減肥是對身體有害
版主
四眼同肥都是唔健康...
原帖由 Athena 於 11-7-2008 12:55 發表 有無聽過波斯富街的"吉慶"呀？舊址而家變左投注站咯。識得呢間就夠哂老餅嘞！
有去過....在波斯富街街角.
當年黃霑用過它的名來講不文笑話.
有無餅兄去過灣仔的歡樂, 大好運, 雙喜 它們都是我細個時時去的.
還有上環的清華閣及平香(晚上有人唱曲), 我祖母以前住得好近所以探她時常常去的. 現在人去樓空了.
查看詳細資料
TOP
原帖由 Athena 於 11-7-2008 23:04 發表 真係？不文霑真有一手....雙喜樓？我梗知道啦，灣仔街坊喎....但係唔記得有無去過。好細個時有間英京酒樓的，在現時大有商場的位置，阿爺曾經同我去過，重講過在那兒招待過英國王夫菲臘親王食飯，重話佢中意食咕 ...
不文霑個笑話好似有在不文集中記錄? 不方便在此公開
雙喜樓好正d茶博士個個穿白衫同有毛巾在手. 同d陳皮鴨腿湯飯好正....不過d痰冠有d唔開胃.
英京酒樓在我家鈄對面我住灣仔道...高級酒樓只是請客先去(是比人請). 它的蝦絞好正. 正宗蝦絞皇唔係大隻係好味
原帖由 Athena 於 12-7-2008 10:51 發表 WOW, 咁我同你都係街坊咯，我都係住灣仔道.... 英京連住一間叫東方戲院的，你有無係度睇過戲？
住灣仔道....真係街坊. 我在灣仔住由70至85...離港為止
東方同國泰(改了做港片之後)成日去睇午夜場. 我住國泰附近.
唔知有無去過國風酒樓? 即係後來改了海運商場. 好討厭國風酒樓個招牌成晚開住刺眼到無得"訓"
原帖由 Athena 於 13-7-2008 14:59 發表 國泰都改左做商場咯！海運商場就改左做專賣game soft及4仔的灣仔188商場。
我知他們都改了.....十年人仕幾番新....
比兩張舊街坊相懷念吓舊灣仔...當年是從我家的旁窗拍的. 是英京同東方..
原帖由 Athena 於 17-7-2008 13:49 發表 THX你的相片呀！而家連後面的一品香都執埋咯。你當年住龍記個座樓呀呢？
龍記是在中健大廈, 我廿年前住對面d唐樓. 中健大廈正門在灣仔道, d店舖我都識(不過是廿年前了), 龍記d西冷牛排好正, 仲有佢地個常餐的 cold cut 頭盤好好味. 個老闆個名叩谷大昭...唔知同谷德昭有無關係?
一品香我成日都叫菜肉云吞同鴨舌....記唔記得對面有間路邊雞飯店 d"頓"品好出名. 有水魚, 豬腦....
