光之巨人
超級版主
M78星雲光之國彩虹光隊隊長
各位餅友有無諗過買番盒懷舊o下~?!
至於我.....我諗我會買!
$ 218 一 Set~
查看詳細資料
TOP
原帖由 啜啜仔〃 於 27-8-2009 22:29 發表 我.............諗都會 buy 番盒 ge
係就快手~...聽聞係限量版!
原帖由 Delight986 於 30-8-2009 09:18 發表 又限量版..?限定..??? 咁你係唔係好似玩具~咁.. 唔拆,唔玩,唔食.. 繼續Keep盒月餅唔食..?
其實我都諗緊o尼個問題....如果月餅包裝係復刻都幾頭痛o下....
拆o左又保存o吾到，o吾拆又發霉!
原帖由 Delight986 於 30-8-2009 11:28 發表 好似有D人玩玩具咁.. 儲兩盒.. 咁你可以買兩Set嘛.. 一Set月餅食左"佢~! 另外一Set月餅儲起記念~! 認真和味~!
鬼o吾知o羊~...都話驚發霉 lor !
原帖由 kkeeleung 於 30-8-2009 12:07 發表 一盒月餅分四年食咪得囉. 今年自己食鮮. 出年清 friend 食, 如果佢話肚痛. 就 say sorry ! 俾錯隔年月餅佢食. 到第三年. 揾番同一個 friend 話. 再請佢食, 仲拍心口保証不是去年的...
o華~kk君..o甘都得??!你 d friend 真係多得你o吾小!
今年你o吾使請月餅我食o拉~...多謝o西!
原帖由 kkeeleung 於 30-8-2009 12:34 發表 你放心, 超人兄, 我要到出年先有月餅請過你食, 四年次𠴱個, 上次剛好有人食咗啦 !! ( 之前類似橋段, 來自老夫子. )
不用了~...留回你自己享用吧!
記不起老夫子這橋段了...最記得無題&耐人尋味。
原帖由 超能電子男 於 1-9-2009 01:58 發表 奇華這個復刻版月餅盒我小時都見過，不過就未食過，反而奇馨餅家月餅就食過，味道非常好，個盒同奇華一樣咁靚，所以我會幫親奇馨
奇馨餅家今年又出紙盒懷舊裝??!
邊度有店?!
原帖由 kkeeleung 於 2-9-2009 00:56 發表 以前我都食奇馨. 我老爸係奇馨老板嘅老同學. 所以年少時年年食奇馨, 當時仲未有美心.
奇馨都係我細個食月餅品牌之一!
原帖由 whoiambatman 於 2-9-2009 21:08 發表 成二佰蚊,都幾貴.
係o甘 gala~...一年比佢呃一次!
原帖由 moneyismymoney 於 3-9-2009 00:52 發表 我今日經過該店,就入去睇真 d ,我覺得佢印刷得太精美,未能給回我那種感覺,我放棄了,我吾買.
印刷得太精美又o吾o岩~?!
原帖由 Diamond 於 4-9-2009 12:03 發表 講起月餅又令我諗起小時候,父親每個月都要去元朗一次,供月餅會甘樣,當然造就全家人去元朗半日遊果時每年都要訂10盒(唔明點解訂甘多?) 果陣一盒月餅唔平,所以好多人都供, 唔知,依家仲有無人供月餅會
我細個時屋企都有供月餅會....同 d o牙姨一齊夾...
而家仲有人供月餅會的。
原帖由 Delight986 於 4-9-2009 13:27 發表 今時今日Banking存款低過某數目,會收你手續費~!咁有D老人家冇咁富裕或者單身..唯有擺落月餅鐵罐裝~!好過另外買Coffer~丫嘛!D老人家最環保~!都好過畀Banking收手續費~嘛!收手續費D老人家食乜?儲起多D月餅鐵罐可以混淆 ...
o尼個月餅鐵盒好 ' 正 ' ~ !是Delight兄的收藏??
原帖由 Delight986 於 5-9-2009 09:42 發表 唔係~!只是Copy轉貼.. 我未到亞伯年紀收藏月餅鐵罐? 不過月餅鐵罐至多邊養化... 如果收藏月餅紙盒? 成個盒收藏又麻煩.. 剪裁又不似樣喎..?
無辦法~...要收藏懷舊就係要o甘 gala~!
hee..hee..買o左~!
原帖由 kkeeleung 於 5-9-2009 14:17 發表 果然係高清版. 做嫦娥好似唔同咗. 個餅食咗味?
末~....諗住過多幾年請你食!
原帖由 celia 於 6-9-2009 01:15 發表 個抽手咁似爆竹 其實我都覺得D月餅幾貴.....雖然一年一次....得果四件.....又唔係食到令人返尋味果隻
以前細個我同老媽去買月餅係用o尼種抽手o架!
如果o吾係o尼個復刻版....我先真係o吾會買!
原帖由 999 於 6-9-2009 01:54 發表 D种手抽好有feel! 細個過節跟阿媽去街市買雞, 劏好放入個紙手抽袋度,就附送D款手抽!
係o牙~...重有個紙袋都係o甘有feel!
9兄有無打算中秋回港同我o地一班老餅食 ' 老餅 '~?!
原帖由 999 於 8-9-2009 00:16 發表 餅食餅?好殘忍啫!所以唔会揀到中秋先返........
殘忍得過你o吾返o黎同我o地餅聚~?
原帖由 Diamond 於 8-9-2009 11:42 發表 多謝你的貼圖! 心旭旭想去買添
客氣~客氣! $218 其實都買得過...有盒/袋儲之餘又有餅食!
買二盒重有四樣禮品送~...其中一件係復刻版o既迷你型!有大盒又有細盒...正!
原帖由 kkeeleung 於 10-9-2009 01:43 發表 我都買咗啦, 因為之前有人送咗啲禮券及復刻迷你版俾我, 慳$50.00, 俾$168咋!
好底 wor~...旬o牙kk君! 恭喜~恭喜~
