百變小櫻

我住過深水「土步」>灣仔>何文田>油麻地>九龍塘，現住墨爾本

百變小櫻

引用:

原帖由 超人兄弟 於 20-8-2011 00:30 發表 深水埗~...長沙灣-...大埔~...

超人兄，好高興知道你住過深水埗 &長沙灣，請問知唔知黃金戲院 or 更前身，南針電鍍廠的歷史呢?

百變小櫻

引用:

原帖由 toby 於 21-8-2011 23:06 發表 我就紅"石堪"-->大圍-->上水-->馬鞍山-->Kew, VIC -->Clayton, VIC-->粉嶺-->Burwood East!正喺abc兄你隔離,得閒可以約你去敦煌飲茶!!

咁「口岩」? 又會近成咁!敦煌好就腳，但大班好似多D點心wor! toby 兄係網主，你話事啦

百變小櫻

引用:

原帖由 超人兄弟 於 22-8-2011 00:15 發表 記憶中細細個...都經常去黃金戲院睇戲...超人電影...帝女花都o向黃金戲院睇... 至於南針電鍍廠就無印象 lor~ ! 細個最鍾意去豪華餐廳食大餐...好懷念! ...abc兄知豪華餐廳o向邊度嘛?! 嘉頓 la~...神仙蛋糕好好 ...

超人兄 ，黃金戲院是邵氏院線嗎?大堂掛滿好多邵氏明星相，戲院外有個女小販 ，兩三下就批起D雪梨。

豪華餐廳o向邊度?我淨係記得華聲、樂聲戲院ge愛群餐廳，仲有對面間虹光影相鋪。

嘉頓梗記得!深水「土步」  landmark，離遠已見到佢樓頂個鐘，除了神仙蛋糕、巨形波板糖、plastic egg 內細細粒、容易食的糖仔又得意又好味，嘉頓餐廳仲有冇?第一次食焗法國蝸牛就係個處!

百變小櫻

引用:

原帖由 超人兄弟 於 23-8-2011 00:53 發表 Friend~Friend~ !嘉頓餐廳無lor~...D+G/F剩係賣餅... 黃金戲院應該邵氏院線!...好記得大堂個磅 lor!大堂陰陰暗暗...(日頭) 華聲、樂聲戲院成日去睇戲la~一間做西片一間港產片...007o向華聲睇。愛群餐廳而家好似 ...

多謝 超人兄唔 嫌我長氣，補充好多我忘記了童年回憶 北河戲院大堂好似黑過黃金戲院，總之兩間都唔敢入toilet，好驚有鬼 金慶酒樓在東沙島街 & 元州街交界嗎? 附近有個西醫叫? 慶華 ，門口好多人排長龍；有個好細但叫「宇宙」商場；步陞鞋鋪仲有嗎? 價錢唔平，細個時得過睇字。

百變小櫻

深水「土步」國都、榮華、中央 、大人酒樓都冇去過，反而有間叫香成在長沙灣有D印像，一條長電梯直上二樓，裝修都幾靚，仲有八仙酒樓，二樓海報 or 花牌，畫了八仙過海。話時話，八仙餅鋪仲有嗎?

百變小櫻

引用:

原帖由 閑來一吟 於 26-8-2011 17:58 發表   又懐下旧先、金慶酒樓係屋企第一間做月餅会酒樓、好似係毎月5蚊、到中秋就有三黄、双黄、単黄．．総之 盒三黄就最快食晒、其他就用 ...

桂林街奇華餅店，有張供月餅 card及印做記錄，顧客提取月餅時，有豬籠餅、花籃餅和玻璃面盒裝花餅送 。  東京街大坑渠對面，有間好似賣庶汁、齋鹵味鋪 (唔記得個名)， D鹵水雞脾大件夾好食!

百變小櫻

引用:

原帖由 超人兄弟 於 2-9-2011 14:10 發表 我全去過~ 有機會真系要同abc兄面對面暢談回憶 !(你同住bro toby講先 ) 八仙餅鋪褶o左lor~ !

超人兄，tomorrow我真係約佐Toby兄，坐低飲啖茶、食個包呀!

百變小櫻

引用:

原帖由 超人兄弟 於 3-9-2011 00:11 發表 我知~Toby王上之前同我講過! 所以我講你同住bro toby講先

唔怪得知消息咁快，原來有報料熱線 到時見到Toby壇主，一定要暢所欲言，唔駛中文打字，打到老花加深都寫唔出幾行字

百變小櫻

引用:

原帖由 toby 於 3-9-2011 02:22 發表 abc兄,學翻倉頡旁身啦,唔駛手寫或其他打字咁辛苦,記住明日10am,麥記見(我心口唔會有紅花為記的...)!

 已報名學倉頡啦!乜唔係拎住盒老餅相認嗎?

百變小櫻

引用:

原帖由 toby 於 4-9-2011 15:57 發表 我早上10點準時到達M記,一進入內便有人叫我:喂~你係咪Toby呀??我一看之下發現:唔係abc兄,係abc "卿"!原來abc 是女的,我一直都先入為主,叫"兄";然後她更介紹在等候的先生及細女,我也帶同小兒出席,佢仲好客氣,帶了禮物 ...

第一次見壇主，小小見面禮，何足掛齒!你設計這個老餅論壇，讓我們一班來自江湖四海oldcake，有機會一齊講東講西、天南地北 、懷緬一翻，我要多謝你就真

芬蘭童話故事，姆明一族是我的「飛弗」   我一見張相，就大叫一聲:「好得意呀!」謝謝你用那些角色來「打格仔」。

最後個雙黃芋蓉月餅是新鮮焗製，不含防腐劑，made in Australia  絕對不是「老餅」，請放心食用！

百變小櫻

引用:

原帖由 超人兄弟 於 4-9-2011 23:00 發表 有無我份ga~abc姐姐~??!

突然間由c兄變c姐，一時唔識反應，遲D會唔會變左，師姑or師太

百變小櫻

引用:

原帖由 超人兄弟 於 5-9-2011 13:50 發表 唔會o既~...老餅於回憶上心境上無時無刻都會長青！

超人兄，多謝你的提醒與鼓勵

oldcake一點也不老

一邊上oldcake

一邊食mooncake

跟貼潮流一D都唔土 

百變小櫻

引用:

原帖由 actionkamen 於 5-9-2011 00:05 發表 哈哈！真是他鄉遇故知如果可以，出年返香港出席老 餅六周年吖！

如果有時間，我都想出年返香港參加oldcake.net六周年晚宴，再唔係!或者到時在袋鼠國搞番D慶祝活動，等我問問Toby兄意見先。

百變小櫻

引用:

原帖由 kkeeleung 於 4-9-2011 19:41 發表 真係咫尺天涯. 唔認識, 都唔知志同道合的朋友常在身旁. 我哋成日以為, 老餅定是男生, 可能女士老餅大有人在.

我地童年時無幾多娛樂，睇電視差不多是唯一的共同興趣，雖然我是女生，但都好鍾意睇超人、鐵甲萬能俠，所以有共同話題、而且懷舊是不分男女。

百變小櫻

引用:

原帖由 Potato 於 10-9-2011 12:37 發表 abc姐，hello，我也是深水�鶪j的，你提到很多深水�鶣雃h舊事物我都知道，真是份外親切。你所說的「南針」工廠，我有印象，就是現在專賣電腦的高登商場。細個時，日日放學都經過，間場陰陰森森，殘殘舊舊，污污糟糟， ...

Hello! Potato兄，謝謝回帖，童年時，好鍾意去李鄭屋游泳池游水，門口好多美食 ，泳池出口是個旋轉鐵柱門，推出時，又重又大聲；九江街和九龍道尾，是警察宿舍，好多休憩空地，跟同學係果度打羽毛球、重有經過兵房 (現西九龍中心、怡閣苑) 去到長沙灣公園，可以玩足大半日，唔知有冇同Potato兄相遇過?你講到「南針」好恐佈  聽講是電鍍廠，所以咁黑?專門打磨熱水壺內膽和電筒?

百變小櫻

引用:

原帖由 Potato 於 10-9-2011 12:44 發表 超人兄弟，八仙餅舖仲未摺，除非是最近的事。 八仙酒樓摺左好多年，但餅舖繼續經營，不在長沙灣道，搬了去南昌街近元洲街好多年，就是豐澤樓下，對住油站。先排金剛和小儀主持的飲食節目（街坊食神？）都有介紹過 ...

八仙餅舖d合桃酥、花生米通，又大件又好食 (以前唔興迷你size) 講開元洲街，近北河街post office，有間賣花花草草和種子鋪頭，仲有冇經營?

百變小櫻

引用:

原帖由 超人兄弟 於 12-9-2011 13:56 發表 o夷o夷o夷~~~唔多覺眼o既~~~唔通我睇錯~!?? 如果我錯...請 abc姐姐見諒! thanks 薯仔 Sir~!

超人兄，唔駛客氣 ，我長期有老花、近視加散光  、間中撞聾兼老人痴呆，時時都會睇錯、聽錯兼記錯

百變小櫻

引用:

原帖由 超人兄弟 於 15-9-2011 02:05 發表 記得記得~... 李鄭屋游泳池旋轉鐵柱門，推出時，又重又大聲...yeah~ 兵房 (現西九龍中心、怡閣苑) 去到長沙灣公園...全都記得~ ! 長沙灣公園玩沙池 & 水池放船仔...

長沙灣公園有個滾軸溜冰場，好多人踩roller 玩花式，仲有又高又斜sir滑梯，細個時sir落去，覺得好high、好刺激

百變小櫻

引用:

原帖由 Potato 於 15-9-2011 02:08 發表 我細個都係去李鄭屋游水，C姐唔講起都差d唔記得個旋轉鐵柱門。我都有�鶭給豏J舍D空地玩過，不過多數都係去上李屋公園玩，即係北九龍裁判司署對面個公園。依家北九龍裁判司署已經被活化為「薩凡納設計學院」（咁上下 ...

係呀!我都有上李屋公園玩，有條short cut由警察宿舍去到公園；北九龍裁判司署有兩條長樓梯，左右分開，直上大門，設計幾古典；有冇跟大人行山晨運? 好似裁判司署附近?，試過有次行行下，聽到有人係山上大叫打劫，嚇到我地死，9秒9由山腰碌番落山腳