阿水係出咗名溝女無數。 係我哋所有男人嘅眼中釘。
佢嗰雙令人心醉嘅眼睛，無論幾冷傲嘅女性，都會俾佢溫柔嘅眼神所融化。
佢係眾所公認嘅街坊情聖，行運茶餐廳嘅靈魂，係人都知蛋撻王子。
阿水：阿媚，你做咩啫你而家？
阿媚（咬住口煙仔）：你扯啦。
阿水：我做錯咗咩嘢先？
阿媚：你冇錯，你對我好好添。不過，我而家唔鐘意你呀。大家都唔啱Feel嘅。
阿水：咩唔啱Feel啫？ 我可以改嚟就你Ga嘛。
阿媚：就你老母呀！一個AM，一個FM，大家都唔啱青爐嘅。
阿水：我可以轉青爐架啫。
阿媚（拍台）：轉你老母呀！ ……我哋緣已盡La！（走出茶餐廳）
阿水：媚！
佢純粹係享受溝女嘅過程，捕捉嗰種幻得幻失嘅感覺。溝唔溝到女對佢已經唔重要。
溝女溝成咁，真係壇數高。
水哥，好嘢呀。
我D咁嘅浪子，點會有初戀Ga呢？
如果我冇計錯，佢應該係水瓶座，水瓶座嘅特性：外冷內熱。（拿起一樽水瓶）就好似呢個水瓶咁嘅樣，樽頸位好似好窄，但係如果你有本事窒到入去，裡便其實係原始大森林。 打關斗都重得。 我講畀你聽呀，對付呢種女，一嚟就要用一對居高臨下嘅眼神，一條強而有力嘅臂彎，將佢由慾海裡便拯救出嚟。
而我就始終都係一個溝唔到女嘅可……憐……蟲！
