分離書信
<<上集太太篇>>
=============
親愛的老公：
經詳細考慮，我認為都是離開你比較好。我們一起已經七年了，七年來，我自問盡力做一個好太太。
昨日，我剛收到你公司的來電，得知你已辭工的消息。老實說，我對你的將來有一點擔憂。
上周，我去剪左一個新髮型，煮左一些你鐘意的食物，著左一套新睡衣。你返到屋企，餐飯食左2分鐘你就去左睇波，睇完波就去訓覺，望都唔望我一眼。我多麼渴望你可以抱我一下，說一聲我愛你，即使是騙我也好。
無論如何，我走了，保重。
( 註：請不要找我。我已經搬左同偉文一齊住，重新建立一個美好的生活 )
你的前任太太
...
..
.
<<下集丈夫篇>>
=============
親愛的前任太太：
收到你的分手信，我無限傷心，無錯我地一齊已七年，之不過你是否好太太，我卻有疑問。我去睇波因為我唔想聽到你講野。當時我留意到你剪左頭髮，但覺得好似男人，你要知道我唔識講大話，又唔想傷你心，所以無講野。那餐晚飯確是花了很多心機，不過，可能你當左我係偉文，我已戒食牛肉十幾年。可能你太大意了，你上周著套睡衣時，唔記得除價錢牌，上面寫住$4,999，咁岩上周偉文問我借左$5,000，我希望是巧合，無論如何，我心內還是愛著你的。
所以當我知自己中左五千萬六合彩時，立刻辭工，買左2張機票，諗住同你去夏威夷度假。但返到屋企，你已經走左，或者我地係無緣既夫妻。
今日，我去律師樓問，如果離婚我要分幾多比你？點知律師睇左你封信，就話一毫子都唔駛比……哦！點都好啦，保重呀。
( 註：我唔記得我有冇同你講過，我最好的朋友偉文係變性人，十年前我係泰國識佢仲係一個女人，希望這對你唔會造成乜野問題。)
你的前任丈夫
