金牌餅迷
查看詳細資料
TOP
abc姐，hello，我也是深水埗大的，你提到很多深水埗很多舊事物我都知道，真是份外親切。你所說的「南針」工廠，我有印象，就是現在專賣電腦的高登商場。細個時，日日放學都經過，間廠陰陰森森，殘殘舊舊，污污糟糟，那時見到「南針」兩個字，還以為是造指南針的~
不過間廠實際造d咩，我要問吓家中的鄉親父老先知。
abc姐，如果你想講下深水埗的舊事物，小弟都可以同你交流交流，不過長沙灣那邊，我就唔多熟，超人兄弟會熟好多。
原帖由 超人兄弟 於 2-9-2011 12:10 發表 我全去過~ 有機會真系要同abc兄面對面暢談回憶 !(你同住bro toby講先 ) 八仙餅鋪褶o左lor~ !
超人兄弟，八仙餅舖仲未摺，除非是最近的事。
八仙酒樓摺左好多年，但餅舖繼續經營，不在長沙灣道，搬了去南昌街近元洲街好多年，就是豐澤樓下，對住油站。先排金剛和小儀主持的飲食節目（街坊食神？）都有介紹過八仙的合桃酥。搵日經過影番張相畀abc姐睇吓。
原帖由 abc 於 14-9-2011 22:54 發表 Hello! Potato兄，謝謝回帖，童年時，好鍾意去李鄭屋游泳池游水，門口好多美食 ，泳池出口是個旋轉鐵柱門，推出時，又重又大聲；九江街和九龍道尾，是警察宿舍，好多休憩空地，跟同學係果度打羽毛球、重有經過兵房 ...
我細個都係去李鄭屋游水，C姐唔講起都差d唔記得個旋轉鐵柱門。我都有喺警察宿舍D空地玩過，不過多數都係去上李屋公園玩，即係北九龍裁判司署對面個公園。依家北九龍裁判司署已經被活化為「薩凡納設計學院」（咁上下名 ）。兵房當然記得，後來變成越南難民營，依家變咗商場「西九龍中心」及居屋等。
可能當年在大排檔與C姐爭過櫈仔都唔定~~
原帖由 abc 於 14-9-2011 23:26 發表 八仙餅舖d合桃酥、花生米通，又大件又好食 (以前唔興迷你size) 講開元洲街，近北河街post office，有間賣花花草草和種子鋪頭，仲有冇經營?
印象中，那間種子舖仲喺度。
原帖由 超人兄弟 於 15-9-2011 00:05 發表 記得記得~... 李鄭屋游泳池旋轉鐵柱門，推出時，又重又大聲...yeah~ 兵房 (現西九龍中心、怡閣苑) 去到長沙灣公園...全都記得~ ! 長沙灣公園玩沙池 & 水池放船仔...
超人兄，可能我地細個時一齊游過水~
原帖由 kkeeleung 於 15-9-2011 00:16 發表 咁你哋会吾会曳曳, 在泳池 "殊殊"
梗係唔會啦！自己都要游，容乜易自己飲番
原帖由 abc 於 15-9-2011 13:14 發表 係呀!我都有上李屋公園玩，有條short cut由警察宿舍去到公園；北九龍裁判司署有兩條長樓梯，左右分開，直上大門，設計幾古典；有冇跟大人行山晨運? 好似裁判司署附近?，試過有次行行下，聽到有人係山上大叫打劫，嚇 ...
試過一兩次，行到裁判署後面的山上，都幾高，望落去有D驚。咁C姐有無去北河街公和食豆花？
原帖由 abc 於 17-9-2011 15:34 發表 梗有去北河街公和食豆花啦!白瓷方格牆身、高樓底、地下紙皮石階磚、中間大大個紅色字「公和」做招牌；毌論食品、門面、裝修都超經典:豆香撲鼻，豆花滑、豆漿濃，仲有煎釀豆腐，淋d豉油、加d橙色辣醬，好味道，E家講起 ...
即刻為你送上！
公和的經典豆腐套餐！係咪流晒口水呢？
原帖由 超人兄弟 於 17-9-2011 20:44 發表 係呀~... 新年 3 點跟老媽幾落花市睇o下有無平桔平花買... 細個覺得熱維他奶 or 麥精係好神奇，凍熱都得！
梗係神奇啦！點止係汽水咁簡單 --- 根本就唔係汽水吖嘛！
原帖由 超人兄弟 於 15-9-2011 00:28 發表 真係可能ar...o個陣時有個四眼仔跳水好英o個個係咪你~...
跳水咁英，我都想！撻落水就有我份！
原帖由 abc 於 20-9-2011 22:30 發表 o華! 間舖咁歷史悠久，有冇超過40年?乜咁多人種花ga 咩?
最近匆匆經過，間舖好似細咗，門口仲擺咗好多「立雜嘢」，好似仲有d寵物用品。不知是已易手還是在掙扎求存。
原帖由 abc 於 23-9-2011 22:29 發表 香港地租金貴，街坊小店不易經營。記唔記得鉅生文具鋪?北河街同福華街交界，坤記糕品士多附近，文具包羅萬有，聖誕節有好閃吊飾同金粉聖誕咭，我本小學畢業記念冊，都係果處買。
我印象中的鉅生文具是在桂林街、福華街交界
無論如何，細個時都有幫襯鉅生，因為放學會經過，小朋友，當然抵受不了文具的誘惑~~
原帖由 超人兄弟 於 24-9-2011 22:26 發表 絕對有印像 la~...幼稚園o向G/F，幼稚園重有鬼妹仔讀ga~! 同學仔重教我畫戰艦 tim~。 妳o既家庭式幼稚園又真係幾搞笑...有幾隻雞走來走去... 幼稚園去到初中一回憶...實在令我難忘！
超人兄弟，你細細個已經讀國際學校，加上又豪買聖誕卡送畀同學仔，原來傳說中嘅深水埗闊少就係你~~
我都想知你的難忘回憶只是去到中一，難道是鬼妹仔回了老家，自此超人兄弟形單隻影？
原帖由 abc 於 24-9-2011 07:49 發表 細個時，好「杏」擺棵聖誕樹仔係屋企，但大人唔比，話唔夠位，但過年米一樣擺到桃花，大吉、劍蘭果d中式花卉，比佢地講哂，激氣 試過掛吊飾時，唔小心打爛左個，巨大金色聖誕吊鐘，好心痛，因價錢 ...
d球體吊飾真是又靚又易爛，但掛上聖誕樹，d氣氛出晒嚟。c姐當年有沒有掛埋閃燈呀？
原帖由 abc 於 24-9-2011 21:30 發表 oic!超人兄!你咁好記性，對幼稚園有冇印像?我個間好似麥嘜卡通咁，係二樓，校長、老師、校工都係一家人；校長室有大疏化，幾隻雞走來走去，好搞笑 開左學幾星期，因大喊紐計唔上堂 老師冇我符，唯有擺我係校長室坐 ...
我讀嗰間幼稚園都喺二樓，不過無雞~
原帖由 toby 於 17-9-2011 21:55 發表 多謝 Potato 兄的新鮮靚相!!但乜唔叫多啲野食,可以影多啲相丫嘛~~
王上，d嘢食其實唔算好新鮮，因為已經放咗喺部腦有兩、三年。
我已經叫咗間舖的四分三款食物，成間舖的堂食只有四味，就是豆漿、豆花、煎釀豆腐、釀豆pok。你唔好睇少這四味，日日客似雲來就是為了這個豆腐套餐。
原帖由 Potato 於 21-9-2011 23:54 發表 最近匆匆經過，間舖好似細咗，門口仲擺咗好多「立雜嘢」，好似仲有d寵物用品。不知是已易手還是在掙扎求存。
今天經過，證實間種子舖已經執咗~
依家係賣狗糧及立雜嘢。
c姐當年係咪有種下花花草草？
原帖由 超人兄弟 於 25-9-2011 12:14 發表 無錯~係o向Kowloon Tong...o矣~...but 到 D + 都係得一口流利英文.......字母 abcdefghijklmnopqrstuvwxyz lor~ !(因為到之後讀書唔成 ) 我最多係長沙灣敗家仔o者~...你係 深水埗闊少就真...話唔定D+發 ...
Kowloon Tong... Wow... Very high ar~~
原帖由 abc 於 25-9-2011 23:18 發表 絕對冇天份，種花變種瓜，d花種親都瓜
種花變種瓜，原來c姐係基因改造先鋒
