復仇者聯盟2：奧創紀元 8大點解�H？
等咗3年，其間睇咗《鐵甲奇俠3》、《雷神奇俠2：黑暗世界》、《美國隊長2》同《銀河守護隊》之後，終於等到《復仇者聯盟2：奧創紀元》喇！
嗱！老老實實，就算你係超級忠實fans，等咗咁多年，記憶多多少少總有啲減退，所以今期就喺上映之前，先同大家回憶同update一下，兼拆解今集有咩新發展，做個有知識�H觀眾，咪唔使一路睇，一路又要問：「點解�H？」
順手一提，下星期我哋《新Monday》將會去到北京同鐵甲奇俠（Iron Man）羅拔唐尼（Robert Downey Jr.）、變形俠醫麥克雷法路（Mark Ruffalo）同導演喬斯溫登（Joss Whedon）做訪問，深入拆解《復2》同英雄心，記得留意！
1 今集打邊個?
將所有英雄集合埋一齊，《復2》打唔停係意料中事，到底今集有乜事要出動到復仇者聯盟？
今次復仇者受多面夾擊，話說神盾局瓦解後，Iron Man將史達大樓改建成復仇者大樓，並成為新基地，由Iron Man領軍，圍剿九頭蛇組織（《美國隊長2》片尾出現�H反派），迎戰擁有超能力�H龍鳳胎姊弟（紅女巫、閃銀），點知慘被對方控制心智同突襲，同時又被奧創（Ultron）�H機械人大軍攻打。
喺度劇透少少，劇情發展到最後，將會出現戲劇性轉折，紅女巫、閃銀會轉幫復仇者兼並肩作戰，之後其中1個重會加入復仇者陣容添！
2 關鍵人物：索卡男爵
根據導演喬斯溫登所講，喺《美國隊長2》片尾現身�H索卡男爵Baron Strucker（湯瑪士基斯曼，Thomas Kretschmann），將會係本集�H關鍵人物，佢用雷神細佬「洛基」�H權杖進行人體實驗，創造出有魔法�H紅女巫（Scarlet Witch）同可高速移動�H閃銀（Quicksilver）；而更玩嘢�H係，東尼史達（即係未變身�HIron Man）借用男爵對機器人方面�H研究，創造出本集�H大反派奧創，換句說話講，即係今集�H大頭佛係自己搞出嚟！
3 大新角：好犀利呀！
復仇者聯盟愈擴愈大，今集新加盟�H有年輕新星艾倫莊遜 （Aaron Taylor-Johnson，圖左）飾演�H閃銀，絕招係動作快到好似閃電；伊莉莎白奧爾森 （Elizabeth Olsen，圖右）飾演�H紅女巫，就擁有心靈傳動能力，可以控制對方思想；占士史柏達（James Spader）飾演�H大反派奧創，係具有自我意識同學習能力�H人工智能機械人；最後新角就係保羅班特尼（Paul Bettany）飾演�H幻視（The Vision），係東尼史達�H人工生命體，但卻自把自為、不易受控。
4 奧創何來？
紅女巫可以操縱心智，戲中佢就施法將每位超級英雄心中最深層�H恐懼化成幻覺浮現，同時間觀眾可以睇到原來超級英雄都有「恐懼」。
其中Iron Man出現�H幻覺，就係睇到自己�H戰友全都戰死晒喺外星，所以當佢返回基地之後，一心諗住創造出擁有人工智慧�H機器人奧創嚟保護大家，點知奧創吸取咗意識後，認為只有滅絕全人類，世界先可以和平，重成立機械人大軍，進行毀滅全人類�H計劃。
講開又講，如果你係漫畫fans，你實知道奧創其實係第1代「蟻俠」Dr. Henry Jonathan（Hank Pym）創造出嚟，不過喺《復2》中，奧創就變成由有錢佬科學家東尼史達研究出嚟。
5 黑寡婦、變形俠醫相約私奔
咪以為《復2》只係打打殺殺，今集亦加啲愛情嚟調劑下，呢個責任就落喺聯盟中唯一女角黑寡婦（施嘉莉祖安遜，Scarlett Johansson）身上。
曾同鷹眼（謝洛美維納，Jeremy Renner）有段情�H黑寡婦，今集轉投變形俠醫�H懷抱。故事講到喺布斯班拿變成變形俠醫�H時候，黑寡婦透過溫柔撫摸，得以穩住佢�H情緒，因此過電，之後喺同奧創對戰時，趁亂向變形俠醫獻吻，約定喺混戰結束後兩人從此幸福快樂咁生活落去……總係要有啲荷里活式戀愛先開心啲？
6 Hulkbuster之出現
今集東尼史達除咗製造出奧創之外，更因為之前每次變形俠醫出現都冇人可以制衡到佢，所以打造咗個名為Hulkbuster�H殲滅變形俠醫裝甲出嚟，重有空中裝備補給站，隨時可以換上損壞咗�H部分，講堅，真係好犀利！
7 配備全面upgrade
正所謂遇強愈強，一班英雄�H對手愈嚟愈勁，武器同配備當然都要全面upgrade。今集鷹眼將會有新弓箭，唔止可以射箭，重有多功能設備（入場留意喇）。而美國隊長�H盾，基於之前成日打打下會甩，成日要去執番，都幾尷尬，所以東尼史達就為佢�H盾加上磁石同自動收回功能，使用時更加收放自如。而最應該一早出現，就係為變形俠醫而設�H衣服，今集佢得到條有超級強韌伸縮功能�H褲，變到幾大都冇問題，唔會整爛晒啲衫褲，到變番正常人之後冇衫着……好想睇下條褲，聽落好似好「打耳」喎！
8 英雄搞埋笑
另一方面，黑寡婦雖情傾變形俠醫，但鷹眼卻反而加重咗戲分，經常爆出唔少精警對白；除此之外，Iron Man繼續同美國隊長鬥嘴。喺地球時間多咗�H雷神，着多咗便服，唔使成日都係得同一個造型；又成日同Iron Man鬥，邊個�H女朋友靚啲同叻啲等等，爆出唔少笑位。
