billy_silly

引用:

原帖由 CC715 於 8-8-2011 21:48 發表 你有無睇迷男呀?

有買到,都畫得好靚,所以睇完先有感慨...都吾係果啲時勢了...

Wildman

引用:

原帖由 超人兄弟 於 31-7-2011 14:22 發表 唔知好唔好睇呢~??有無餅友睇o左?! 想買但...最終都無買... 重 $ 18 tim~    

見你地講完，以為又係型仔溝女的故事，無新意，所以無買，但借閱後發現內文好，作者及編劇的專欄更好，絕對值得俾18元去支持他們。
此書的主題是探討現世各式各樣嘅愛情觀，男女双方在愛情上的關係，與老餅們的"至死不渝、地老天荒"的愛情觀完全唔同，此類題材在港漫，甚至日漫亦很少見，絕對值得支持！
誠意推介，由期是編劇亞Bon的專欄

超人兄弟

引用:

原帖由 Wildman 於 9-8-2011 12:02 發表 見你地講完，以為又係型仔溝女的故事，無新意，所以無買，但借閱後發現內文好，作者及編劇的專欄更好，絕對值得俾18元去支持他們。此書的主題是探討現世各式各樣嘅愛情觀，男女双方在愛情上的關係，與老 ...

其實都係o向報灘立過o下...未睇清楚.. .經 Wildman o甘講...或者會買番本 look look ，thanks !

billy_silly

引用:

原帖由 CC715 於 8-8-2011 21:47 發表 細細個已睇,90年代睇過又停過,03年開始又睇到依家,咁你呢,係咪細個開始睇?

我未識字已睇公仔書...

CC715

引用:

原帖由 billy_silly 於 9-8-2011 12:54 發表 我未識字已睇公仔書...

佩服,我無你咁西利,我讀小學先開始睇

CC715

引用:

原帖由 billy_silly 於 8-8-2011 23:02 發表 有買到,都畫得好靚,所以睇完先有感慨...都吾係果啲時勢了...

唔太明你講既時勢係乜,可否說清楚d?

CC715

睇完,我覺得故事馬馬地,又係一搬男追女,女追男既愛情故事,有點兒悶,但故事人物既衣著畫得尚算唔錯,都幾入時

billy_silly

引用:

原帖由 CC715 於 9-8-2011 20:32 發表 唔太明你講既時勢係乜,可否說清楚d?

佢係畫得靚,但因表現既係潮流野,讀者對象應係年青讀者,但對睇慣新一代日漫長大的後生仔,呢啲畫風又可能會舊...

超人兄弟

引用:

原帖由 billy_silly 於 9-8-2011 12:54 發表 我未識字已睇公仔書...

厲害佩服~!

超人兄弟

引用:

原帖由 CC715 於 9-8-2011 20:36 發表 睇完,我覺得故事馬馬地,又係一搬男追女,女追男既愛情故事,有點兒悶,但故事人物既衣著畫得尚算唔錯,都幾入時

 o岩o岩買o左...未睇。好忙~慍個時間慢慢細心欣賞o下先 !

劉雲畫衣著入時最耍家。

超人兄弟

引用:

原帖由 billy_silly 於 9-8-2011 20:57 發表 佢係畫得靚,但因表現既係潮流野,讀者對象應係年青讀者,但對睇慣新一代日漫長大的後生仔,呢啲畫風又可能會舊...

應該唔會o既~...話哂潮流野，都好多潮仔潮女睇o既，劉雲睇準呢個市場食住上!

billy_silly

引用:

原帖由 超人兄弟 於 9-8-2011 23:00 發表 應該唔會o既~...話哂潮流野，都好多潮仔潮女睇o既，劉雲睇準呢個市場食住上!

我反而覺得佢替新出冇耐果份免費報紙每日畫既單格潮流漫畫比較自然啲...

billy_silly

引用:

原帖由 超人兄弟 於 9-8-2011 22:48 發表 厲害佩服~!

細細個識玩股票就話叻姐 ...我大約有記憶在三歲時后,因清楚記得還未入學...果時坊間已有好多三十二開細書度公仔畫,隠約記得最早係睇阿童木(果時係叫小飛俠)、小白獅...同咸旦超人嗰啲...當然都係本地老番果啲貨色啦!好記得果啲公仔線条好多都係藍色紅色呀咁,當然果時都吾會有乜野日漫港漫既概念啦,現在回想起來,當中應該夾什左好多莫君岳呀蝙蝠俠、蜘蛛俠...甚至黃玉郎畫既超人之子我都睇過...但按時序黃生當時應已畫緊小流氓,而超人之子應該係黃玉郎創作小流氓前的作品,但係以前啲書都好興出完又出,一如依家既復刻版...我甚至响七十年代尾仍能買到第一期的財叔漫畫(吾係舊書)...總之跟屋企人去飲茶時就是但買本黎睇,好記得老豆同我去報攤比我自己揀一本既情景...當然睇呢啲書時都係冇意識咁買...直至小學時嘩犀利咯...從鄰居手裡借來第90期小流氓,果期石鐵做封面,內文同老妖劇鬥,從此追住睇,又去飛髮舖睇番啲舊小流氓...直至生報創刋也每日買,為的都是兩版龍虎門...反而兒童樂園、老夫子我好少買,都係去小童群益會睇,最有印象係小圓圓,叮噹都係响兒童樂園知道,果時仲以為係香港人畫 ...

 

超人兄弟

引用:

原帖由 billy_silly 於 9-8-2011 23:47 發表 我反而覺得佢替新出冇耐果份免費報紙每日畫既單格潮流漫畫比較自然啲...

人生百態係貼身 D o既~...

迷男你覺得唔係近身事...所以唔投入o者~...

世間咩o野都有可能發生...編劇Bon都係o向人生取料!

超人兄弟

引用:

原帖由 billy_silly 於 10-8-2011 00:34 發表 細細個識玩股票就話叻姐 ...我大約有記憶在三歲時后,因清楚記得還未入學...果時坊間已有好多三十二開細書度公仔畫,隠約記得最早係睇阿童木(果時係叫小飛俠)、小白獅...同咸旦超人嗰啲...當然都係 ...

Billy兄的經歷都係好多動漫餅友o既經歷...包括在下！好懷念的回憶！

billy_silly

引用:

原帖由 超人兄弟 於 10-8-2011 12:03 發表 人生百態係貼身 D o既~... 迷男你覺得唔係近身事...所以唔投入o者~... 世間咩o野都有可能發生...編劇Bon都係o向人生取料!

超兄分析得好啱

CC715

引用:

原帖由 billy_silly 於 9-8-2011 20:57 發表 佢係畫得靚,但因表現既係潮流野,讀者對象應係年青讀者,但對睇慣新一代日漫長大的後生仔,呢啲畫風又可能會舊...

明白

CC715

引用:

原帖由 超人兄弟 於 9-8-2011 22:54 發表  o岩o岩買o左...未睇。好忙~慍個時間慢慢細心欣賞o下先 ! 劉雲畫衣著入時最耍家。

呢本書既男女主角真係幾入時,依家出面旺角好多後生仔女都係咁著

睇完記得講番故事好唔好睇

CC715

引用:

原帖由 billy_silly 於 9-8-2011 23:47 發表 我反而覺得佢替新出冇耐果份免費報紙每日畫既單格潮流漫畫比較自然啲...

係邊份報紙?網上搵唔搵到?睇你咁寫,攪到我好想睇添

超人兄弟

引用:

原帖由 billy_silly 於 10-8-2011 19:09 發表 超兄分析得好啱

劣見失禮哂!