引用:
原帖由 foureyesfatboy 於 11-7-2009 07:41 發表 
香港有文化...不過是五光十色的錢文化....
作為灣仔地標的龍門，雖然我一次都無入去飲過茶，(因為太阿伯feell啦)不過真係好唔捨得佢拆。因為出去外國一返到來，一見到佢就知道返到屋企。
咪睇間野up dup，成日見有鬼佬遊客入去幫襯架，拆左佢做商場，又少一個吸引遊客的地道特色。唔係個個遊客都係有錢佬要嘆架嘛，人地來香港就係要體會地道的平民生活，住吓唐樓式民宿，試下一盅兩件，行吓喜帖街，呢d至係香港特色。連喜帖街都要變主題公園，搵人著清裝扮結婚，白痴.....日本京都吓吓都有過百年的老食店同瓷器街，香港就只係得麥當當同連鎖商場。
下下都當遊客的水平係廿年前嗰d來找蘇絲黃的水兵同好日都唔出門的大肥貓咁，要買名牌要睇紮腳清裝女人要坐人力車要係6星級酒店食咕咾肉，咪發儍啦！(athena有次同老公去街市冷氣大牌檔食飯，有鬼婆遊客叫我地教佢食中國菜，拿筷子，重試食炒田雞脾同蒸魚呀！)再係咁拆拆拆，就來真係搵鬼來旅遊咯。
