引用:
原帖由 ULTRA2020 於 21-2-2011 18:41 發表 
請問有冇圖解 ~ ?
引用:
原帖由 alexk 於 16-7-2011 01:04 發表 冇微距鏡都可以影微距咁神奇？東兄可否指教一番？
引用:
原帖由 盜日者 於 16-7-2011 15:19 發表 請教東兄,用出面賣的微距環係唔係同一樣野?
一時無留意, 原來咁多人有興趣影微距。
我嘗試一次過答晒你地哪。
其實, 有好多方法在SLR or DSLR機上, 可以唔買貴貴的MACRO鏡都可以試玩影微距的。
1) 雜嘜微距環 (加在鏡頭與相機之間)
最平方法是在鴨寮街買個啱你相機接環的雜嘜微距環, 通常有一set三個, 由薄到高身。
好處: 平! 基本上乜鏡都可加落去用。而且可以幾個接合加長用, 可以影到好近
壞處: 失光嚴重, 越加長越失光, 所以多數要落腳架和打燈才能拍。而且只可手動對焦。
2) Kenko AF Extension Tube (加在鏡頭與相機之間)
分別只是有自動對焦
好處: 有自動對焦及自動光圈測光, 其他一樣 (除了價錢)
壞處: 貴! 不是所有牌子單反機的Mount都有出。 其他壞處同上
3) Pentax Helicoid Extension Tube K (加在鏡頭與相機之間)
好處: 可伸長縮短一個搞掂,
壞處: 貴! Pentax出只可放於Pentax K mount DSLR & SLR 上用。 其他壞處與 1) 相同
4) Macro Bellow (加在鏡頭與相機之間)
好處: 不太貴。 可伸長縮短一個搞掂, 而且比之前的伸更長, 放大率超勁!
壞處: 因比較長失光超勁! 所以一定要落腳架和打足夠燈才能拍。也只可手動對焦。
5) 倒接環 (加在鏡頭與相機之間, 但把鏡頭倒裝,通常會用幾佰蚊的手動舊標準鏡來玩。)
好處: 不太貴。 放大率超勁, 無失光!
壞處: 影深好淺, 所以多數要落腳架和打足夠燈光才能拍。也只可手動對焦。
6) Close-up Filters 近攝濾鏡 (加於鏡頭前) 有不同放大率!
好處: 輕身, 失光較少, 只要啱鏡頭口徑, 什麼牌子都可用
壞處: 質素不一, 質素靚的好貴, 放大率無近接環咁勁。也被鏡頭口徑限制。只能放於啱口徑鏡頭上用。
