打印

公仔麵 & 出前一丁

Tony仔

小餅迷

Rank: 2

1^# 大中小發表於 4-10-2010 08:15 顯示全部帖子

食開出前一丁大,當然係支持出前一丁喇.

由細到大,去親P記惠康,出前一丁係必然要買既公仔麵,雖然一丁價錢俾公仔麵貴
但勝在麵質好正,同埋口味多,當然係首選.

十幾年前,第一次出豬骨濃湯味,變成我既至愛.
當然,佢包有紹酒既調味油,加入麵度,係好香既.
D湯又好正.

咁公仔麵有一隻都幾好...雞蓉味
好味係包醬料
D雞蓉醬試一啖,好好味...可惜係後尾包醬變成粉喇.

就算,移居羅省,入到大華呢類華資超市
有齊兩岸三地出晒既公仔麵賣(例如味全、康師傅等等...)
出前一丁仍係首選,佢有散裝(一般59仙美金/包;或者$13一箱,一箱有30包).
因為由細食到大,質感好食好多嘛.
講起,有樣好攪笑,兩、三年前,當仲有各大口味出前一丁,甚至通心寶賣,當然每次去親例必買一打返來
直到一年前,突然無晒出前一丁賣
當然有失望之處,除o左一丁之外,無邊隻公仔麵好食
於是.....竟然有同學響香港買30包出前一丁←係好感動,好想喊,無言感激

再平郵寄俾我,兩個月後,去郵局提貨
嚇死郵局入面Ｄ人

佢地問:乜超級市場無咩?!
咁......咪話.....一早無得賣嘛,唔食會死人架.

其實,五、六年前,羅省香港超級市場,都有公仔麵賣既,但不明為何,而家無進口入來美國賣.
甚至好耐之前,有過綠寶橙汁賣過
出前一丁先係無一排,舊年下半年先恢復進口.

TOP

Tony仔

小餅迷

Rank: 2

2^# 大中小發表於 4-10-2010 08:17 顯示全部帖子

引用:

原帖由 超人兄弟 於 4-10-2010 08:00 發表 o甘唔係個個家庭都有賓賓o既~... 我食茶餐廳比較多!

茶餐廳最正係沙爹牛肉麵...
果個大排檔B餐,至今仲記憶攸新

但通常用大光麵呢個牌子(都係公仔麵o者),出前一丁亦有

TOP

Tony仔

小餅迷

Rank: 2

3^# 大中小發表於 4-10-2010 12:45 顯示全部帖子

引用:

原帖由 超人兄弟 於 4-10-2010 08:30 發表不過丁麵而家 H K o既茶餐廳加3銀有得食~!

呢度都係喇,去Cafe食客沙爹牛肉麵,改出前一丁,加一蚊先食得.

TOP

Tony仔

小餅迷

Rank: 2

4^# 大中小發表於 5-10-2010 07:30 顯示全部帖子

引用:

原帖由 超人兄弟 於 4-10-2010 20:13 發表如果o向 USA 咪等於 HK 8個幾~??

要兩睇囉,出去街食、同買一包返來煮,出街食係會貴好多.

就算我到超級市場,買一包出前一丁,只係US$0.59;最貴亦不過US$0.79,其實同去P記買出前一丁
價錢差唔多(US$0.59=HK$4.60計).

我記得,兩年半前返香港,第一餐飯去上水某茶餐廳食野
果時朝早十一點幾.叫o左奶茶同沙爹牛肉麵,大約廿五蚊港紙夾埋.
換轉頭,我響LA,去港式西餐食同樣既野,係做唔到既.
單係一碗魚蛋河,要US$5.25(包飲料),都成40蚊港紙啦,計埋Sale Tax,都成六個幾美金.

慶幸呢十年,美國越來越多香港野賣,可喜可賀
但係一句,點都貴過香港.
當然運費係重要原因,但係加州既稅都幾貴下(洛縣係10.25% Sale Tax).
我最記得,有次夜晚(兩年半前),下面D鋪頭閂晒門,得7-11先開門.
見到四海魚蛋既碗仔翅,賣緊HK$9.90.
但之後呢?又好慶幸返到LA,響Alhambra(都係洛杉磯某華人聚居城市)一間超級市場
發現同一個牌子既碗仔翅,一樣既Size,賣緊兩美金
明顯係美國既野貴過香港.
可惜,大約一年後,碗仔翅已絕跡羅省.

羅省講真,有幾間香港大企業響度開店

奇華餅家係其中之一 (有幾間分店)
仲有一間,許留山、味千拉麵...

以前,有一間食雲吞麵既鋪頭,叫雲吞生麵食,香港有十幾間分店,以前耐唔耐都會幫趁
但開o左幾年,09年初倒閉.

就算小食,一樣各大Cafe有西多士、雞蛋仔賣
但遺撼一句,無一間整得似樣
雞蛋仔仲要好貴(香港街頭既九蚊底、呢度係其四倍)
又甜,又無蛋香既新鮮感.
真係,一返香港,第一件事點都要喪食雞蛋仔、魚肉燒賣呢D正宗野食

Sorry,離晒題.

TOP

Tony仔

小餅迷

Rank: 2

5^# 大中小發表於 5-10-2010 07:37 顯示全部帖子

引用:

原帖由 kkeeleung 於 5-10-2010 02:40 發表我反覺個丁麵真係丁麵. 最多係用公仔麵充清仔. 煮出來不好吃係因為個煲同啲水嘅問題. 首先, 茶餐廳貪方便先打開包裝. 即使一兩個鐘, 個麵已受潮. 好多餐廳用個大煲煮麵, 水太多太熱, 一煲水用半天, 加上 ...

通常煮叮麵,想好食一D,我會先放一碗水響煲度煮滾,水滾之後落麵,但唔好閂蓋.....
一到兩分鐘後,用筷子攪D麵
再熄火,加湯料再攪

因為麵係要爽口,控制火喉係好重要,太淋(除非有D人個Taste想食淋少少既麵)會影響質感
同埋,水唔可以太多,太多的話,變得淡而無味,因為唔夠咸
再講,係水滾一刻先拆包落麵,太早拆都係受潮.

事前,會煎蛋同腸仔,或者係午餐肉
先放底,然後再放湯麵.

TOP

Tony仔

小餅迷

Rank: 2

6^# 大中小發表於 5-10-2010 10:07 顯示全部帖子

引用:

原帖由 超人兄弟 於 5-10-2010 09:02 發表當年我遊加記去飲茶叫燒賣...完全唔似燒賣...笑死!(而家應該好好多) 食方面都係 H K 似樣好多~!

其實,我聽番晒以前前輩講,佢地台灣人來,廿幾年前移居羅省....
89年,蒙市(Monterey Park),都同鄉下地方分別唔大,華人店只有一間加州牛肉麵.
當然,今時今日,蒙市勁多兩岸三地既人 ,多o左好多茶樓、華人超級市場同鋪頭
幾乎成街都係中文
就算今時今日,新移居來既唐人,甚少會住唐人街,事實上果區都幾舊下,人多車多
呢十年來,越搬越東
從MP起,一直到San Gabriel,甚至Rowland Heights,不外乎都係有華人聚居
再東既Chino Hills,Ontario,Fontana,以前多墨西哥人住,呢幾年都有中國人搬入來
不外乎,樓價比出面平嘛(人地六十萬一間屋,果D地方只係一半).

其實如果今日,華人地方來計,基本上都同香港分別唔大.
香港有既野食,呢度都有得供應
以前,想食雞蛋仔,可能得一、兩間Cafe供應,今日可能整個City既港式西餐都有得食
雖然賣相仲差一截,但有得食好過無得食.

不過,講起茶樓,即使去到美中,華人不及羅省同舊金山既多
但一樣有中式茶樓
三年前,有幸到俄亥俄州(Ohio)哥倫布(Columbus)
當地有華人架,但為數唔多,大約二、三萬上下.
但茶樓剩係得兩間
咁走果日,去o左某茶樓,我記得有牛腸,但係牛腸成條雪條咁粗?又硬硬地.....唔似樣喎
查實佢地D點心由紐約運過來,只係去到果度,唔夠新鮮.
鄉下地方係咁既喇,起碼叫有茶樓,有得食就唔錯.

TOP

Tony仔

小餅迷

Rank: 2

7^# 大中小發表於 9-10-2011 09:25 顯示全部帖子

引用:

原帖由白鳥於 3-8-2011 23:35 發表話時話, 宜家好似唔覺有雞蓉麵賣

而家雞蓉麵質素不如以前
當8x年代,我去買"公仔麵"(先唔理出前一丁)雞蓉味,包醬料係好好味,因為佢真係醬油包
今時今日,包料改成粉未,無以前咁好食.

至少,今日羅省仲有出前一丁雞蓉味賣緊.

另外早一星期前,有託友人買D杯麵由香港帶過黎
食咗公仔沙爹牛肉麵碗麵
亦大不如前,綠豆居然欠奉,太咸
以前麻油上素味,我鐘意佢有D好似麵包條既野既調味包.

TOP