引用:
原帖由 LouisLee 於 2-6-2010 13:07 發表 
又唔使咁嚴重, 呢處已經有版規嚴禁色情與粗口, 遇上敏感題材, 只要喺標題註明家長指引就得。
Louis, 其實我concern嘅唔係純粹色唔色情嘅問題，我相信呢度嘅朋友都好有自律。只不過我覺得，撇開觀點判斷會各有睇法，我哋成人之間對於一般事物嘅認知，始終都會有某程度嘅共通，所以溝通起來，有好多嘢唔需要作太多解釋或者注釋大家都會明白，甚至到偶有調侃，開吓玩笑，大家都會識得辨別講笑定認真，整體嘅溝通模式、用語相比對住一啲少年甚至小童都會有唔同，正所謂唔同年代都會有一套共同語言。
所以，如果有啲咁細嘅小朋友可以隨時入黎睇到，有需要時而又冇人作出適當嘅解釋或者分析，會好容易誤解左某啲信息，可能得到一啲負面嘅結論而有所影響，而呢啲影響係會喺不知不覺間嘅。
