小弟有幸家母蒸得一手正魚腸, 加埋油炸鬼, 口水都流晒, 真係由細食到大, 不過當然係好間中先食一餐, 因為功夫真係好多, 要通要洗, 仲要remove左腸內的一層薄膜, 蒸既工序就反而簡單, 就上個禮拜先食過之嘛, 非常正!!!
去年有一次過節一家人出去一間酒樓食晚飯, 見個餐版有蒸魚腸, 其實我地都未食過家母以外其他人煮既魚腸, 於是想試吓, 嘩, 點知一食, 成碟都係蛋咁滯, 好少魚腸, 又乾又無味, 我哋食到差 D 投訴個廚師咁滯, 是關一碟成八十幾九十蚊, 簡直係搶錢!!!
我睇有線見嗰個高師傅整魚腸又大開眼界, 原來佢話蒸熟之後係要成缽(連埋個缽)放落油度炸, 炸完一輪就上碟, 佢話係正宗煮法, 好正!!!
