個套已經唔記得叫咩名 (個陣好似係有線兒童台播既，唔係好肯定。)
首先講op，印象中個男主角係op到係張輪椅到玩手滑板(放係手玩個d，好細個)
然後人物方面，2個男主角，其中一個係成個mk咁款，一個係富家子弟，而個女主角無咩特別。
再者內容方面，佢地要去到一間工廠(靠個滑輪飛過去)，然後再企帶上眼罩，再企係類似dj打碟既地方，再送去其他世界到打怪獸。
之後個3個主角都會變左部機械人去打，有藍色、綠色同紅色。(紅色用近身武器多，綠色就用重炮多)
最後場景方面，我記得其中有一part係好似係研究所咁 ，有個女仔個名叫做tina(天拿)，而個mk男主角好中意佢，成日偷偷地去望佢同佢傾計。
我只係記得咁多，希望你地能夠幫我搵番童年回憶。
