foureyesfatboy

有沒有人記得在灣仔活道的賽馬會官立小學, 她在1977年轉成賽馬會匡智學校(特殊訓練學校)之前只是普通小學, 在網上找不到一點關於這小學的資料. 好近京都戲院及當年同附近有兩個租單車店.

NoName

引用:

原帖由 foureyesfatboy 於 17-1-2012 09:00 發表 有沒有人記得在灣仔活道的賽馬會官立小學, 她在1977年轉成賽馬會匡智學校(特殊訓練學校)之前只是普通小學, 在網上找不到一點關於這小學的資料. 好近京都戲院及當年同附近有兩個租單車店.

 

有點印象因我的小學（聖約瑟）就在附近。要不要去拍一張照片給你看？哈哈。。。（我現在在香港，數天後回加拿大。）

 

京都戲院完全冇咗囉。～＿～記得以前戲院外有好多小販，有得食有得玩。有賣夜光珠，沙漏。。。

foureyesfatboy

引用:

原帖由 NoName 於 17-1-2012 11:51 發表   有點印象因我的小學（聖約瑟）就在附近。要不要去拍一張照片給你看？哈哈。。。（我現在在香港，數天後回加拿大。）   京都戲院完全冇咗囉。～＿～記得以前戲院外有好多小販，有得食有得玩。 ...

多謝先...上年四月回港都去睇過. 不用啦多謝 ...用心玩多幾日.  因為我小學畢業於賽馬會官立小學.

所以想知有沒有機會找回一些校友. "戲院外有好多小販，有得食有得玩"....當年有個阿婆賣玩具...都有三十六七年前了.....她可能以成古人了.

你在聖約瑟讀小學... 又係鄰居.....我都讀過東華三院李賜豪小學好近對面門.... 乜咁啱啊. Were you WaiChai Man?

ULTRA2020

引用:

原帖由 foureyesfatboy 於 17-1-2012 09:00 發表 有沒有人記得在灣仔活道的賽馬會官立小學, 她在1977年轉成賽馬會匡智學校(特殊訓練學校)之前只是普通小學, 在網上找不到一點關於這小學的資料. 好近京都戲院及當年同附近有兩個租單車店.

租單車鋪已變了豪宅 ~

foureyesfatboy

引用:

原帖由 ULTRA2020 於 17-1-2012 13:54 發表 租單車鋪已變了豪宅 ~

...以前租單車鋪個轉角京都戲院對面是有一間麵包店...好似叫叫...紅綿.

超人2020兄...你住西環 ...唔好過界 WOR..

ULTRA2020

引用:

原帖由 foureyesfatboy 於 17-1-2012 14:01 發表 ...以前租單車鋪個轉角京都戲院對面是有一間麵包店...好似叫叫...紅綿.超人2020兄...你住西環 ...唔好過界 WOR..

但最幣我細細個經常偷偷搭電車去灣仔活道租單車玩呢 ~　

星際盹胎和ET我都是在京都睇的 ~　

NoName

引用:

原帖由 NoName 於 17-1-2012 11:51 發表   有點印象因我的小學（聖約瑟）就在附近。要不要去拍一張照片給你看？哈哈。。。（我現在在香港，數天後回加拿大。）   京都戲院完全冇咗囉。～＿～記得以前戲院外有好多小販，有得食有得玩。 ...

 

我記得那個呀婆，成車嘢嘛。我幫襯過架。

記得小一或二時在她的車仔旁時突然流鼻血，她拿出廁紙幫我。

我不是灣仔人啦。不過讀咗聖約瑟六年，都算半個吧。哈哈。。

NoName

引用:

原帖由 ULTRA2020 於 17-1-2012 14:09 發表 但最幣我細細個經常偷偷搭電車去灣仔活道租單車玩呢 ~　星際盹胎和ET我都是在京都睇的 ~　

 

單車舖仍有一間呀。

Kendama

引用:

原帖由 foureyesfatboy 於 17-1-2012 09:00 發表 有沒有人記得在灣仔活道的賽馬會官立小學, 她在1977年轉成賽馬會匡智學校(特殊訓練學校)之前只是普通小學, 在網上找不到一點關於這小學的資料. 好近京都戲院及當年同附近有兩個租單車店.

Is it not next to the Victoria Technical School?

Thought there were more than two bicycle shops ... 

(I studied and worked around that area for a total of 16 years ... )

foureyesfatboy

引用:

原帖由 NoName 於 17-1-2012 19:27 發表   我記得那個呀婆，成車嘢嘛。我幫襯過架。記得小一或二時在她的車仔旁時突然流鼻血，她拿出廁紙幫我。我不是灣仔人啦。不過讀咗聖約瑟六年，都算半個吧。哈哈。。

應該有兩個阿婆一個推車仔另 一個是在京都戲院旁一角. 推車仔個有時在國泰戲院旁停車賣野. 你講成車野個是佢, 有時佢個仔都有幫手睇車. 我住國泰戲院旁. 你在聖約瑟六年...一年級至六年級名學WOR... 以前經過成日見到好多小朋友有工人接放學.

無名兄..真是他鄉遇故之.

foureyesfatboy

引用:

原帖由 ULTRA2020 於 17-1-2012 14:09 發表 但最幣我細細個經常偷偷搭電車去灣仔活道租單車玩呢 ~　星際盹胎和ET我都是在京都睇的 ~　

搭電車都要偷偷地.... 你是通緝犯  可能...比我地盤過你WOR... 細露你邊道尼...

foureyesfatboy

引用:

原帖由 Kendama 於 18-1-2012 00:39 發表 Is it not next to the Victoria Technical School?Thought there were more than two bicycle shops ... (I studied and worked around that area for a total of 16 years ... )

維工仔.... 當時有幾間租單車, 我講個兩間是街擋沒有舖位.  16年灣仔生涯好過嗎 . 

我都係住了十五年灣仔由1970 至1985....後移居加國. 不過我老豆在灣仔就好多年65年到開始.

NoName

引用:

原帖由 foureyesfatboy 於 18-1-2012 04:17 發表 應該有兩個阿婆一個推車仔另 一個是在京都戲院旁一角. 推車仔個有時在國泰戲院旁停車賣野. 你講成車野個是佢, 有時佢個仔都有幫手睇車. 我住國泰戲院旁. 你在聖約瑟六年...一年級至六年級名學WOR... 以前經過成日 ...

 

我也記得有人幫她的。

 

現在香港的大型戲院都沒有了，很是唏噓。四年多前還有京都戲院，今次冇咗囉。以前那一帶都是推車仔小販，今天冇晒。記得小學時有一間大西洋超級市場。戲院對面有一間小食店，有時放學會買三文治吃。

 

我小學時坐白牌車和保母車的。以前有好多人會在小息時帶食物給一些同學仔，今天想起我都覺得好奇怪。返幾個鐘頭學，洗鬼咁緊張。

 

浸記畢業後，我也在灣仔VTC讀過三個月架。那時東方188剛開了不久，經常有去行下。

 

今次返香港，覺得人和車都多了不少。

 

 

百變小櫻

我住過灣仔船街同聖佛蘭士街，即日、月、星街附近。逢星期六，好鍾意行山，由合和中心搭電梯上十七樓，可出堅尼地道，鄧鏡波中學後，行一段路轉右，經灣仔峽道上到寶雲道，向左行遠些，更可到姻緣石。

Kendama

引用:

原帖由 foureyesfatboy 於 18-1-2012 04:24 發表 維工仔.... 當時有幾間租單車, 我講個兩間是街擋沒有舖位.  16年灣仔生涯好過嗎 .  我都係住了十五年灣仔由1970 至1985....後移居加國. 不過我老豆在灣仔就好多年65年到開始.

雖有淵源，但不是維工仔 ...

京都側，中電旁斜路有條四眼肥仔成日呱呱晝、紮紮跳，係咪你？

 

十六年灣仔生涯醒來原是夢一場 ...

班同學日日係龍門同隔離間唔記得名茶樓打躉，人手報紙一份，老餅過老餅 ...

同學成日走堂去京都睇兩點半，一次跟去睇兇兆，除我地外，戲院內冇幾人；劇情同音效好恐佈，個個驚到 wee wa 鬼叫，連廁所都唔敢去 ...

通常係克街 d 啡檔買早餐，條街後期有間咖喱至尊，常去開餐，味道同早期軍營及差館有得 fight；附近有檔好好味既咖喱魷魚 ...

京都、單車舖同泳池前車仔檔放學例會幫襯 ...

鵝頸橋街市是全港最有生命力的街市，經常去流連看人生百態 ...

街市大樓上有香噴噴咖喱羊腩飯同燒鵝飯；樓下大排檔是在貨車上食你試過未？

灣仔道後期有間清湯腩，又成了飯堂；南洋酒店鷺鷺既麻醬油麥菜打遍天下無敵手 ...

再興义燒至今還是性價比排第一，斜對面以前有間小菜與火煱俱佳既小酒家 ...

Kendama

引用:

原帖由 abc 於 18-1-2012 19:25 發表 我住過灣仔船街同聖佛蘭士街，即日、月、星街附近。逢星期六，好鍾意行山，由合和中心搭電梯上十七樓，可出堅尼地道，鄧鏡波中學後，行一段路轉右，經灣仔峽道上到寶雲道，向左行遠些，更可到姻緣石。

船街有間忠誠印刷，攪學生報果陣成日都要貢上去 ...

foureyesfatboy

引用:

原帖由 NoName 於 18-1-2012 10:02 發表   我也記得有人幫她的。   現在香港的大型戲院都沒有了，很是唏噓。四年多前還有京都戲院，今次冇咗囉。以前那一帶都是推車仔小販，今天冇晒。記得小學時有一間大西洋超級市場。戲院對面有一間 ...

是有一間大西洋超級市場面對灣仔道對面有兩間士多各佔一街角. 大西洋二樓有機動遊戲玩. 則旁對面的快餐店叫迷你小食店. 現在大西洋都沒有了. 08年經過京都戲院見到兩個阿伯...一個坐在椅上午睡...你還記得從前京都戲院則旁對面有一街角士多嗎? 京都戲院都曾經好旺有好多小販...車仔麵, 魚旦, 碗仔翅, 涼粉. 京都都曾上過好多大片異形, 奪寶奇兵.....好懷念.  東方188是在1995年開幕我老友同年結婚.自2005年後我回港都沒有再往灣仔了...不過每次回去都要去一次. 上次同女友去一面行一面介紹灣仔不同的地方, 她是九龍人. 還有一店我一定要去是 "三不賣" 在克街電車路油站對面. 一定要飲一兩碗的葛菜水才安樂什麼美食都可以不吃它不可不飲. 她有好耐歷史了....不要去太原街/太和街 附近的一間不同味.

引用:

原帖由 Kendama 於 19-1-2012 01:45 發表 雖有淵源，但不是維工仔 ... 京都側，中電旁斜路有條四眼肥仔成日呱呱晝、紮紮跳，係咪你？   十六年灣仔生涯醒來原是夢一場 ... 班同學日日係龍門同隔離間唔記得名茶樓打躉，人手報紙一份，老餅過老餅 ...

中電旁斜路有條四眼肥仔...個條肥仔更係唔係我. 我入中學先帶眼鏡
龍門同隔離....你話雙喜樓 雙喜樓正好多當年是我老豆每日早晨必到之處. 去到唔洗等位自己友一定有人霸定位.
克街的洪記咖啡大排擋....每次去都要忍受一張張的痔瘡相 當時都唔明點可以一面食一面對往個D相.
香噴噴咖喱羊腩...食過. 他們還有一些用羊肉做的臘腸好正, 因為我舅父的老婆是巴勒斯坦回教徒所以成日去買.
灣仔道後期有間清湯腩，又成了飯堂；南洋酒店鷺鷺既麻醬油麥菜打遍天下無敵手 ...唔知WOR..
再興 以前是排擋後來入舖了在榮華旁. 好熟好熟....兄妹擋. 每次去都要打招呼.

foureyesfatboy

引用:

原帖由 abc 於 18-1-2012 19:25 發表 我住過灣仔船街同聖佛蘭士街，即日、月、星街附近。逢星期六，好鍾意行山，由合和中心搭電梯上十七樓，可出堅尼地道，鄧鏡波中學後，行一段路轉右，經灣仔峽道上到寶雲道，向左行遠些，更可到姻緣石。

船街同聖佛蘭士街，即日、月、星街成日去我過了世的姐以前的男友在附近有間印刷廠.
合和中心搭電梯上十七樓，可出堅尼地道，鄧鏡波中學後，行一段路轉右，經灣仔峽道上到寶雲道已經是80年代事了. 以前同老豆行山..由灣仔街市上.

百變小櫻

引用:

原帖由 foureyesfatboy 於 19-1-2012 06:38 發表 船街同聖佛蘭士街，即日、月、星街成日去我過了世的姐以前的男友在附近有間印刷廠.合和中心搭電梯上十七樓，可出堅尼地道，鄧鏡波中學後，行一段路轉右，經灣仔峽道上到寶雲道已經是80年代事了. 以前同老豆行山..由灣 ...

東美中心後面，日街附近，有一間日本食品批發店，好多日本餐廳，都係同佢入貨，正宗綠茶同芝麻雪糕，大大盒，好抵!聖佛蘭士街、光明街交界，有個大排檔，老闆賣蛋治、咖啡奶茶，供個仔去英國讀書。佢ge涷檸樂，半個檸檬加一支大樽奘可樂，消暑解渴!早幾年 Lonely Planet magazine有介紹過!老闆個樣仲上埋雜誌!

Kendama

引用:

原帖由 foureyesfatboy 於 19-1-2012 04:20 發表 是有一間大西洋超級市場面對灣仔道對面有兩間士多各佔一街角. 大西洋二樓有機動遊戲玩. 則旁對面的快餐店叫迷你小食店. 現在大西洋都沒有了. 08年經過京都戲院見到兩個阿伯...一個坐在椅上午睡...你還記得從前京都戲 ...

認得係你，個條四眼肥仔係著中學校服，雖然個校章唔係果處果幾間 ...

 

係雙喜，可能同世伯搭過枱 ...   

 

品味呢家野係唔駛明既；四兄一面對往一張張的痔瘡相、一面食，品味確係不同凡響 ...

咖喱羊腩早幾個禮拜見到仲有，就啱要坐低試試 ...

勁鍾意巴勒斯坦咖喱，有冇機會試下令舅母既手勢？

鷺鷺既麻醬油麥菜清、香、爽、甜，味道和賣相做得比上海原裝鷺鷺還要好 ...

揾次係再興攪犯罪，叫你好熟既兄妹留張靜局枱，入定箱藍妹，斬大舊义燒、燒鵝脾、加多碗咖喱腩 ...