占四谷

福面好正, 睇波時食一流!!! 不過我記得小學時學校賣既係綠白色既雞王面, 食時好鬼難開, 要用學校操場條柱個角嚟介開個包裝袋, 跟住落味粉, 再猛搖溝勻佢, 再赤手空拳放入口, 而家講講吓都想食添......! 我又記得嗰時阿媽每日俾我同阿哥每日五毫子, 但面就六毫子一包, 記得有次阿哥唔洗番學, 但阿媽無散子, 就俾左一蚊我, 叫我放學找番俾佢, 最後當然係俾番四毫阿媽, 話跌左一毫囉......!