無飯師奶
超級版主
銀十字軍總司令
如題。
我日日收到三五個，真人推銷，全部都係銀行理財投資、房貸車貸、唔知咩親子會籍、購物會籍、自助餐會籍，消閒美容SPA、請菲傭同補習，保險、信用卡、長途電話....
老公無鬼用，令我做唔到闊太，而家重要出來挨牛工幫補家計，佢地賣的全部都係高貴野，我無大屋無車又無仔女想幫襯都無資格，難為班SALES日日要打來N次供死會，佢煩時我重煩。但係佢地個個都UP得出我個名，好明顯係手機公司SALE我的資料俾佢地。佢地死口話係隨機抽喎，明知都無佢計。重要開口尊貴的女士，埋口多謝閣下一向的惠顧，睇下自己身上著的左丹奴，食的麥當勞，
尊貴喎，毛管都洞埋！ 重要係人地7點趕DEADLINE時打來，我簡直想打人咁滯！
試過唔聽無顯示電話，結果每十分鐘打一次來，關機都留言，講到你信箱爆為止。講明無錢幫襯，結果一個月又係再打來SALE同一樣嘢。
查看詳細資料
TOP
原帖由 Kal-El 於 5-5-2009 19:54 發表 咁又係幾煩人, 電話應該係比個人通訊用, 唔係接收埋呢d圾垃資訊.....接呢d圾垃野比自己正常使用量仲大, 係不能接受的, 再係咁, 真係想唔講粗口都唔得所以我個香港電話號碼已經取消左, 只係淨番一個澳門同一個大陸號碼 ...
原帖由 kkeeleung 於 6-5-2009 18:14 發表 收線就理所當然. 但係講到耍 CALL POLICE 就好似過火咗啲, 除非真係太滋擾啦 ... 好樣氣歌 d 就 CUT 線算吧!
收左佢線，幾日後又由另一人打來，最慘係佢地認為係白領放左工或食下午茶的時間，其實係我公司開會或者趕緊死線的時間。但係呢D電話總係一個個輪住入。我係窮鬼一名，屋都無間，家無恆產，唔明白點解咁多銀行同財務硬係要打俾我SALE理財投資。
有間銀行重絕，個位姐姐聽到我話"我打工架咋，無咁多閒錢投資架，請你另找老細啦。"，佢居然話"唔駛好多錢架咋，少少地十零萬都可以開個戶口玩下架啦。"我火滾大罵"打開個麻雀箱就可以數十零萬俾你！將d開飯錢換埋陰司紙就可有幾百萬億添！"佢立即收線。(當時我重欠間銀行幾萬卡數還到叫救命)嬲得我呀......我想佢終於明白咩叫發窮惡。
原帖由 japkortai 於 12-5-2009 12:59 發表 試過銀行打電話來SELL 分期付款 / 低息借款﹕ 我的回答是 "我大把錢使，唔使借，唔該"，跟住即刻收線。 ********************** 另一個案，係酒店打電話嚟SELL 餐飲券： ...
我都試過類似情況：
sales：(一輪機關槍)小姐，我地誠意推介一個buffet club優惠俾你，可以同成班朋友係n間酒店特價食buffet架，重可以同你既至愛享受浪漫的住房優惠添，相信你實有興趣....
我：(一把柔聲)阿彌陀佛，罪過罪過，施主，我係出家人嚟.....
sales：吓！(啞咗....)
我忍住笑立即收線。
但而家的新一代電話推銷，全都係up得出你個全名(雖然係譯英文重成日講錯)，有d重話係xx銀行信用卡的合作伙伴喎，呢絛橋行唔通了。
我好把火點解銀行可以將我地的私人電話賣俾人做推銷。
原帖由 japkortai 於 12-5-2009 14:04 發表 Athena, 你個回答更盞鬼。
最衰而家行唔通呢。尼姑又何來信用卡？
原帖由 japkortai 於 12-5-2009 14:10 發表 唔，你可以話，"我啱啱入紙申請破產...." 或者，"呢個係電話錄音，請o係 "du" 一聲之後留低你o既口信，但我係唔會覆你o既....." 或者，"你揾我 阿爸、阿媽.....(一串 ...
哈，呢條橋又唔錯喎。
岩岩昨日又來多一個，新手法騙你聽，簡直防不勝防:
(忙於洗碗中...)
sales； 請問係咪xxx小姐
我：係, 邊位？
sales：我係zz銀行信用卡打來的，想提你又夠時間還今期卡數。
我：哦，唔該你，我呢幾日忙d，會盡快去交。
sales：其實你會唔會成日為卡數煩惱的呢？
我；(開始懷疑)到底你係咪信用卡公司的?
sales：(開始機關槍)其實我係代表zz銀行信用卡的私人貸款部，我地可以幫你解決困擾你的卡數煩惱......(下刪300字)
我：(把火)我欠數好少，唔駛借嘞。
sales：唔緊要喎，你點可以唔買swank靚衫，唔請fan食飯，唔去歐洲享受人生喎，係咁意都一定要借返少少啦....
我：(一句句講出來)我.話,左.唔.駛！
sales:俾下面都好喎，我同你講左咁耐，係咁意借返一兩萬，返工買隻鑽石戒指都要呀嘛！小姐小姐....
我：(吹脹！！！費事同佢講，無禮都係咁話，收線！)
原帖由 拾實什習窄炸集 於 3-6-2009 06:38 發表 How about using caller id to find out who call and then complain it to Government ?
原帖由 kkeeleung 於 2-7-2009 18:43 發表 但係有時身處地方不方便爆粗, 加埋班哥哥姐姐有老媽老爸全程 SUPPORT , 每天一起返工. 爆粗之餘, 他們完全受落... 都係無謂, 保持斯文好啲! 反而有空就同佢兜幾個圈再收線. 反正 SAY NO N ,次 都會有下一個打 ...
收線唔答任何話相信係比較上最理想的方法了。
同感, 但係反過來到自己行到呢一步，打份咁既工，日日返工俾人問候祖先.....
又於心何忍？玩返轉頭可以，但爆粗就似乎過份左d。
