我養過雞仔及鴨仔...

人仔貓

中級餅迷

Rank: 3 Rank: 3

1^# 大中小發表於 23-5-2007 23:14 顯示全部帖子

引用:

原帖由 fivefive55 於 22-5-2007 14:13 發表小學時,屋企人買回來給細路玩...雞鴨仔養在生果瓦通紙盒內...細路仔日日餵米飯及菜葉比雞仔鴨仔食...投放不少感情....雞鴨仔越養越大隻...放出來重識跟主人... 某一天,細路仔放學回家餵雞鴨仔....點知雞仔鴨仔 ...

嘩~ 乜咁似「小時候」其中一集故事嘅~ 我都有一個有關養鴨仔的故事，話說我小時同老豆經過雀仔檔見D鴨仔心口漲卜卜好得意，於是就買左幾隻返屋企養，一直都係放佢地晌紙皮箱度養，我同細佬日日都有陪佢地玩，又同佢沖涼玩水，喂佢地食嘢果時就最過癮~ 睇住佢地一隻隻漸漸長大... 有一日，全家人出晒去食飯，就晌呢個時候，D鴨仔可能以為佢地始終係禽類，想學吓點飛... 於是就彈下彈下跳左出紙皮箱，仲走埋出露台外"試飛"... 但佢地忘記左一樣好重要既野...就係佢地係住晌10樓...... 我地返到黎諗住即刻拎D外賣俾佢地食，點知唔見晒佢地...再望出窗外原來佢地"落晒樓下"... 我同細佬即刻落樓下搵返佢地，可能唔係太高所以佢地都完整無缺... 但我同細佬叫極佢地都已經叫唔醒....... 最後我同細佬帶左佢地去公園後山安葬了...... 從此之後我地就再冇養小動物了...... [ 本帖最後由人仔貓於 23-5-2007 23:16 編輯 ]

TOP

‹‹ 上一主題 | 下一主題 ››