上面講到似層層咁、不過如果細心的聽、會發現其中有的漏洞：
其一）人客走數、技師要填數！
去過深圳的都知、不論修甲好、按摩好…總之服待你個技師是要負責你張單的、如果閣下無埋到單走咗、個技師是要幫你俾錢的、所以佢地都會好緊張你、如果你做做下要去廁所、佢地甚至會陪埋你去、異性的會在門口等你、同性的入埋去都唔奇、總之你未找數之前、都唔好俾你離開視線範圍、所以你話去咗廁所成個鐘無出來、的人都若無其事、是無乜可能、因為就算張單只是幾十蚊、的人都緊張架、事關佢地都是打工、點都唔想白做之餘、重要幫你找數。
其二）點解無血？
一個正常的成年人、不論男女、每人身上大約有五至六公升的血液、而如果好似果個人咁講、“湯”咁大個傷口的話、攞晒你的心肝的話、你是會大量出血、的血重會噴到周圍都是、包括“湯”你的人身上、因為人是有血壓的、咁試問一個滿身鮮血的人、在廁所走出來、竟然無引起注意？其次、如果真是發生咗、咁實際情況將會是：入到去你第一眼唔係見到你朋友訓係度、而是先見到周圍好多血、一般人都會好驚咁大叫、或者走番出來、再者、你好可能會跌倒、因為地下好滑（好多血）、而你亦會聞到好重的腥味（血腥）、到時你先至會見到有人“倒臥血泊當中”、而就算你真是走到埋去、除非你受過專業訓練、否則是無可能睇到個傷口型態、因為“血肉模糊”！到咗呢個階段、你自己都會滿身鮮血、咁當周圍無人理你、你返香港過關果陣時…
單是文字我都寫到咁得人驚、身歷其境的人點解會漏講的咁重要的事？
或者你可以話、如果佢已經俾人抽乾晒的血呢？首先、如果好似平常驗血咁、用針筒抽你幾cc血當然簡單、但如果你捐過血、你都會知道、係你身度抽幾百cc血、都要搞一輪至得、咁要抽晒你身上果幾公升血、更加要搞一大輪！其次抽出來的血去咗邊？攞埋走？你試下拎著幾支一公升可樂走下、你就明我講乜！倒咗落廁所？好似乾手淨腳、不過咪又是搞到周圍都是血！而且就算無血、咁唔代表無腥味、唔信你去街市買條魚試下！
再再其次、血漬是好難清洗的、大陸的廁所好污穢大家都見過、但血漬斑斑的廁所、大家又見到未？尤其果的廁所清潔水平是咁低的話！
