無飯師奶
超級版主
銀十字軍總司令
上星期無LALA手多去咗YAHOO JAPAN ，居然睇到三個1/6飛鷹俠公仔有不同的人同時放BID，它們是ATHENA恨咗十多年的心頭好，只不過當年一個都炒到成千銀港紙，只好得個睇字。而家計落條數有機會一千元不到就可以BID哂三個(KEN 全新, JOE中古, JUN 8成新)咬下牙就落標。
最初以為古董野無乜人會同我爭，誰知臨尾二小時才殺出一個程咬金，同我係咁競價搶"情夫"(阿KEN)，咬到實一實，搞到我一路返工一路用手機吼住出價..... 結果呢個BID貴咗成千日元。
後來同一個人又同我爭JUN，呢次我學精咗，唔鬼理佢，直到最後半小時等佢坐定粒六我至用手機落標，大佢一百日元咁多，就咁以底價加少少就得咗！
JOE可能係因為有件衫有少少破損，無人同我爭，底價成交。
可惜同一系列無JINPEI和RYU，否則集齊一套1/6科學忍者隊都幾好玩。可以俾佢地用BARBE的家具和店舖呢。
突然有返興趣買吓公仔衫添.....
暫時未收到貨，借人張圖貼吓先！
查看詳細資料
TOP
多謝大家支持，第日搬到新屋，相信我會找個玻璃櫃「供奉」佢地。
呢三個寶貝我老公都重未知，如果佢知道我花咗成千銀上網bid公仔，可能佢會激暈。
我比較擔心個G2，因為佢條褲後面大腿位有個小破洞，同埋斗蓬有d溶過的漬，都重未知可以點補。
終於三個figer同一批擦膠公仔都送來了。
ken同jun真係好靚,靚到想kiss佢一啖 阿joe的情況就慘d, 緊身衣的心口和大腿破了兩個洞, 披風有d 粘手感覺, 可能係上一手主人唔愛惜, 俾佢曬得太陽太多或者太熱所致。(有無人識做公仔衫呢？可以有人幫佢做過件新衫嗎？針指女紅係我的死穴... )
因為屋企太細無定"供奉"，我唔捨得拆盒,只好由得佢地三位在床頭做住我地兩公婆的電燈胆.有如福祿壽三星
雖然老公哦咗我兩句, 但係我同佢講呢三個係恨左十多年的心頭好, 他也沒有再多問了。
擦膠公仔除左飛鷹俠5人組, 重有一些機械人同幪超等, 我打算留下飛鷹俠的, 將其他轉送俾下次出席飯局的餅友,
咁請問知否訂返一套公仔衫要多少錢左右？
原帖由 Kal-El 於 18-4-2010 18:20 發表 其實你老公知道左呢3隻公仔幾錢未?
正如你話齋, 報細數呢招真係幾好用...
但係佢而家話佢頂唔順屋企多左兩個"男人"係度眼睇睇，要我收埋佢地三個。屋仔一間無間隔,收得去邊先？遲吓睇怕都要同我外家批寶貝一同收入迷你倉咯。
我同CELIA係兩個人來架！
WA KA KA KA KA.....
(爆笑中)
我老公係不嬲都呷飛鷹俠阿ken的醋啦。但係佢都無唔俾我同台灣日本的fans交流兼大談fan fic(有d幾露骨架.... )
我老公除左中村雅俊有d興趣之外，其他老餅動漫佢都唔多啱傾。
相片出來了,雖然我影得唔係咁好.
唔知點解G1件衫都係甩甩地色咁,好想找人做過一套俾佢.
原帖由 虎榮 於 24-4-2010 16:26 發表 點解我覺得阿建好似怒睥阿祖，叫佢唔好行埋阿珍到咁款 而阿祖個表情就好似話"好巴閉咩！無眼睇你兩個" 咁ｏ既！ 呢度二男一女，重要咁排陣，真系一個"嬲"字ｗｏｒ！
哈哈哈, 呢個唔係正正是片中的精髓所在咩吓？KEN同JOE不嬲都係暗鬥的爭女狀態架啦。
俾多張絕密冤氣相你地睇::
