Macross 真係無敵，當年我响2001漫畫週刊見到介紹後，就迷戀到今日！我成日想搵機會分享下Macross 有幾劃
時代性，如果同高達比，真係嬴十條街！以前的機械人動畫無人會做，但之後就人人抄(包括gundam mkII)
註︰以下的圖片全是視版設定，是1982年的設計，但其簡約及線條美歷久常新！
(機械篇)
1. 點解要有機械人？
機械人是用來對付巨型外星人(呢樣野冇乜機械人動畫會交待，雖然仍是較牽強，但好過冇)
2. 點解要變型？
因為有不同用途，動畫亦交待最好實係gerwalk，變型亦好靈活 (而且唔係每變一次，重要係所有對手等完你變先
再打過) 而要塞艦是為了要發炮，都算有個交待…
3. 差唔多係第一個機械人唔用劍 (細個已經認為整咁大個機械人衝埋去斬人其實好白痴，又唔見d戰機整支野去
「隊」人地？)
4. 第一個主角機械人可以合理量產化 (冇可能用咁多錢研究一個機械人，但又唔可以個個一樣，所以用唔同既頭
同塗裝以代表唔同級數，十分聰明!!)
5. 接近現實軍事設定如︰第一次機體會刻上記號、以當時f14 tomcat為設計籃本、加入現有的軍事裝備(普羅米
修斯號號)
6. 可加設配備如super、full armour、大氣層裝備等，配合不同需要。
7. 以導彈為主的攻擊，不但另人當時眼前一亮，而且合理。
8. 革命性的腳部設計有兩點︰
- 後屈式膝部︰vf 的 gerwalk型態時、monster及組拿達軍機械也可見到。所有鳥類及四足類的後蹄也是如此，能使身驅置放前方而有高機動性。
- 第一次出現非「扁平足」︰所有機體腳板分為前、後蹄，想一想如果像渣古般的平底腳，踏到凹凸不平的地面會如何？
10. 極有相同風格的敵軍︰以生物形式的表現的機體，亦不會將敵方過度「歹角化」。
11. 其他較細微的地方如簡約的機械頭部設計(相對整體)，見其他80年代的機體設計多為人臉(有眼鼻口)。
[
本帖最後由 gip 於 19-5-2007 10:53 編輯 ]
