表面睇，而家好多細路咩嘢玩具都可以擁有，特別係手機／電腦，好似好幸福．．
其實，比起我地呢Ｄ老餅做細路時，佢地呢一代好多人已經無可能有一Ｄ我地先擁有嘅珍貴回憶．．例如：遊樂場．
我地細個踢對拖鞋，就可以落去屋企附近屋村Ｄ街坊遊樂場去玩：氹氹轉，搖搖板，Sir 滑梯．．永遠唔駛俾錢，玩到阿媽叫”吔飯”！
而家香港地皮好值錢，根本已經好少街坊遊樂場；想去玩？好，只可以幫襯嗰Ｄ大商家佬開嘅海洋公園／滴屎尼，如果一家大細齊齊入場，真係成家企喺門口已經屈咗你地唔少錢！！
唉．．走去買咗呢本正嘢！睇吓呢本有心人寫嘅好書，緬懷一吓兒時玩樂嘅珍貴情景：一去不復返啦．．．．
http://www.chunghwabook.com.hk/9789888263776/
講真：呢一代好多細路，真係完全未見過書裡面嘅古董同玩樂場所！
由呢個角度睇，呢一代好多細路，其實都好可憐．．可以好肯定，將來佢地會無咗同啲屋企附近街頭巷尾成班細路，一齊嬉戲玩樂嘅集體回憶！
