小薯 / 榛子包
版主
原先帖題: 點食麥皮?
9/5 16:42 更新帖題: 見証點食麥皮?減肚腩
龍眼水加麥皮 < 今年才開始咁食~ 幾ok
以前淨係加煉奶
查看詳細資料
TOP
原帖由 叮噹 於 7-5-2010 23:01 發表 1. 竹蔗矛根馬蹄水加麥皮 2. 豆漿加麥皮
都係加d甜味既野落去
麥皮真係對身體有益, 但真係幾"難保持日日食"... 睇吓有咩好介紹加入麥皮一齊食
原帖由 999 於 7-5-2010 23:44 發表 好立克+即食麥片
好立克...飲多會肥架播~
原帖由 999 於 7-5-2010 23:48 發表 但係聽講要煮嘅燕麥比即沖即食嘅(大)麥皮有益,
食緊"有機即溶燕麥片"....都唔係好識, 只知麥片有益
放假試吓煮個燕麥先
原帖由 moneyismymoney 於 7-5-2010 23:48 發表 我都鐘意食麥皮,但係乜嘢龍眼水 ? 即係點整呀 ? 唔該.
真係非常簡單, 懶人之選 ..... 用黎煲湯既龍眼干, 沖一沖水就放入滾水煲至D龍眼干'林'就將D水倒入D燕麥片攪至混成一體就食得...龍眼肉已無味.
清清哋幾好食...
如果試, 用燕麥片穩陣D, 事關食開係用燕麥片
唔知加麥片會如何?
原帖由 moneyismymoney 於 8-5-2010 00:05 發表 哦 ! 釘橋,明白了.
你鍾意食麥皮架喎, 有咩加之可以推介一吓呢?
原帖由 Athena 於 8-5-2010 10:24 發表 我係用滾水沖即食麥片，加少少鹽同埋銀魚干或者即食櫻花蝦干，都幾好食架。(口味比較似貓, 喵~~) 但日日咁食都幾齋, 有咩好建議換吓口味呢可？食咗一個月, 肚腩唔見咗。正繼續努力中。
呢兩句正 ... 食麥皮有益仲可以修身
原帖由 ar_woo 於 8-5-2010 01:20 發表 我一星期吃一袋(800 gram)麥皮，但無輕過 吃法：(1) 加熱豆漿(2) 加熱水(3) 加熱水及綠豆粉/ 芝麻粉/ etc.
嘩~ 想問問: 你係鍾意食麥皮既? 係咪呢?
我就約兩星期食一袋500g.
原帖由 虎榮 於 9-5-2010 15:49 發表 我多數加奶或無糖豆漿, 高鈣低脂奶個別牌子糖份徧高, 要小心選擇! 我食左一個星期, 每日一大碗, 個肚腩真系細左少少!
有d想改帖題 : 見証點食麥皮減肚腩
暫時有既見証係: 四眼肥哥哥, Athena, 虎榮...... 第四位會唔會係我呢? 有成績再同大家分享啦(一星期後約定在此報告成績)
ar_woo可能係第四個喎~ 依佢哋既食法無走雞
原帖由 虎榮 於 9-5-2010 16:27 發表 真系幾有效! 早幾個月暴飲暴食, 肥左十磅, 個肚腩好似人家懷胎十月咁! 後尾開始食麥皮, 個肚腩真系開始縮少, 多左個十磅肥膏都差不多吸走埋! 我諗系d水溶纖維吸走左腸及肚腩入面d肥油, 但系真系要每日食一大碗先得, 我以前試過每日食半杯, 結果一d效果都無!
一星期食足7日先~ 再同大家分享有幾難~不過為了靚靚頂硬上
原帖由 Athena 於 9-5-2010 16:48 發表 我食左只係一個月，褲頭鬆咗成個碼，最肥時著的褲,可以唔駛解鈕就除到！而家的褲都開始鬆動。不過我的食法是早上齋食一大碗麥片加少少鹽同魚干，肚餓加麥包，午晚飯只食小碗飯, 手掌咁大塊肉同一大碗菜，或 ... 有時我頂唔順, 都會去偷食三文魚刺身架。
除了食麥片外, Athena姐既定力在三餐見証到屬超強~ 偷食三文魚 ? 都無影響喎, 都瘦咗喎,係咪
我都要努力加油......要改寫: 要努力加麥片
原帖由 Athena 於 9-5-2010 16:54 發表 俾心機呀小樽, 真係減到架，我昨天都買了條靚裙獎勵自已呢。
承您貴言 加麥皮! 加麥皮!
原帖由 Kendama 於 11-5-2010 01:01 發表 奇哥 ... 你咁 fit，邊駛減呀 ... ？
奇哥 想再fit d囉
原帖由 foureyesfatboy 於 11-5-2010 01:13 發表 自己知自己事....我有是二高人仕要用藥控制都有多年了 我未見過奇哥.... 不過我相信她是為了健康
為了健康, 為了靚靚, 兩者都有 , 食得清淡d, 健康d就自然會靚多d (講開又講: 仲要早瞓d )
四哥既用藥, 有無其他選擇? 例如代替既食療~ 樽頭痛都唔肯食西藥, 飲寶礦力+水......
原帖由 inabottle 於 9-5-2010 16:46 發表 ....... 有成績再同大家分享啦(一星期後約定在此報告成績) ......
未見成績 ...... 未遵照各大大既食法囉
再繼續努力~
原帖由 Athena 於 13-5-2010 17:25 發表 如果有時間做運動(連埋沖涼返工等) 一早都做咗啦.... 而家工作時間好長架.....
點忙都要抽dddddddd時間動動呀!
做一些yoga動作, 局部運動幾有效架~ 由抽dd時間開始, 臨睡前做5分鐘起, 之後做熟了好想加時間都未定
原帖由 foureyesfatboy 於 14-5-2010 01:18 發表 多謝提點.... 無錯...運動是好好的減肥方法. 不過人體質會隨著年齡改變而有所變化. 所以要用飲食同運動來作控制. 單方面是不一定有效. 如果你運動半小時後不控制飲食大量進食高熱量高脂肪.....食物乜運動 ...
點會話你兩樣都唔得喎! 聽得出四哥好鬼錫身~ 好懂得照顧自己 ... 小樽有無講錯?
原帖由 foureyesfatboy 於 17-5-2010 14:51 發表 我常常對我家人說....死得唔緊要...最慘是半天吊... 自己知衰後生時暴飲暴食... E + 身體要用藥物來控制血糖....為一感恩是發現得早...可以食藥控制....如果不是.... 好感恩. E + 有藥幫助下身體尚算OK. 如果可以在運動方面加點火...相信會更好. 還有當發現自己有問題時不是世界末日要正面面對.
有咩問題都係要正面面對...沒有第二個更好既選擇~
小樽對用藥來控制病情沒有意見, 食藥之餘, 吸收其他天然食材都好要緊, 四哥你點睇都係精靈過小樽 ~ (小樽暫時都仲未好好遵循天天食麥片既好習慣黎減肚腩)
