小餅迷
星仔走天涯係醒目仔時間第一套卡通，當年D宣傳攻勢好勁架！我都被宣傳攻勢打敗，走去報名做醒目仔，成為第一代醒目仔會員，當年仲去埋佢第一個收o靚大會添
查看詳細資料
TOP
原帖由 LouisLee 於 21-6-2011 12:39 發表 80 年代初明珠台播過一套黑白立體電影, 齋用眼鏡唔得, 要熄燈睇效果至稍為好少少, 我估星仔走天涯立體效果唔得都係因為我地冇熄燈。
明珠台播果套好似係《水怪》，我都有睇
星仔被佢義父賣俾賣藝伯伯時，覺得星仔好慘，怕佢會被人虐待，後來伯伯除咗嚴厲D，對星仔都好好，先至放心番。
記得有次星仔對鞋爛咗，伯伯搵錢買過對俾星仔，故事交待得好溫情，覺得伯伯好似星仔親爺爺咁，好感動！
仲記得果三仔狗仔，叫做隊長、巴閉、阿細，有一次喺冰天雪地，佢地喺一間屋仔過夜，巴閉同阿細被野狼用兔仔血引咗出屋外，慘死喺狼群手上，差不多同時期隻馬騮又死埋，之後伯伯都領飯盒，得番星仔同隊長流浪，我睇到喊咗出嚟。
