記得有次睇過一個「三國」既網頁, 佢裡面嘗試從多方面既型式去研究「木牛流馬」。「木牛」、「流馬」分別發明於「第四」同「第五次北伐」, 而「第五次北伐」係眾多北伐之中時間最長既一次。「建興六年」「-蜀軍發現「綏陽小谷」, 「建興十二年」-「諸葛亮」「斜谷」大眾出軍。 响「綏陽小谷」尚未開通前, 「諸葛亮」採用既戰術係「趙雲」响「箕谷」佈疑兵, 但因發現「綏陽小谷」同「陳倉」、「郿」兩地既軍力壓迫關係，「趙雲」既「箕谷」疑兵最後都係以「赤岸」燒棧道退兵收場。「斜谷」既地形, 南注「漢水」, 山高、水深、流急, 難以利用船隻運輸, 所以「三國-蜀漢」初期係冇利用「斜谷」水力既記載。
「諸葛亮《與兄謹書》云」：…今水大而急，不得安柱，此其窮極，不可強也。…又云：頃大水暴出，赤堐已南，橋閣悉壞。
當年「蜀軍」分兵屯田既地點有「渭南」既「武功」、「五丈原」至「馬冢」附近, 若果只靠以「斜谷」陸路用「木牛」運糧既速度, 根本係冇法去應付數萬軍隊既食糧, 而供給「第五次北伐」既軍糧應該仲包括「赤岸」府庫在內, 基於種種難題, 「流馬」亦應運而生。古時既運輸途經莫過於水陸兩路, 而「諸葛亮」若果真係如傳說般一樣咁聰明, 佢會唔會已經擺脫咗一般既局限概念, 將「流馬」發展到空運既境界, 而「流馬」既設計可能會同纜車好相似? 埋個假設並非空穴來風, 約60年代, 「中國-四川」發生水災, 災民被圍困响水域, 附近既居民就係用一樣叫「水龍」(?)既古式吊籠或吊板咁將D災民吊走, 而若果你再將「流馬」既設計反轉向上黎睇, 吊輪既設定亦好附合「流馬」既概念….個網其實仲講咗資料去Support 佢既講法, 有時間小弟下次再繼續講。
Copy & Paste打字真係好辛苦呀!!
[
本帖最後由 矢作省吾 於 19-6-2007 15:01 編輯 ]
