我就記得:
1.大廈頂開花，底部D根纏住人吸血嘅怪花，為咗救被怪根纏住的工人，兩位男主角一個手持破玻璃樽，一個揸住滅火筒係咁噴，先至割得斷條怪根救到人。
2.仔仔獸(一共兩隻，喺東京市大鬧(過程唔記得)，淨記得最後一隻攪住鐵塔，另一隻就伏喺大厦度齊齊瓜咗。
3.開場時係燈塔度殺人嘅巨型蜘蛛，燈塔控制員被嚇到滾落樓梯，鏡頭跟住影住隻蜘蛛慢慢爬落嚟，我細細個差點俾佢嚇死！所以後面唔敢睇，哈哈！
4.扮成人樣但全集都粒聲都唔出，手揸神祕儀器嘅外星人(我覺得佢個樣有D似新馬祥哥，哈哈！
)，佢仲識搭的士，個司機猛同佢講嘢，佢一D反應都冇，淨係睇住果件儀器！最後佢俾地球人發現咗身份，追佢追到海邊，佢被地球警察開鎗打到趺低，再爬起身時回復本來面目！仲呼喚同伴揾飛碟載佢走，點知同伴認為佢任務失敗，開火殺咗佢！
5.巨型昆蟲，淨係曱甴喺食物倉庫偷嘢食，結果俾警察開鎗打死。另外有隻大毒蚊吸人血，又係俾鎗打死。
以上係我30幾年前嘅零碎印象，當中極可能有錯，還望各位版友指正！
