引用:
原帖由 hongkongman 於 21-10-2009 13:12 發表 
成套電影也好悶.當年小時候是因為有足球明星主演,才買票入場睇.有足球員(比利,英國的仆比摩亞,熱刺球員:亞迪尼斯....演員有史泰龍,米高堅 等).在德國的集中營,比賽中拙洞去逃亡.但真的好悶,好悶....除了足球比賽外.二 ...
其實我覺得套戲內容都 OK, 但如果無一班球星參演, 即使有史泰龍和米高堅, 我都未必會睇, 最鐘意睇當然係比利, 記得有一幕講米高堅同班戰俘球員講解戰術時, 如何俾波, 如何走位等, 比利聽到唔耐煩, 走上前搶左米高堅支粉筆, 話如果俾我攞到個波, 洗咩咁麻煩, 一面用粉筆在黑皮上畫一筆過畫左一條線出嚟, 繞過晒所有對方球員, 然後一射入網, 畫完俾番支粉筆米高堅, 好寸咁走開, 很型!!! 
另外仲有阿廸尼斯, 獲加等球員參演. 很記得最後一幕, 佢地為左尊嚴寧願唔逃走都要踢埋場波, 比利倒掛入網反勝德國佬, 球迷欣喜若狂, 衝入球場, 仲除 D 衫出嚟俾球員著, 等佢地趁亂乘機走人!!!
講開逃出集中營, 記得以前明珠播過一套電影講波蘭奧斯威辛 (好以係依個名) 集中營, 講班囚犯點樣計劃逃走, 最後真係走甩晒, 應該好似係真事嚟, 都好想睇番, 唔知有無餅友記得?
