最初發現GP-02A時，我完全不能接受！太邪惡啦．．
點解會設計出一個咁嘅機體？
但時間越過得耐，我就從完全不能接受，到漸漸接受，後來更越嚟越喜歡！身軀向橫開展，超級油輪咁嘅噸位，實在太強橫太霸氣！
去到依家，GP-02A已經係我最終極喜歡嘅機械設計！更加係終於完全明白，高達設計大師佢地嘅苦心！因為故事嘅本質，正正就係需要一部咁設計獨特又集邪惡同重噸位於一身外形嘅高達！
”被敵方搶奪，反轉過嚟對抗番己方嘅超強勁對手，必然要係霸道到無可匹敵！”我認為呢個就係當時高達設計大師佢地嘅設計目標！所以最終先會出現呢一部咁完美型態嘅怪物級邪惡高達！
來源：
http://www.hkml.net/Discuz/viewthread.php?tid=147681
