引用:
原帖由 Machbaron 於 12-6-2013 09:53 發表 
哈终于見到港岛東区居民啦••••••新光国賓皇都百樂匪趣名猪呀•••••新光近屋企去得最多，籃鸟，仙楽飘都系果度体，重有大量国产片，旁有 ...
原來伯龍兄係北角街坊，小時我都進貢唔少比中記、英華，仲有北角邨嘉頓餐廰對面間明記士多。
講番戲院，國賓無咩印象係播好多成人片喎
，小時响國賓睇過有占士邦、Sunny哥哥dorame、歡樂神仙窩
皇都應該係嘉禾院線，應該未播過新藝城片，最佳拍檔都係响百樂睇，後來响英皇道琴行街開咗間金鴻基（依家係教會）至有新藝城片
國都就好多時都係西片，我响國都睇未來戰士，未開場前都會去對面地庫間森記圖書睇下過期漫畫週刊
新光當時的確好多左派片，間唔中有其他片，後來佢哋都將原本超等變做迷理戲院，睇得幾辛苦，偶然一次見到“真紅少年傳”說响一院做，立刻買飛入場睇，一院座位真係正到痺！舒舒服服睇亞星矢同其他四小強比阿波羅嗰三條日冕聖鬥士揼到起唔身都咪話唔盞鬼；後尾三條友著黃金聖衣覆卓又熱血番啲
；另外第一套三級片黑太陽731我都係响新光睇
講開1/144，百樂隔離間精工，我見過佢哋有盒紅慧星標價四十大元
