色滄汒及無奈感傷的味道!
第二季的故事慘烈好多, 基本上系伊賀的復仇故事! 背景為幕府第九代將軍德川吉晴期間,千葉真一所飾演的拓植新八為伊賀忍村的領袖, 他們是伊賀僅餘的生還者, 但遭將軍一系滅族屠村, 於是他們剩下的人馬隠於市內一間居食屋,辦作男女侍應, 伺機報仇, 最後仇雖報成, 絕大部份成員均戰死沙場, 拓植新八只好暗然歸隠! 套戲仍然沿用第一季主題曲, 但片尾曲轉了, 稍有不及前作! 千葉真一於戲中還首次與第一任妻子-野際洋子同場演出, 可惜靚靚-重板慶子一出場就死! 戲中為拓植新八義姝, 我就覺得似情人多d, 因為現實中相愛又不能結合的情人, 通常都會變左乾哥乾姝! 
其實呢兩季都已經出左或將會出DVD, 可分別在美國及日本amazon.com訂購!在網站打sonny chiba 或者 千葉真一就可以找到!
第一季(豪華日文版, 精美盒裝, 加送製作簡介小冊子同原裝soundtrack cd 1 隻, 不過片尾曲因版權關系, 只得音樂, 無人聲及歌詞)
第一季(平裝英文版, 英文配音, 附字幕)shadow warriors
第二季Box 1 (日文版 - 無任何贈品!)
第二季Box 2 (日文版) - 無任何贈品!)
