百變小櫻

引用:

原帖由 超人兄弟 於 16-9-2011 01:50 發表 長沙灣公園滾軸溜冰場我就經常玩滑板 La~...重有唔多去買o野食o既士多 ! 新年花市重好熱鬧 tim~!

新年天寒地涷行花市，記得d人，手捧一樽熱維他奶 or 麥精，邊行邊飲，暖哂，但有段時間要起MTR，封哂公園 & 部份球場，沙塵滾滾，通街通巷都係  「香港地下鐵、為你而建設」廣告，冇左大型公園玩，好失落

百變小櫻

引用:

原帖由 Potato 於 16-9-2011 02:32 發表 試過一兩次，行到裁判署後面的山上，都幾高，望落去有D驚。咁C姐有無去北河街公和食豆花？

梗有去北河街公和食豆花啦!白瓷方格牆身、高樓底、地下紙皮石階磚、中間大大個紅色字「公和」做招牌；毌論食品、門面、裝修都超經典:豆香撲鼻，豆花滑、豆漿濃，仲有煎釀豆腐，淋d豉油、加d橙色辣醬，好味道，E家講起都流口水。

百變小櫻

引用:

原帖由 Potato 於 17-9-2011 22:59 發表   即刻為你送上！   公和的經典豆腐套餐！係咪流晒口水呢？

謝謝Potato兄! d 相好正，拍得 「好有味道」  見到 lee 個套餐，唔單止流晒口水，直頭兩眼發光，而得一啖食左佢。

百變小櫻

引用:

原帖由 toby 於 17-9-2011 23:55 發表 多謝 Potato 兄的新鮮靚相!!但乜唔叫多啲野食,可以影多啲相丫嘛~~

Toby兄! HK街坊豆品店日日起貨，現做現賣，夠哂新鮮，同我地Melbourne 剩係得d機製盒裝豆腐，元x呀!福x呀!食落去口感完全兩回事，冇哂feel

百變小櫻

引用:

原帖由 超人兄弟 於 17-9-2011 22:44 發表 係呀~... 新年 3 點跟老媽幾落花市睇o下有無平桔平花買... 細個覺得熱維他奶 or 麥精係好神奇，凍熱都得！

新年3 點想買平花，好似早左d，我媽打半夜要拜神，之後差唔多天光去掃貨，就真正「平霸」啦!講開又講，墨爾本家陣係春天，百花盛開，AU$10 (港紙約80元) 夠買一大株座地桃花，擺係廳中間，好豔麗無比 ga!

百變小櫻

引用:

原帖由 toby 於 18-9-2011 01:46 發表 abc 姐,我梗知即做即食有幾正啦,我老豆以前賣豆腐的!所有新鮮豆漿,豆腐,腐竹,鮮炸豆腐卜我都食過,仲有豆腐水!豆香+鮮甜,一流!呢度啲X山,X興...機做兼入晒雪櫃,要衛生,就要犧牲...

好羨慕你呀!Toby兄，咁你有冇試過頭輪腐竹?即係煮豆漿時，表面撞到冷空氣而「鯨」左，形成第一層衣，聽講豆味濃郁，最適合煲腐竹白果糖水。

百變小櫻

引用:

原帖由 Potato 於 17-9-2011 23:04 發表 跳水咁英，我都想！撻落水就有我份！

細個時去李鄭屋泳池游水，我真係半跳半sir咁，撻落水玩飛魚轉身，當左自己係夏麗娟

百變小櫻

引用:

原帖由 Potato 於 15-9-2011 02:12 發表 印象中，那間種子舖仲�鰜蛂C

o華! 間舖咁歷史悠久，有冇超過40年?乜咁多人種花ga 咩?

百變小櫻

引用:

原帖由 Potato 於 22-9-2011 01:54 發表 最近匆匆經過，間舖好似細�驉A門口仲擺�鬫n多「立雜�洁v，好似仲有d寵物用品。不知是已易手還是在掙扎求存。

香港地租金貴，街坊小店不易經營。記唔記得鉅生文具鋪?北河街同福華街交界，坤記糕品士多附近，文具包羅萬有，聖誕節有好閃吊飾同金粉聖誕咭，我本小學畢業記念冊，都係果處買。

百變小櫻

引用:

原帖由 超人兄弟 於 24-9-2011 00:49 發表 一講起聖誕節好閃吊飾同金粉聖誕咭D記憶就即刻返哂來 ~細路仔聖誕節就最開心 ！記憶D球體聖誕節吊飾重會打得爛ga...金粉聖誕咭甩金粉一地都係 。雖然我唔記得o左鉅生文具鋪...但都諗到舊式文具鋪係點樣...同記得幾毫 ...

細個時，好狠擺棵聖誕樹仔係屋企，但大人唔比，話唔夠位，但過年米一樣擺到桃花，大吉、劍蘭果d中式花卉，比佢地講哂，激氣    試過掛吊飾時，唔小心打爛左個，巨大金色聖誕吊鐘，好心痛，因價錢唔平；除左金粉聖誕咭，仲有咭面係膠ge物質 ，張咭左右上下移位時，d公仔好似會郁，d眼貶下貶下...... 唔知典形容，總之好吸引好得意。有個同學仔好闊佬，每人送一張聖誕咭，人人有份，永不落空

百變小櫻

引用:

原帖由 超人兄弟 於 24-9-2011 12:31 發表 我o地細個時大人講o既好少抗命...唔似得而家... 張咭左右上下移位時，d公仔好似會郁o既聖誕咭咪叫 ' 立體聖誕咭 ' lor~...用手爪咭面...毛管洞呀~! o夷~...我o細個又係有一兩年試過每人送一張聖誕咭俾同學仔 ...

典解無端端會用手爪咭面?仲搞到毛管洞 tim?

百變小櫻

引用:

原帖由 超人兄弟 於 24-9-2011 22:33 發表 hee...hee...無~ 細路仔手多多o者~!

oic!超人兄!你咁好記性，對幼稚園有冇印像?我個間好似麥嘜卡通咁，係二樓，校長、老師、校工都係一家人；校長室有大疏化，幾隻雞走來走去，好搞笑 開左學幾星期，因大喊紐計唔上堂 老師冇我符，唯有擺我係校長室坐，其實校長好慈祥，冇懲罰，仲請食糖兼有圖書睇。

百變小櫻

引用:

原帖由 超人兄弟 於 25-9-2011 00:26 發表 絕對有印像 la~...幼稚園o向G/F，幼稚園重有鬼妹仔讀ga~! 同學仔重教我畫戰艦 tim~。 妳o既家庭式幼稚園又真係幾搞笑...有幾隻雞走來走去... 幼稚園去到初中一回憶...實在令我難忘！  

嘩!你間幼稚園同學，多才多藝，仲有鬼妹仔，咁高級，係邊度? Kowloon Tong嗎?幾歲已講得一口流利英文，成績一定唔錯。八卦下，典解回憶由幼稚園去到初中咁難忘?唔通同個鬼妹仔有關

百變小櫻

引用:

原帖由 Potato 於 25-9-2011 02:41 發表 我印象中的鉅生文具是在桂林街、福華街交界 無論如何，細個時都有幫襯鉅生，因為放學會經過，小朋友，當然抵受不了文具的誘惑~~

睇怕我都有中年痴呆，冇乜方向感，記錯街名tim! 鉅生文具鋪係我細個時shopping 景點: 拍紙簿、包書膠套、圓規、Pelikan 鋼筆,  Parker原子筆、筆盒、美勞用品......有種香筆，香水味，唔買都要入去聞下至安樂 ，

百變小櫻

引用:

原帖由 Potato 於 25-9-2011 03:02 發表 王上，d�洐麂銋磠羉潀n新鮮，因為已經放���鶶☆ㄕ釣漶B三年。我已經叫�鰶∠E的四分三款食物，成間舖的堂食只有四味，就是豆漿、豆花、煎釀豆腐、釀豆pok。你唔好睇少這四味，日日客似雲來就是為了這個豆腐套餐。

公和四寶，時時咁好!由細食到大都咁補

百變小櫻

引用:

原帖由 Potato 於 25-9-2011 02:52 發表 d球體吊飾真是又靚又易爛，但掛上聖誕樹，d氣氛出晒�薄Cc姐當年有沒有掛埋閃燈呀？

一路掛閃燈，一路唱:「又到聖誕......又到聖誕......」有晚開住閃燈，半夜唔記得熄電掣，爭d燒fuse, 好彩發覺得早，否則，閃爆全場

百變小櫻

引用:

原帖由 Potato 於 26-9-2011 00:31 發表 今天經過，證實間種子舖已經執�驊 依家係賣狗糧及立雜�洁C c姐當年係咪有種下花花草草？ 

絕對冇天份，種花變種瓜，d花種親都瓜  

百變小櫻

引用:

原帖由 超人兄弟 於 25-9-2011 14:14 發表 無錯~係o向Kowloon Tong...o矣~...but 到 D + 都係得一口流利英文.......字母 abcdefghijklmnopqrstuvwxyz lor~ !(因為到之後讀書唔成 ) 我最多係長沙灣敗家仔o者~...你係 深水埗闊少就真...話唔定D+發 ...

童年時的友誼，好純真，我有幾個幼稚園兼小學同學，到宜家都有聯絡，每次見面一講返深水埗話題，都笑一大餐   好冇拘冇束 ，真係好似記念冊咁寫：萬里長城長又長，我兩友誼比它長!

百變小櫻

引用:

原帖由 超人兄弟 於 26-9-2011 15:29 發表 無錯係呀~講極都唔厭ga~ ! 我o地 D 記念冊多數寫好 ' 行 ' o既  ' 友誼永固 ' ~ !

 寫記念冊時，假如男生寫lee句比女生「莫說女兒無大勇，木蘭從軍勝男兒」，其他男生知道，會抱怨話佢:長他人志氣、滅自己威風!又話佢暗戀個女同學..........總之比人笑到面都黃

百變小櫻

引用:

原帖由 Potato 於 26-9-2011 00:34 發表 Kowloon Tong... Wow... Very high ar~~

九龍塘讀幼稚園，真係好高級啊!係唔係學校生日會，生日會同學仔企係個大蛋糕中間，有得影相留念?有戶外空間比小朋友走來走去果d?好羨慕呀!

唔知Potato兄同超人兄小學係邊度讀?，有冇考過升中試?我讀官立小學，5、6年級要不停操練中英數三科試卷，當年有個男同學，考升中試，成績三條1，即係中英數都好叻，入到男拔萃 ，全校師生 o華......o華......o華，其它九龍工業，長沙灣天主教、寶血會上智、都係深水「土步」好中學，當年好多人揀做第一志願，唔知而家點呢?